ଭଦ୍ରକ, ୨୩ ନଭେମ୍ବର (ହି.ସ.) - ବନ୍ତ ବ୍ଲକ ଆଗରପଡ଼ା ସତ୍ୟସାଇ ସେବା ସମିତି ଆନୁକୁଲ୍ୟରେ ୯୯ତମ ଜନ୍ମ ମହୋତ୍ସବ ପାଳିତ ହୋଇଯାଇଛି। ସକାଳେ ଓଁକାର, ସୁପ୍ରଭାତମ୍ ଓ ନଗର ସଂକୀର୍ତ୍ତନ ଗ୍ରାମ ପରିକ୍ରମା କରାଯାଇଥିଲା। ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରର ଅନ୍ତେବାସୀଙ୍କୁ ଚିନ୍ତାମଣି ବେହେରା, ଚିତ୍ତରଞ୍ଜନ ସାମନ୍ତରାୟ, ସନାତନ ସାହୁ, ନନ୍ଦକିଶୋର ନାୟକ, ସୁଦାମ ପୃଷ୍ଟି ପ୍ରମୁଖଙ୍କ ଦ୍ୱାରା ଫଳ ଓ ଶୁଖିଲା ଖାଦ୍ୟ ବଣ୍ଟନ କରାଯାଇଥିଲା। ପରେ ବିଟିପୁର ସ୍ଥିତ ମନ୍ଦିରରେ ଆବାହକ ଅରୁଣ କୁମାର ସାହୁ ପ୍ରଶାନ୍ତି ପତାକା ଉତ୍ତୋଳନ କରିଥିଲେ। ନୀତିକାନ୍ତି ଅନୁଯାୟୀ ବାବାଙ୍କ ଷୋଡ଼ଶୋପଚାର ପୂଜା, ଲକ୍ଷାର୍ଚ୍ଚନା ସହ ମଧ୍ୟାହ୍ନରେ ସତସଙ୍ଗ କାର୍ଯ୍ୟକ୍ରମ କରାଯାଇ ନାରାୟଣ ସେବା ଓ ବସ୍ତ୍ରଦାନ ଆଦି କରାଯାଇଥିଲା। ସନ୍ଧ୍ୟାରେ ବାଲବିକାଶ ପିଲାମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଓ ସର୍ବଧର୍ମ ପ୍ରାର୍ଥନା ସଭା ପରେ ପୂର୍ଣ୍ଣାହୁତି ଦିଆଯାଇଥିଲା। କାର୍ଯ୍ୟକ୍ରମକୁ ଦେବେନ୍ଦ୍ର ମଲ୍ଲିକ, ହରେକୃଷ୍ଣ ସାହୁ, ସରସ୍ୱତୀ ବେହେରା, ଗମନ ଜେନା, କଳାକୃଷ୍ଣ ବେହେରା ପ୍ରମୁଖ ପରିଚାଳନା କରିଥିଲେ।
ହିନ୍ଦୁସ୍ଥାନ ସମାଚାର/ପ୍ରମୋଦ/ଭାନୁ
ହିନ୍ଦୁସ୍ଥାନ ସମାଚାର / ଭାନୁ ଚରଣ