ସାମ୍ବା, ୪ ଅକ୍ଟୋବର (ହି.ସ.)- ଶନିବାର ଦିନ ଅଧିକାରୀମାନେ କହିଛନ୍ତି ଯେ, ଜମ୍ମୁ - କାଶ୍ମୀରର ସାମ୍ବା ଜିଲ୍ଲାର ଅନ୍ତର୍ଜାତୀୟ ସୀମାରେ ଥିବା ଏକ ଗାଁ ଉପରେ ଏକ ପାକିସ୍ତାନୀ ଡ୍ରୋନ୍ ବୁଲୁଥିବା ଦେଖିବାକୁ ମିଳିବା ପରେ ସୁରକ୍ଷା ବାହିନୀ ସର୍ଚ୍ଚ ଅପରେସନ୍ ଆରମ୍ଭ କରିଛି ।

ସେମାନେ କହିଛନ୍ତି ଯେ, ଶୁକ୍ରବାର ବିଳମ୍ବିତ ରାତିରେ ପାକିସ୍ତାନରୁ ଡ୍ରୋନ୍ ଭଳି ବସ୍ତୁ ଆସୁଥିବା ଏବଂ ରାମଗଡ଼ ସେକ୍ଟରର ନାଙ୍ଗା ଗାଁ ଉପରେ ବୁଲୁଥିବା ବେଳେ ଦେଖାଯାଇଥିଲା । ଅଧିକାରୀଙ୍କ କହିବା ଅନୁଯାୟୀ, ସୁରକ୍ଷା ବାହିନୀ ଏବଂ ପୋଲିସ ଦଳକୁ ତୁରନ୍ତ ସେହି ଅଂଚଳକୁ ଖୋଜିବା ପାଇଁ ନିୟୋଜିତ କରାଯାଇଥିଲା ଏବଂ ଏହା ନିଶ୍ଚିତ କରିବାକୁ ମୁତୟନ କରାଯାଇଥିଲା ଯେ, ସୀମା ପାରରୁ କୌଣସି ନିଶାଦ୍ରବ୍ୟ କିମ୍ବା ଅସ୍ତ୍ରଶସ୍ତ୍ର ଆକାଶ ମାର୍ଗରୁ ପକାଯାଇ ନାହିଁ । ସତର୍କତାମୂଳକ ପଦକ୍ଷେପ ସ୍ୱରୂପ ନିକଟବର୍ତୀ ଗାଁଗୁଡ଼ିକରେ ସୁରକ୍ଷା ବୃଦ୍ଧି କରାଯାଇଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ