ଚଣ୍ଡିଗଡ଼, ୨୭ ଅକ୍ଟୋବର (ହି.ସ.)- ପଞ୍ଜାବ ପର୍ଯ୍ୟଟନ ଏବଂ ସାଂସ୍କୃତିକ ବ୍ୟାପାର ମନ୍ତ୍ରୀ ତରୁଣପ୍ରୀତ ସିଂହ ସୌନ୍ଦ ଘୋଷଣା କରିଛନ୍ତି ଯେ ଶ୍ରୀ ଗୁରୁ ତେଗ ବାହାଦୁର ଜୀଙ୍କ ୩୫୦ ତମ ଶହୀଦ ବାର୍ଷିକୀ ପାଳନ ପାଇଁ ଶ୍ରୀ ଆନନ୍ଦପୁର ସାହିବରେ ଆୟୋଜିତ କାର୍ଯ୍ୟକ୍ରମ ସମୟରେ ତୀର୍ଥଯାତ୍ରୀଙ୍କ ପାଇଁ ଏକ ତମ୍ବୁ ସହର ନିର୍ମାଣ ଆରମ୍ଭ ହୋଇଛି ।
ସେ କହିଛନ୍ତି ଯେ, ଏହି ତମ୍ବୁ ସହରଗୁଡ଼ିକ ତିନୋଟି ସ୍ଥାନରେ ପ୍ରତିଷ୍ଠା କରାଯାଉଛି: ଆଗମପୁର, ପିଏସପିସିଏଲ ଗ୍ରାଉଣ୍ଡ ମଟୌର ଏବଂ ଝିଞ୍ଝଡ଼ି । ସୌନ୍ଦ କହିଛନ୍ତି ଯେ, ପର୍ଯ୍ୟଟନ ଏବଂ ସାଂସ୍କୃତିକ ବିଭାଗ ତମ୍ବୁ ସହର ପ୍ରତିଷ୍ଠା ପାଇଁ ପ୍ରାୟ ୨୧.୫୨ କୋଟି ଖର୍ଚ୍ଚ କରୁଛି । ସେ ଆହୁରି ମଧ୍ୟ କହିଛନ୍ତି ଯେ, ଏହି ତମ୍ବୁ ସହରଗୁଡ଼ିକରେ ପ୍ରତିଦିନ ୧୦ ରୁ ୧୨ ହଜାର ତୀର୍ଥଯାତ୍ରୀଙ୍କୁ ସ୍ଥାନ ମିଳିବ । ଏଠାରେ ତୀର୍ଥଯାତ୍ରୀମାନଙ୍କୁ ସମସ୍ତ ଆବଶ୍ୟକୀୟ ସୁବିଧା ଯୋଗାଇ ଦିଆଯିବ, ଯାହାଦ୍ୱାରା କୌଣସି ଅସୁବିଧାର ସମ୍ମୁଖୀନ ହେବାକୁ ପଡ଼ିବ ନାହିଁ । ଏହି ତମ୍ବୁ ନଗରୀ ନଭେମ୍ବର ୧୯ ରୁ ନଭେମ୍ବର ୩୦ ପର୍ଯ୍ୟନ୍ତ କାର୍ଯ୍ୟ କରିବ ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ