ନୂଆଦିଲ୍ଲୀ, ୨୪ ମଇ (ହି.ସ.)- ସିକିମ୍ ରାଜ୍ୟ ପ୍ରତିଷ୍ଠା ଦିବସ ଅବସରରେ କେନ୍ଦ୍ର ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆଙ୍କ ଦ୍ୱାରା ଲିଖିତ ଏକ ନିବନ୍ଧ ସେୟାର କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାଜ୍ୟର ସାଂସ୍କୃତିକ ଐତିହ୍ୟ, ପରିବେଶ ସଂରକ୍ଷଣ ଏବଂ ସ୍ଥାୟୀ ବିକାଶ ମଡେଲକୁ ପ୍ରଶଂସା କରିଛନ୍ତି । ପ୍ରଧାନମନ୍ତ୍ରୀ କହିଥିଲେ ଯେ, ଏହି ନିବନ୍ଧରେ କାଂଚନଜଙ୍ଘାକୁ ସିକିମ୍ ର ଭୂମି, ସ୍ମୃତି ଏବଂ ଚେତନାର ରକ୍ଷକ ଭାବେ ବର୍ଣ୍ଣନା କରାଯାଇଛି, ଯାହା ରାଜ୍ୟର ବିକଶିତ ସିକିମ-୪୭ ଦୃଷ୍ଟିକୋଣକୁ ଦିଶା ପ୍ରଦାନ କରୁଛି ।
ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ପ୍ରଧାନମନ୍ତ୍ରୀ ତାଙ୍କ ବାର୍ତାରେ କହିଛନ୍ତି ଯେ, ସିକିମ ଏହାର ରାଜ୍ୟ ପାହ୍ୟାର ୫୧ତମ ବର୍ଷରେ ପ୍ରବେଶ କରୁଛି । ଏହି ଅବସରରେ ଜ୍ୟୋତିରାଦିତ୍ୟ ସିନ୍ଧିଆ କାଂଚନଜଙ୍ଘାର ପାଂଚଟି ଐତିହ୍ୟ ମାଧ୍ୟମରେ ରାଜ୍ୟର ପରିଚୟ, ପରମ୍ପରା ଏବଂ ବିକାଶ ଯାତ୍ରାକୁ ପ୍ରଭାବୀ ଢଙ୍ଗରେ ଉପସ୍ଥାପନ କରିଛନ୍ତି । ସେ କହିଥିଲେ ଯେ, ଏହି ପାଂଚଟି ଐତିହ୍ୟ ବିକଶିତ ସିକିମ୍-୨୦୪୭ ଦିଗରେ ରାଜ୍ୟର ପ୍ରଗତିକୁ ପ୍ରକାଶିତ କରୁଛି ।
ଏକ ଇଂରାଜୀ ଖବରକାଗଜରେ ପ୍ରକାଶିତ ତାଙ୍କ ନିବନ୍ଧରେ ଜ୍ୟୋତିରାଦିତ୍ୟ ସିନ୍ଧିଆ ସିକିମକୁ ସାମାଜିକ ସୌହାର୍ଦ୍ଦ୍ୟ, ପରିବେଶ ସଂରକ୍ଷଣ, ସାଂସ୍କୃତିକ ଐତିହ୍ୟ ଏବଂ ସ୍ଥାୟୀ ବିକାଶର ଏକ ଉତମ ଉଦାହରଣ ବୋଲି ବର୍ଣ୍ଣନା କରିଥିଲେ । ସେ ଲେଖିଛନ୍ତି ଯେ, ରାଜ୍ୟର ବିକାଶ କେବଳ ଭିତିଭୂମି ମଧ୍ୟରେ ସୀମିତ ନୁହେଁ, ବରଂ ଏହା ଜନସାଧାରଣଙ୍କ ବିଶ୍ୱାସ, ପ୍ରକୃତିର ସଂରକ୍ଷଣ ଏବଂ ସାଂସ୍କୃତିକ ମୂଲ୍ୟବୋଧ ସହିତ ଆଗକୁ ବଢ଼ିଛି ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ
