ଇମ୍ଫାଲ, ୨୭ ଅକ୍ଟୋବର (ହି.ସ.)- ଥୌବାଲ, ଇମ୍ଫାଲ ପଶ୍ଚିମ, ବିଷ୍ଣୁପୁର ଏବଂ କାକଚିଙ୍ଗ୍ ଜିଲ୍ଲାରେ ସୁରକ୍ଷା ବାହିନୀ ଦ୍ୱାରା କରାଯାଇଥିବା ଏକ ଅଭିଯାନ ସମୟରେ ଏକ ନିଷିଦ୍ଧ ଉଗ୍ରବାଦୀ ସଂଗଠନର ୬ ଜଣ କ୍ୟାଡରଙ୍କୁ ଗିରଫ କରାଯାଇଛି । ସେମାନଙ୍କଠାରୁ ଅସ୍ତ୍ରଶସ୍ତ୍ର, ଚାନ୍ଦା ଆଦାୟ ସାମଗ୍ରୀ ଏବଂ ଯୋଗାଯୋଗ ଉପକରଣ ଜବତ କରାଯାଇଛି ।
ମଣିପୁର ପୋଲିସ ସୋମବାର ଏକ ସରକାରୀ ବିବୃତିରେ କହିଛି ଯେ, ସୁରକ୍ଷା ବାହିନୀ ରବିବାର ଦିନ ଖଙ୍ଗାରୋକର ହିରୋକ ପାର୍ଟ-୨ ସ୍ଥିତ ତାଙ୍କ ଘରୁ ବ୍ରହ୍ମଚାରୀମାୟୁମ ରତନକୁମାର ଶର୍ମା (୪୩), ଯିଏକି ମଙ୍ଗଳ ନାମରେ ମଧ୍ୟ ଜଣାଶୁଣା, ତାଙ୍କୁ ଗିରଫ କରିଛି । ଗିରଫ ସମୟରେ କର୍ତୃପକ୍ଷ ଦୁଇଟି ମୋବାଇଲ୍ ଫୋନ୍ ଏବଂ ଦୁଇଟି ସିମ୍ କାର୍ଡ ଜବତ କରିଛନ୍ତି । ଅଭିଯୁକ୍ତଙ୍କୁ ରିଭୋଲ୍ୟୁସନାରୀ ପିପୁଲ୍ସ ଫ୍ରଂଟ/ପିପୁଲ୍ସ ଲିବରେସନ୍ ଆର୍ମି (ଆରପିଏଫ/ପିଏଲଏ)ର ଜଣେ ସକ୍ରିୟ ସଦସ୍ୟ ବୋଲି କୁହାଯାଉଛି ।
ଥୌବାଲ ଜିଲ୍ଲାର ୱାଙ୍ଗଜିଙ୍ଗରେ ଏକ ପୃଥକ୍ ଅଭିଯାନରେ, ସୁରକ୍ଷା ବାହିନୀ କାଙ୍ଗଲେଇପାକ୍ କମ୍ୟୁନିଷ୍ଟ ପାର୍ଟି (ପ୍ରଗତିଶୀଳ ୱିଙ୍ଗ ଗ୍ରୁପ୍)ର ଜଣେ ସକ୍ରିୟ ମହିଳା କ୍ୟାଡର ହାଓବିଜାମ ଥୋଇବି ଦେବୀ (୩୫), ଯିଏକି ଚାନୁ ନାମରେ ମଧ୍ୟ ଜଣାଶୁଣା, ତାଙ୍କୁ ଗିରଫ କରିଛି ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ