ଭୁବନେଶ୍ୱର,୦୬ ଅଗଷ୍ଟ (ହି.ସ.)- ଅମୃତ ଷ୍ଟେସନ ଯୋଜନା ଅଧୀନରେ ଅନୁଗୁଳ ରେଳ ଷ୍ଟେସନର ପୁନର୍ବିକାଶ ଗଠନଶୀଳ ଭାବରେ ଅଗ୍ରଗତି କରୁଛି । ପ୍ରକଳ୍ପଟି ୨୫.୪୧ କୋଟି ଟଙ୍କାର ଅନୁମୋଦିତ ମୂଲ୍ୟ ମଧ୍ୟରୁ ନିର୍ମାଣ କାର୍ଯ୍ୟରେ ୫୨% ଏବଂ ଆର୍ôଥକ କ୍ଷେତ୍ରରେ ୪୩% ପ୍ରଗତି ହାସଲ କରିଛି ।
ଅମୃତ ଭାରତ ଷ୍ଟେସନ ଅନ୍ତର୍ଗତ ଅନୁଗୁଳ ଷ୍ଟେସନର ସଫ୍ଟ ଅପଗ୍ରେଡେସନ୍ ଡିସେମ୍ବର ୨୦୨୫ ସୁଦ୍ଧା ସମାପ୍ତ ହେବାର ଯୋଜନା କରାଯାଇଥିବାବେଳେ ୧୨-ମିଟର ଚଉଡା ଫୁଟ ଓଭର ବ୍ରିଜ ମାର୍ଚ୍ଚ ୨୦୨୬ ସୁଦ୍ଧା ସମାପ୍ତ ହେବାର ଆଶା କରାଯାଉଛି ।
ଷ୍ଟେସନ ନିର୍ମାଣ ସହ ମୁଖବନ୍ଧ ଉନ୍ନତି କାର୍ଯ୍ୟ ଯେଉଁଠାରେ ଢାଂଚାଗତ କାର୍ଯ୍ୟ ସମାପ୍ତ ହୋଇଛି, ପ୍ଲାଷ୍ଟରିଂ କାର୍ଯ୍ୟ ଚାଲୁରହିଛି ଓ ରଙ୍ଗ ଏବଂ ବୈଦ୍ୟୁତିକ କାର୍ଯ୍ୟ ସଠିକ ସମୟରେ କରାଯିବ। ଚଳପ୍ରଚଳ ଅଂଚଳ ବା ସର୍କୁଲେଟିଂ ଏରିଆର ବିକାଶ କାର୍ଯ୍ୟରେ ଟେନ୍ସାଇଲ୍ ଫେବ୍ରିକେସନ୍ ସମାପ୍ତ ହୋଇଛି ଏବଂ ମାଟି କାର୍ଯ୍ୟ ବା ଆର୍ଥୱାର୍କ, ପିସିସି ଏବଂ ଡ୍ରେନେଜ୍ କାମ ଚାଲୁରହିଛି । ପ୍ଲାଟଫର୍ମ ଆଶ୍ରୟସ୍ଥଳ, ଯେଉଁଠାରେ ୩୫ ଟି ବେ ମଧ୍ୟରୁ ୨୯ ଟି ସମ୍ପୂର୍ଣ୍ଣ ହୋଇଛି । ଫୁଟ ଓଭର ବ୍ରିଜ ସହିତ ସଂଯୁକ୍ତ କ୍ୟାଂଟିଲିଭର୍ ଷ୍ଟ୍ରକଚର ନିର୍ମାଣ ସହିତ ବାକି ୬ ଟି ନିର୍ମାଣ କାର୍ଯ୍ୟ ପ୍ରଗତିରେ ଅଛି। ପ୍ଲାଟଫର୍ମ ଚଳପ୍ରଚଳ ଅଂଚଳ, ଇଟା ଦ୍ୱାରା ଡ୍ରେନେଜ୍ କାର୍ଯ୍ୟ, ବ୍ଲକ୍ ଗୁଡିକୁ ସଠିକ ଭାବେ ସଂସ୍ଥାପନ ଏବଂ ପ୍ଲାଟଫର୍ମ ୨ ଏବଂ ୩ ରେ ଟାଇଲ୍ ବିଛାଇବା ସମେତ ପାଣି ବୁଥ୍ ସଂସ୍ଥାପନ କାର୍ଯ୍ୟ ଚାଲୁରହିଛି ଏବଂ ଟ୍ୟାପ୍ ପଏଣ୍ଟ ସ୍ଥାପନ ହେବାକୁ ବାକି ଅଛି। ଫୁଟ ଓଭର ବ୍ରିଜ ନିର୍ମାଣ କାର୍ଯ୍ୟ ମୂଳଦୁଆ (ଫାଉଣ୍ଡେସନ୍), ସିଡ଼ି, ସ୍ତମ୍ଭ ନିର୍ମାଣ ଏବଂ ଡେକ୍ ଫେବ୍ରିକେସନ୍ ସହିତ ଯୋଜନଗତ ଭାବରେ ଅଗ୍ରଗତି ହେଉଛି । ପ୍ରବେଶଯୋଗ୍ୟତାକୁ ଉନ୍ନତ କରିବା ପାଇଁ ଚାରିଟି ଲିଫ୍ଟ ବ୍ୟବସ୍ଥା କରାଯାଉଛି ।
ଚା ଅତିରିକ୍ତ କାର୍ଯ୍ୟ ମଧ୍ୟରେ ପ୍ରତିକ୍ଷ୍ୟ ହଲ୍ ଓ ଶୌଚାଳୟର ନବୀକରଣ, ଷ୍ଟେସନର ଦ୍ୱିତୀୟ ପ୍ରବେଶ ପଥର ବିକାଶ ଏବଂ ସ୍ଥାନୀୟ କଳା ଏବଂ ସାଂସ୍କୃତିକ ଗରିମା ଓ ସୌନ୍ଦର୍ୟମୟ ଡିଜାଇନ୍ ଉପାଦାନଗୁଡ଼ିକର ସମନ୍ୱୟ ଅନ୍ତର୍ଭୁକ୍ତ ।
ଷ୍ଟେସନକୁ ଦିବ୍ୟାଙ୍ଗଜନ-ଅନୁକୂଳ ସୁବିଧା ଭାବରେ ବିକଶିତ କରାଯାଉଛି । ପ୍ରଥମ ପର୍ଯ୍ୟାୟ କାର୍ଯ୍ୟ ସହିତ ରାମ୍ପ, କୋଚ୍ ସ୍ଥିତି ପ୍ରଦର୍ଶନ ବୋର୍ଡ, କମ୍ ଉଚ୍ଚତା ଟିକେଟ୍ ଏବଂ ସହାୟତା ବୁଥ୍, ଦିବ୍ୟାଙ୍ଗ ଶୌଚାଳୟ ଏବଂ ଜଳ ବୁଥ୍, ଉତ୍ସର୍ଗୀକୃତ ପାର୍କିଂ ଏବଂ ଲିଫ୍ଟଗୁଡ଼ିକୁ ଫୁଟ ଓଭର ବ୍ରିଜରେ ସଂଯୁକ୍ତ କରାଯାଉଛି । ଆଗାମୀ କାର୍ଯ୍ୟଗୁଡ଼ିକ ମଧ୍ୟରେ ଲିଫ୍ଟ, ବ୍ରେଲି ସାଇନେଜ୍, ସୁଗମ ଫ୍ଲୋରିଂ ଏବଂ ହ୍ୱିଲଚେୟାର ଉପଲବ୍ଧତା ମଧ୍ୟ ଅନ୍ତର୍ଭୁକ୍ତ ହେବ ।
ଅନ୍ୟାନ୍ୟ ଯାତ୍ରୀ ସୁବିଧା ମଧ୍ୟରେ ସାର୍ବଜନୀନ ଘୋଷଣା ପ୍ରଣାଳୀ, ଡିଜିଟାଲ୍ ସାଇନେଜ୍, ଉନ୍ନତ ଆଲୋକୀକରଣ ଏବଂ ଚାର୍ଜିଂ ପଏଂଟ, ସିସିଟିଭି କ୍ୟାମେରା, ଏଟିଭିଏମ, ଡଷ୍ଟବିନ, ପାଣି କୁଲର, ଟ୍ରେନ୍ ସୂଚକ ବୋର୍ଡ, ପର୍ଯ୍ୟଟନ ସୁବିଧା କାଉଂଟର, ସ୍ଥାନୀୟ ଉତ୍ପାଦ ଗୁଡିକର ବିକ୍ରି ଓ ପ୍ରସାର ପାଇଁ ଓଏସଓପି ଷ୍ଟଲ୍ ଏବଂ ଅଗ୍ନି ନିର୍ବାପକ ଉପକରଣ ଭଳି ସୁବିଧା ଅନ୍ତର୍ଭୁକ୍ତ ହେବ। ଅମୃତ ଷ୍ଟେସନ ଯୋଜନା ଅଧୀନରେ ଅନୁଗୁଳ ରେଳ ଷ୍ଟେସନର ପୁନର୍ବିକାଶ କାର୍ଯ୍ୟ ଏହାକୁ ଏକ ଆଧୁନିକ, ସାଂସ୍କୃତିକ ଏବଂ ସୌନ୍ଦର୍ୟମୟ ଡିଜାଇନ୍ ର ସ୍ପନ୍ଦନଶୀଳ ରେଳ ହବ୍ ରେ ପରିଣତ କରିବା ଲକ୍ଷ୍ୟରେ ହେଉଛି, ଯାହା ସମସ୍ତ ବର୍ଗର ଯାତ୍ରୀଙ୍କ ପାଇଁ ଉନ୍ନତ ଓ ସୁବିଧାଜନକ ଯାତ୍ରା ଅଭିଜ୍ଞତା ନିଶ୍ଚିତ କରିବ ।
---------------
ହିନ୍ଦୁସ୍ଥାନ ସମାଚାର / ବନ୍ଦନା
