ଏକାମ୍ର ବାସୀଙ୍କ ସର୍ବାଙ୍ଗୀନ ବିକାଶ ମୋର ସ୍ବପ୍ନ:- ବାବୁ ସିଂ
ଭୁବନେଶ୍ୱର, 23ମଇ (ହି.ସ ଏକାମ୍ର ନିର୍ବାଚନ ମଣ୍ଡଳୀ ରେ ବିଜେପି ତାର ପ୍ରଚାର କୁ ଆହୁରି ଜୋରଦାର କରିଛି।ଆଜି ଏକାମ୍ର ନ
ଏକାମ୍ର ବାସୀଙ୍କ ସର୍ବାଙ୍ଗୀନ ବିକାଶ ମୋର ସ୍ବପ୍ନ:- ବାବୁ ସିଂ


ଭୁବନେଶ୍ୱର, 23ମଇ (ହି.ସ ଏକାମ୍ର ନିର୍ବାଚନ ମଣ୍ଡଳୀ ରେ ବିଜେପି ତାର ପ୍ରଚାର କୁ ଆହୁରି ଜୋରଦାର କରିଛି।ଆଜି ଏକାମ୍ର ନିର୍ବାଚନ ମଣ୍ଡଳୀର ଦିନତମାମ ବିଶାଳ ବାଇକ ଶୋଭାଯାତ୍ରା, ଜନସଭା ଓ ପଦଯାତ୍ରା କରି ବିଜେପି ବିଧାୟକ ପ୍ରାର୍ଥୀ ବାବୁ ସିଂ ଜନତାଙ୍କ ଆଶ୍ରିବାଦା ନେଇଥିଲେ। ଆଜି ସାମନ୍ତରାପୁର ରୁ ବାଇକ ଶୋଭାଯାତ୍ରା ଆରମ୍ଭ ହୋଇ ଡୁମୁଡୁମା, ଯଦୁପୁର,ଡେଲ୍ଟା,ସପ୍ତାଧିନଗର, କୋରୋଡ଼କଣ୍ଟା, କେଶୁରା ଅଞ୍ଚଳ ଦେଇ ବିଭିନ୍ନ ସ୍ଥାନରେ ମାରାଥନ ପ୍ରଚାର କରିଥିଲେ ବିଜେପି ବିଧାୟକ ପ୍ରାର୍ଥୀ ବାବୁ ସିଂ। ରାତ୍ର ରେ କପିଳପ୍ରସାଦ ସୁନ୍ଦରପଦା ଅଞ୍ଚଳରେ ବିଶାଳ ଜନସଭା କରିଥିଲେ ବିଜେପି ବିଧାୟକ ପ୍ରାର୍ଥୀ ବାବୁ ସିଂ।ପ୍ରଚାର ସମୟରେ ତାଙ୍କୁ ବିପୁଳ ଜନସମର୍ଥନ ମିଳୁଛି। ଦ୍ଵୀପ ତଳ ଅନ୍ଧାର ଭଳି ଓଡ଼ିଶାର ରାଜଧାନୀ ଭୁବନେଶ୍ଵର ର ତିନୋଟି ନିର୍ବାଚନ ମଣ୍ଡଳୀ ମଧ୍ୟରୁ ଏକାମ୍ର ନିର୍ବାଚନ ମଣ୍ଡଳୀ ଅନ୍ୟତମ।ମନ୍ଦିର ମାଳିନୀ ସହର ଏକାମ୍ର ଭୁବନେଶ୍ୱର ବିକାଶ ଠାରୁ ଅନେକ ଦୂରରେ। ବହୁ କ୍ଷେତ୍ର ରେ ଏହି ଅଞ୍ଚଳ ଅବହେଳିତ। ରାସ୍ତା ଘାଟ, ପାନୀୟ ଜଳ, ଶିକ୍ଷା, ସ୍ବାସ୍ଥ୍ୟ ସବୁ କ୍ଷେତ୍ର ରେ ସମସ୍ୟା ଏଠି ମାଳ ମାଳ। ବର୍ଷା ଦିନେ ଲୋକେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି। ଅସରାଏ ବର୍ଷା ହେଲେ ଏଠି ଲୋକଙ୍କ ଘରେ ଆଣ୍ଠୁଏ ପାଣି ପଶେ। ବର୍ଷା ଜଳ ନିଷ୍କାସନ ପାଇଁ ରାଜ୍ୟ ସରକାର ଙ୍କ ପକ୍ଷରୁ କୌଣସି ବିଧିବଦ୍ଧ ପଦକ୍ଷେପ ଗ୍ରହଣ କରାଯାଇ ନାହିଁ। ପାନୀୟ ଜଳ ସମସ୍ୟା କହିଲେ ନସରେ। ରାଜ୍ୟ ସରକାର ଙ୍କ ଡ୍ରିଙ୍କ ଫ୍ରମ୍ ଟ୍ୟା ପର କଥା କହୁଛନ୍ତି, ହେଲେ ଏବେବି ବସ୍ତି ବାସିନ୍ଦା ପାନୀୟ ଜଳ ଅଭାବରୁ ଦୂଷିତ ଜଳ ପିଉଛନ୍ତି। ଏକାମ୍ର ର ରାସ୍ତା ଘାଟ ନିପଟ ମଫସଲ ଠାରୁ ଶୋଚନୀୟ। ଷ୍ଟ୍ରିଟ ଲାଇଟ୍ ନଥିବାରୁ ଡକାୟତି, ରାହାଜାନୀ ଠାରୁ ଆରମ୍ଭ କରି ବହୁ ଅସାମାଜିକ କାର୍ଯ୍ୟ ହେଉଛି। ବିଭିନ୍ନ ସ୍ଥାନରେ ହାଟ ର ଅବସ୍ଥା ଅତ୍ୟନ୍ତ ଦୟନୀୟ ହୋଇ ରହିଛି। ସ୍ବାସ୍ଥ୍ୟ ସେବା ସମ୍ପୂର୍ଣ ବିପର୍ଯ୍ୟସ୍ତ। ଶିକ୍ଷା କେନ୍ଦ୍ର ରେ ଶିକ୍ଷକ ନାହାନ୍ତି। କାଗଜ କଲମରେ ବିକାଶ କରିଛନ୍ତି ସ୍ଥାନୀୟ ବିଧାୟକ ବୋଲି ବାବୁ ସିଂ କହିଛନ୍ତି।ଏକାମ୍ର ନିର୍ବାଚନ ମଣ୍ଡଳୀରେ ୨୪ ଘଣ୍ଟିଆ ପାନୀୟ ଜଳ ଯୋଗାଣ ପାଇଁ ପ୍ରାଥମିକତା ଭିକ୍ତିରେ ଉଦ୍ୟମ କରିବି। ଗଙ୍ଗୁଆ ନାଳ ର ପୂର୍ଣ୍ଣ ଉଦ୍ଧାର କରି ଏକାମ୍ର ଅଞ୍ଚଳକୁ ଜଳ ବନ୍ଦୀ ରୁ ମୁକ୍ତି କରାଯିବ। ଏ ଦିଗରେ ଯାହା ସମ୍ଭବ ମୁଁ କରିବି। ଏଠାରେ ମହାପ୍ରଭୁ ଲିଙ୍ଗରାଜ ଙ୍କ ସହ ବହୁ ପ୍ରାଚୀନ କୀର୍ତ୍ତି ରାଜି ରହିଛି। ସେସବୁକୁ ନେଇ ଏଠାରେ କିଭଳି ଆଧ୍ୟାତ୍ମିକ ପରିବେଶ ରେ ପର୍ଯ୍ୟଟନକୁ ଆକୃଷ୍ଟ କରିହେବ ସେ ଦିଗରେମାଷ୍ଟର ପ୍ଲାନ୍ ପ୍ରସ୍ତୁତ ହେବ। ଫଳରେ ଏଠାରେ ଲୋକଙ୍କୁ ରୋଜଗାର ମିଳିପାରିବ। ରାସ୍ତା ଘାଟ, ପାନୀୟ ଜଳ, ପରିମଳ ପରି ସୁବିଧା ସହ ଏକାମ୍ର ଅଞ୍ଚଳକୁ ଏକ ଆଦର୍ଶ ନିର୍ବାଚନ ମଣ୍ଡଳୀରେ ପରିଣତ କରାଯିବ ବୋଲି ଶ୍ରୀ ସିଂ କହିଛନ୍ତି।

ହିନ୍ଦୁସ୍ଥାନ ସମାଚାର //ସମନ୍ୱୟ


 rajesh pande