ବାରାଣସୀ୨୦ ଜୁଲାଇ (ହି.ସ.)-

ବାରାଣସୀରେ ଗଙ୍ଗା ନଦୀର ଜଳସ୍ତର ନିରନ୍ତର ବୃଦ୍ଧି ପାଉଛି, ଯାହା ଫଳରେ ସହରର

ଉପକୂଳବର୍ତ୍ତୀ ଅଞ୍ଚଳରେ ବନ୍ୟା ଭଳି ପରିସ୍ଥିତି ସୃଷ୍ଟି ହୋଇଛି। ଗଙ୍ଗା ଏବଂ ବରୁଣା ନଦୀର ଢେଉ

ଏବେ ଭୟଙ୍କର ରୂପ ନେଇଛି। ଉପକୂଳ ଅଞ୍ଚଳରେ ଜୀବନଯାତ୍ରା ଠପ୍ ହୋଇଯାଇଛି। ମଣିକର୍ଣ୍ଣିକା ଘାଟର ଲେନରେ

ଡଙ୍ଗା ଚଳାଚଳ କରିବା ସ୍ଥିତି ଉପୁଜିଛି, ଯେତେବେଳେ ଜଳସ୍ତର

ସତର୍କତା ବିନ୍ଦୁରୁ ମାତ୍ର କିଛି ସେଣ୍ଟିମିଟର ଦୂରରେ ପହଞ୍ଚିଛି। ଜିଲ୍ଲା ପ୍ରଶାସନ, ଏନଡିଆରଏଫ ଏବଂ ଜଳ ପୋଲିସ ସମ୍ପୂର୍ଣ୍ଣ ସଜାଗ ଅଛନ୍ତି

ଏବଂ ପ୍ରଭାବିତ ଅଞ୍ଚଳରେ ରିଲିଫ୍ ଏବଂ ଉଦ୍ଧାର କାର୍ଯ୍ୟ ଜାରି ରହିଛି।

—ଗଙ୍ଗା ଜଳସ୍ତର ବିପଦ ଆଡକୁ ବୃଦ୍ଧି ପାଉଛି

କେନ୍ଦ୍ରୀୟ ଜଳ କମିଶନଙ୍କ ଅନୁଯାୟୀ, ଶନିବାର ରାତି ୧୦ଟା ସୁଦ୍ଧା, ବାରାଣସୀରେ ଗଙ୍ଗାର ଜଳସ୍ତର ୭୦.୦୬ ମିଟରରେ

ପହଞ୍ଚିଥିଲା। ରବିବାର ସକାଳେ ଏହା ବୃଦ୍ଧି ହୋଇ ୭୦.୧୩ ମିଟର ରେକର୍ଡ କରାଯାଇଥିବାବଳେ ସତର୍କତା

ବିନ୍ଦୁ ୭୦.୨୬୨ ମିଟର ଏବଂ ବିପଦ ସଙ୍କେତ ୭୧.୨୬୨ ମିଟର। ଜଳସ୍ତରରେ ହାରାହାରି ଗୋଟିଏ

ସେଣ୍ଟିମିଟର ପ୍ରତି ଘଣ୍ଟା ବେଗରେ ବୃଦ୍ଧି ପାଉଛି, ଯାହା ପରିସ୍ଥିତିକୁ

ଆହୁରି ଗମ୍ଭୀର କରିପାରେ।

---------------

ହିନ୍ଦୁସ୍ଥାନ ସମାଚାର / ରଶ୍ମିତା