ଭବାନୀପାଟଣା, ୨୩ ନଭେମ୍ବର (ହି.ସ.)- ଆଜି ଭବାନୀପାଟଣା ସ୍ଥିତ ଶ୍ରୀ ସତ୍ୟସାଇ ବାବାଙ୍କ ୯୯ତମ ଜନ୍ମୋତ୍ସବ ପାଳନ କରାଯାଇଛି। ଏହି କାର୍ଯ୍ୟକ୍ରମରେ ସମିତିର ଆବାହକ ଓ କର୍ମକର୍ତ୍ତା ତଥା ଛାତ୍ରଛାତ୍ରୀ, ଶିକ୍ଷକଙ୍କ ସାମୁହିକ ସହଯୋଗରେ ଧୂମଧାମରେ ଭଗବାନ ଶ୍ରୀ ସତ୍ୟସାଇ ବାବାଙ୍କ ଜନ୍ମ ଦିବସ ପାଳିତ ହୋଇଥିଲା। ଭଗବାନଙ୍କ ଅମୃତ ବାଣୀକୁ ସମସ୍ତ ନର ନାରାୟଣଙ୍କ ହୃଦୟରେ ସ୍ଥାୟୀ ଭାବରେ ଶ୍ରଦ୍ଧା ସବୁରେ ବାସ କରିବା, ସମସ୍ତେ ସମସ୍ତଙ୍କୁ ପ୍ରେମ, ଶ୍ରଦ୍ଧା ସେବା ରହି ନର ନାରାୟଣ ମାନଙ୍କ ହୃଦୟରେ ରହିବା ଇତ୍ୟାଦି ଜନହିତକର କାର୍ଯ୍ୟକ୍ରମ ରହିବା ସହ ପରସ୍ପର ହିଂସାକୁ ପରିତ୍ୟାଗ କରିବାକୁ ହେବ।
ଏହି କାର୍ଯ୍ୟକ୍ରମରେ ପ୍ରଥମେ ଓଁ କାରମ, ନଗର ସଂକିର୍ତ୍ତନ, ପରେ ଦିବ୍ୟ ପ୍ରଶାନ୍ତି ପତାକା ଉତ୍ତଳୋନ, ଷୋଡଶ ଉପଚାର ପୂଜା, ନାରାୟଣ ସେବା ଓ ପ୍ରସାଦ ସେବନ, ହଜାର ହଜାର ଜନତା ଙ୍କୁ ପ୍ରସାଦ ସେବନ ର ସୁ ବ୍ୟବସ୍ଥା କରାଯାଇଥିଲା, ଓ ବସ୍ତ୍ର ଦାନ କରାଯାଇଥିଲା, ସାମୁହିକ ଦିପଦାନ କରିବା ସହ ଭଗବାନଙ୍କୁ ଝୁଲଣ କାର୍ଯ୍ୟକ୍ରମ କରାଯାଇଥିଲା ଏବଂ ଜନ୍ମ ଦିନ କେକ କଟାଯାଇଥିଲା। ରାତ୍ରିରେ ସଂସ୍କୃତିକ କାର୍ଯ୍ୟକ୍ରମ କରାଯାଇଥିଲା।
ହିନ୍ଦୁସ୍ଥାନ ସମାଚାର / ଜୟକୃଷ୍ଣ
