କାଠମାଣ୍ଡୁ, ୧୭ ଅକ୍ଟୋବର (ହି.ସ)-ନୂଆଦିଲ୍ଲୀରେ ୧୪ରୁ୧୬

ଅକ୍ଟୋବର ପର୍ଯ୍ୟନ୍ତ ଅନୁଷ୍ଠିତ ମିଳିତ ଜାତିସଂଘ ମିଶନରେ ଯୋଗଦାନକାରୀ ଦେଶଗୁଡ଼ିକର(ୟୁଏନଟୀସୀସୀ)

ମୁଖ୍ୟଙ୍କ ସମ୍ମିଳନୀ ପରେଶୁକ୍ରବାର ନେପାଳର ଉପସେନା ମୁଖ୍ୟ ଲେଫ୍ଟନାଣ୍ଟ ଜେନେରାଲ ପ୍ରଦୀପ

ଜଙ୍ଗ କେସି ଭାରତୀୟ ସେନା ମୁଖ୍ୟ ଜେନେରାଲ ଉପେନ୍ଦ୍ର ଦ୍ୱିବେଦୀଙ୍କ ସହ ଏକ ଦ୍ୱିପାକ୍ଷିକ ବୈଠକ

କରିଛନ୍ତି।ନେପାଳୀ ସେନା ପକ୍ଷରୁ ଏହି ବୈଠକକୁ ନେଇ ଆଜି ଏକ ବିବୃତ୍ତିରେ

କୁହାଯାଇଛି ଯେ ଦୁଇ ଦେଶର ସେନା ମଧ୍ୟରେ ଗଭୀର ଐତିହାସିକ, ସାଂସ୍କୃତିକ ଏବଂ

ବୃତ୍ତିଗତ ସମ୍ପର୍କକୁ ଆହୁରି ବୃଦ୍ଧି କରିବା ଉପରେ ଆଲୋଚନା ହୋଇଥିଲା। ନୂଆଦିଲ୍ଲୀ ସ୍ଥିତ ସେନା ମୁଖ୍ୟାଳୟରେ ଅନୁଷ୍ଠିତ ଏହି ବୈଠକରେ ଭାରତ ଏବଂ

ନେପାଳୀ ସେନା ମଧ୍ୟରେ ସ୍ଥାୟୀ ସମ୍ପର୍କ ଉପରେ ଗୁରୁତ୍ୱାରୋପ କରାଯାଇଥିଲା।ଉଭୟ ଦେଶର ସାମରିକ

ଅଧିକାରୀମାନେ ପ୍ରତିରକ୍ଷା ସହଯୋଗକୁ ମଜବୁତ କରିବା, ମିଳିତ ତାଲିମ

ପଦକ୍ଷେପ ବୃଦ୍ଧି କରିବା ଏବଂ ଜାତିସଂଘ ଶାନ୍ତିରକ୍ଷା ଅଭିଯାନରେ ସହଯୋଗକୁ ଗଭୀର କରିବା ଉପରେ

ମତ ବିନିମୟ କରିଥିଲେ। ବିବୃତ୍ତିରେ ଉଲ୍ଲେଖ କରାଯାଇଛି ଯେ ୟୁଏସ ପୀସ କିପିଙ୍ଗ ମିଶନ ଏପରି ଏକ

କ୍ଷେତ୍ର ଯେଉଁଠାରେ ଉଭୟ ଦେଶ ସେମାନଙ୍କର ଯୋଗଦାନ ପାଇଁ ବିଶ୍ୱବ୍ୟାପୀ ସମ୍ମାନ ଅର୍ଜନ କରିଛନ୍ତି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା