ବୌଦ୍ଧ, ୧୯ ଜୁଲାଇ (ହି.ସ.) ରୁଦ୍ଧଦ୍ୱାର ଭିତରେ ବୌଦ୍ଧ ଜିଲ୍ଲା ପରିଷଦ ବୈଠକ ଅନୁଷ୍ଠିତ ହୋଇଛି । ଭିତରକୁ କାହାକୁ ଛଡାଯାଇନଥିବା ବେଳେ ମିଡ଼ିଆ କୁ ମଧ୍ୟ ବୈଠକ ଠାରୁ ଦୁରେଇ ରଖାଯାଇଥିଲା । ବୈଠକରେ ପ୍ରବଳ ହଟଗୋଳ ହେବା ନେଇ ସୂଚନା ମିଳିଥିବା ବେଳେ ପ୍ରଶାସନିକ ଅଧିକାରୀଙ୍କ ଉପରେ ନିର୍ବାଚିତ ପ୍ରତିନିଧି ମାନେ ତୀବ୍ର ଅସନ୍ତୋଷ ବ୍ୟକ୍ତ କରିଥିବା ପ୍ରକାଶ କ୍ଷ ଦିନକୁ ଦିନ ମିଡ଼ିଆ ଠାରୁ ଜିଲା ପ୍ରଶାସନ ଦୁରେଇ ଯାଉଥିବା ବେଳେ ଏହାର କାରଣ ନେଇ ଚିନ୍ତା କରିବା କିମ୍ବା ସମାଧାନ କରିବାକୁ ଜିଲାପାଳ ଆଗ୍ରହ ମଧ୍ୟ ପ୍ରକାଶ କରୁନାହାନ୍ତି କ୍ଷ ଅନ୍ୟ ପକ୍ଷରେ ମିଡ଼ିଆ ଠାରୁ କାହିଁକି ଦୁରେଇ ରହୁଛି ଜିଲା ପ୍ରଶାସନର ଉତର ରଖି, ସତକଥା ବାହାରକୁ ବାହାରି ଆସିବାର ଭୟ ହିଁ ପ୍ରମୁଖ କାରଣ ବୋଲି କହିଛନ୍ତି ଅନେକ ବରିଷ୍ଠ ସାମ୍ବାଦିକ । ଜିଲାରେ ଦୁର୍ନୀତି ଚରମ ସୀମାରେ ପହଂଚି ଥିବା ବେଳେ ଉନ୍ନୟନ ନାମରେ ପ୍ରଶାସନ କେବଳ ମିଛ ଡିମ ଡିମ ପିଟୁଥିବା ବୁଦ୍ଧିଜୀବୀ ମହଲରେ ଚର୍ଚା ହେଉଛି । ବୌଦ୍ଧ ଜିଲ୍ଲା ପରିଷଦ ବୈଠକ ସ୍ଥାନୀୟ ପମଚାୟତଭବନ ସମ୍ମିଳନୀ କକ୍ଷଠାରେ ପରିଷଦର ଅଧ୍ୟକ୍ଷା ପ୍ରଭାସିନୀ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି । ବୈଠକରେ ମନରେଗା ଯୋଜନାରେ ଜିଲ୍ଲା ପାଇଁ ୧୭,୫୦,୦୦୦ ଶ୍ରମ ଦିବସ ଅଟଳଳ ଧାର୍ଯ୍ୟ ଲକ୍ଷ ରଖାଯାଇଥିବାବେଳେ ଅଦ୍ୟାବଧି ୮,୩୯,୭୭୫ ଟି ଶ୍ରମଦିବସ ସୃଷ୍ଟି କରାଯାଇଛି । ସେଥିମଧ୍ୟରୁ ବୌଦ୍ଧ ବ୍ଲକରେ ୪୮, ହରଭଙ୍ଗା ବ୍ଲକରେ ୧୦ ଓ କଣ୍ଟାମାଳ ବ୍ଲକରେ ୨୯ ଗୋଟି ୧୦୦ ଦିନ ଶ୍ରମ ଦିବସ ସୃଷ୍ଟି କରାଯାଇପାରିଛି ।ଏଥିପାଇଁ ୮୪,୪୦,୨୫,୦୦୦ ଆର୍ôଥକ ଖର୍ଚ୍ଚ କରାଯିବାକୁ ଲକ୍ଷ ଧାର୍ଯ୍ୟ କରାଯାଇଥିବାବେଳେ ଅଦ୍ୟାବଧି ୨୫୪୯,୭୧ ଲକ୍ଷ ଖର୍ଚ୍ଚ କରାଯାଇଛି । ଜଙ୍ଗଲ ବିଭାଗକୁ ୯୦ ଗୋଟି ପ୍ରକଳ୍ପ ପାଇଁ ୧୫,୯୭,୩୯,୧୫୭ ଟଙ୍କା ଅନୁଦାନ ଦିଆଯାଇଥିବାବେଳେ ସେଥିମଧ୍ୟରୁ ପାରିଶ୍ରମିକ ବାବଦକୁ ୯,୬୩,୨୦,୮୦୨ ଟଙ୍କା ଓ ମେଟେରିଆଲ ବାବାଦକୁ ୨,୨୯,୫୦,୭୫୪ ଟଙ୍କା ପ୍ରଦାନ କରାଯାଇଛି । ଉଦ୍ୟାନ କୃଷି ବିଭାଗକୁ ୨୦୨୪-୨୫ ଆର୍ôଥକ ବର୍ଷରେ ମୋଟ ୬୨୭ ଗୋଟି ପ୍ରକଳ୍ପ ପାଇଁ ୭,୪୯,୩୧,୫୬୦ ଟଙ୍କା ଅନୁମୋଦନ କରାଯାଇଛି । ସେଥିମଧ୍ୟରୁ ପାଣିଶ୍ରମିକ ବାବଦକୁ ୫,୧୯,୮୦,୮୦୬ ଟଙ୍କା ଓ ମେଟେରିଆଲ ବାବଦକୁ ୨,୨୯,୫୦,୭୫୪ ଟଙ୍କା ଅନୁଦାନ ଯୋଗାଇଦିଆଯାଇଛି । ସେହିପରି କୃଷି ବିଭାଗକୁ ୮୪ ଗୋଟି ପ୍ରକଳ୍ପ ପାଇଁ ୯୯.୧ ଲକ୍ଷ ଟଙ୍କା ଅନୁମୋଦ ନରାଯାଇଛି । ସେଥିମଧ୍ୟରୁ ଅଣଳୁଶଳୀ ୬୭,୩୮,୩୬୬ ଟଙ୍କା ଓ ମେଟେରିଆଲ ପାଇଁ ୩୧,୩୧,୬୩୪ ଲକ୍ଷ ଟଙ୍କା ଅନୁଦାନ ଯୋଗାଇଦିଆଯାଇଛି । ସେଚାଂଚଳ ଉନ୍ନୟ୍ରନ ବିଭାଗକୁ ୩୯ ଗୋଟି ପ୍ରକଳ୍ପ ପାଇଁ ୨,୯୭,୯୯,୭୩୦ ଟଙ୍କା ଅନୁମୋଦନ କରାଯାଇଥିବାବେଳେ ସେଥିମଧ୍ୟରୁ ପାରିଶ୍ରମିକ ବାବଦକୁ ୧,୭୭,୨୮,୮୯୩ ଟଙ୍କା ଓ ମେଟେରିଆଲ ବାବଦକୁ ୧,୧୦,୭୦,୮୩୭ ଟଙ୍କା ଖର୍ଚ୍ଚ ପାଇଁ ଅନୁମୋଦନ କରାଯାଇଛି । ବୈଠକରେ ଦିଆଯାଇଥିବା ସୂଚନା ମୁତାବକ ଚଳିତ ଆର୍ôଥକବର୍ଷରେ ବୌଦ୍ଧ ଜିଲ୍ଲା ପାଇଁ ୧୭,୫୦,୦୦୦ ଶ୍ରମ ଦିବସ ସୃଷ୍ଟି କରିବାକୁ ସରକାର ଲକ୍ଷଧାର୍ଯ୍ୟ କରିଥିବାବେଳେ ଅଦ୍ୟାବଧି ୮,୩୯,୭୭୫ ଗୋଟି ଶ୍ରମ ଦିବସ ସୃଷ୍ଟି କରି ବୌଦ୍ଧଜିଲ୍ଲା ରାଜ୍ୟରେ ପ୍ରଥମ ସ୍ଥାନ ଅଧିକାର କରିଛି । ସେହିପରି ଶ୍ରମିକମାନଙ୍କୁ ଠିକ୍ ସମୟରେ ପାରିଶ୍ରମିକ ଦେବାରେ ବୌଦ୍ଧ ଜିଲ୍ଲା ୯୯.୯୩% ଲକ୍ଷ ହାସଲ କରି ରାଜ୍ୟରେ ଚତୁର୍ଥ ସ୍ଥାନରେ ରହିଛି । ସରକାରଙ୍କ ନୂତନ ନିୟମ ଅନୁଯାୟି କୌଣସି କାର୍ଯ୍ୟରେ ୩୦ କିମ୍ବା ତଦୁର୍ଦ୍ଧ ଶ୍ରମିକ ନିୟୋଜିତ ହେଲେ ତାହା ପ୍ରତିଦିନ ଦୁଇଥର ଉପସ୍ଥାନ ଦିଆଯିବାକୁ ନିର୍ଦ୍ଦେଶ ରହିଛି । ଏହି କ୍ଷେତ୍ରରେ ବୌଦ୍ଧ ଜିଲ୍ଲା ୯୮.୨୦% ଲକ୍ଷ ହାସଲ କରି ରାଜ୍ୟରେ ଚତୁର୍ଥ ସ୍ଥାନରେ ରହିଛି । ପ୍ରଧାନମନ୍ତ୍ରୀ ଆବାସ ଯୋଜନାରେ ଜିଲ୍ଲା କୁ ୯୨୭୯ ଗୋଟି ଗୃହ ଲକ୍ଷ ଧାର୍ଯ୍ୟ ହୋଇଥିବାବେଳେ ସେଥିମଧ୍ୟରୁ ୮୮୯୮ ଗୋଟି ଗୃହ ସଂପୁର୍ଣ୍ଣ ହୋଇଛି । ଅନ୍ତ୍ୟୋଦୟ ଗୃହ ଯୋଜନାରେ ୨୦୨୪-୨୫ରେ ଜିଲାକୁ ଜିଲ୍ଲା କୁ ୨୨୧ ଗୋଟି ଗୃହ ନିର୍ମାଣ ଲକ୍ଷ ଧାର୍ଯ୍ୟ କରାଯାଇ ବଣ୍ଟନ କରାଯାଇଛି । ୨୦୨୫-୨୬ ଆର୍ôଥକ ବର୍ଷ ପାଇଁ ୧୩୦୮ ଗୋଟି ଗୃହ ନିର୍ମାଣ ପାଇଁ ଲକ୍ଷଧାର୍ଯ୍ୟ କରାଯାଇଥିବାବେଳେ ପ୍ରଥମ ପର୍ଯ୍ୟାୟରେ ୨୨୬ ଟି ଗୃହ ବଣ୍ଟନ କରାଯାଇଛି । ଚଳିତବର୍ଷ ଜିଲ୍ଲା କୁ ୧୫ଶ କେନ୍ଦ୍ରୀ ଅର୍ଥ କମିଶନ ଅନୁଦାନ ବାବଦକୁ ୭୦୭୩୮୮୪.୦୦ ଟଙ୍କା ମିଳିଥିବାବେଳେ ଏହି ଅର୍ଥ ମଧ୍ୟରୁ ଶତକଡା ୬୦ ଭାଗ ଅର୍ଥ ପାନୀୟଜଳ ଯୋଗାଣ ଓ ପରିମଳ ବ୍ୟବସ୍ଥା ନିମନ୍ତେ ଖର୍ଚ୍ଚ କରାଯିବ । ୫ଶ ରାଜ୍ୟ ଅର୍ଥ କମିଶନ ଅନୁଦାନ ବାବଦକୁ ଜିଲ୍ଲା କୁ ୮୭୪୨୯୯୩.୦୦ ଟଙ୍କା ଅନୁଦାନ ମିଳିଛି । ଏହି ଅର୍ଥ ମଧ୍ୟରୁ ଶତକଡା ୫୦ ଭାଗ ଅର୍ଥ ପାନୀୟଜଳ ଯୋଗାଣ ଓ ପରିମଳ ବ୍ୟବସ୍ଥା ନିମନ୍ତେ ଖର୍ଚ୍ଚ କରାଯିବ । ଓଡ଼ିଶା ଜିବିକା ମିଶନ କାର୍ଯ୍ୟକ୍ରମ ପରିପ୍ରେକ୍ଷିରେ ବୌଦ୍ଧଜିଲ୍ଲା ର ସମସ୍ତ ବ୍ଲକକୁ ସଘନ ବ୍ଲକ ଭାବରେ ନିଆଯାଇଛି । ବିଗତବର୍ଷ ଜିଲାର ୩୭ଗୋଟି ପଂଚାୟତର ୭୪୯ ଗୋଟି ସ୍ୱୟଂସହାୟକ ଦଳକୁ ୮,୨୨,୬୦,୦୦୦.୦୦ ଟଙ୍କାର ଗୋଷ୍ଠୀ ବିନିଯୋଗ ପାଣ୍ଠି ଯୋଗାଇଦିଆଯାଇଛି । ଚଳିତବର୍ଷ ଅଦ୍ୟାବଧି ୭୦୧ ଗୋଟି ସ୍ୱୟଂସହାୟକ ଗୋଷ୍ଠୀଙ୍କୁ ବ୍ୟାଙ୍କ ସଂଯୋଗୀକରଣ ଜରିଆରେ ୨୮,୪୮,୪୬,୦୦୦.୦୦ ଟଙ୍କାର ବ୍ୟାଙ୍କ ଋଣ ଯୋଗାଇଦିଆଯାଇଛି ।

ଏହାବ୍ୟତୀତ ବୈଠକରେ ଜିଲ୍ଲା ର ଜଳସେଚନ, ରାସ୍ତାସଂଯୋଗୀକରଣ,ଶିକ୍ଷା,ସ୍ୱାସ୍ଥ୍ୟ,ପ୍ରାଣୀସଂପଦ,ମହିଳା ଓ ଶିଶୁ କଲ୍ୟାଣ,ଖ୍ୟାଦ୍ୟ ଯୋଗାଣ,ସମବାୟ ଓ ହସ୍ତତନ୍ତ ସମେତ ବିଭିନ୍ନ ବିଭାଗ ପକ୍ଷରୁ ଚାଲିଥିବା ଉନ୍ନୟନମୂଳକ କାର୍ଯ୍ୟକ୍ରମ ସଂପର୍କରେ ଆଲୋଚନା କରାଯାଇଥିଲା । ବୈଠକରେ ବୌଦ୍ଧ ବିଧାୟକ ତଥା ସରକାରୀ ଦଳର ମୁଖ୍ୟ ସଚେତନକ ସରୋଜ କୁମାର ପ୍ରଧାନ,କଣ୍ଟାମାଳ ବିଧାୟକ କହ୍ନାଇଁ ଚରଣ ଡାଙ୍ଗ, ଜିଲ୍ଲାପାଳ ସୁବ୍ରତ କୁମାର ପଣ୍ଡା,ଜିଲା ପରିଷଦର ମୁଖ୍ୟ ଉନ୍ନୟନ ତଥା କାର୍ଯ୍ୟ ନିର୍ବାହୀ ଅଧିକାରୀ ପ୍ରଭାସ ଚନ୍ଦ୍ର ଦଣ୍ଡସେନାଙ୍କ ସମେତ ସମସ୍ତ ଜିଲାପରିଷତ ସଭ୍ୟ ସଭ୍ୟା ଓ ବିଭାଗୀୟ ଅଧିକାରୀମାନେ ଉପସ୍ଥିତ ଥିଲେ । ବୈଠକ ସଂପର୍କରେ ଗଣମାଧ୍ୟମକୁ ସୂଚନା ଦିଆଯାଇନଥିବାବେଳେ ବିଭାଗ ଗୁଡିକ ପକ୍ଷରୁ ଦିଆଯାଇଥିବା ତଥ୍ୟର ସତ୍ୟତା ଓ ସମୀକ୍ଷାକୁ ନେଇ ସାଧାଣରେ ପ୍ରଶ୍ନବାଚୀ ସୃଷ୍ଟି ହୋଇଛି ।

---------------

ହିନ୍ଦୁସ୍ଥାନ ସମାଚାର / ସମ୍ମତ କୁମାର ଅଗ୍ରୱାଲା