ଭୁବନେଶ୍ୱର, 31 ଅକ୍ଟୋବର (ହି.ସ.) ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆସନ୍ତା ୩୧ ଅକ୍ଟୋବରରେ ନୂଆଦିଲ୍ଲୀର ରୋହିଣୀରେ ଆୟୋଜିତ ହେବାକୁ ଥିବା ଆନ୍ତର୍ଜାତୀୟ ଆର୍ୟନ ଶିଖର ସମ୍ମିଳନୀରେ ଯୋଗ ଦେବେ। ଏହି ଅବସରରେ ପ୍ରଧାନମନ୍ତ୍ରୀ ସଭାକୁ ସମ୍ବୋଧିତ କରିବେ।

ପ୍ରଧାନମନ୍ତ୍ରୀ କାର୍ଯ୍ୟାଳୟ ଅନୁସାରେ, ସମ୍ମିଳନୀରେ ଭାରତ ଏବଂ ବିଦେଶରୁ ଆର୍ଯ୍ୟ ସମାଜର ବିଭିନ୍ନ ଶାଖାର ପ୍ରତିନିଧିମାନେ ଯୋଗ ଦେବେ। କାର୍ଯ୍ୟକ୍ରମରେ “୧୫୦ ଗୋଲ୍ଡେନ୍ ଇଯାର୍ସ ଅଫ୍ ସର୍ଭିସ୍” ଶୀର୍ଷକରେ ଏକ ପ୍ରଦର୍ଶନୀ ମଧ୍ୟ ଆୟୋଜିତ ହେବ, ଯେଉଁଥିରେ ଶିକ୍ଷା, ସାମାଜିକ ସୁଧାର ଏବଂ ଆଧ୍ୟାତ୍ମିକ ଉନ୍ନତିରେ ଆର୍ଯ୍ୟ ସମାଜର ଅବଦାନକୁ ଦେଖାଯିବ।

ପିଏମଓକହିଛି ଯେ, ସମ୍ମିଳନୀର ଉଦ୍ଦେଶ୍ୟ ହେଉଛି ମହର୍ଷି ଦୟାନନ୍ଦ ସରସ୍ୱତୀଙ୍କ ସୁଧାରମୂଳକ ଏବଂ ଶିକ୍ଷାଗତ ଐତିହ୍ୟକୁ ସମ୍ମାନ ଦେବା। ସେହିପରି, ଆର୍ଯ୍ୟ ସମାଜର ୧୫୦ ବର୍ଷର ସେବାକୁ ଉତ୍ସବ ଭାବେ ପାଳନ କରିବା ଏବଂ ବେଦିକ ସିଦ୍ଧାନ୍ତ ଓ ସ୍ୱଦେଶୀ ମୂଲ୍ୟବୋଧ ପ୍ରତି ସଚେତନତା ବୃଦ୍ଧି କରିବା ମଧ୍ୟ ଏହାର ଏକ ମୁଖ୍ୟ ଅଂଶ ଅଟେ।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ