ସୁବର୍ଣ୍ଣପୁର, ୦୪ ଅକ୍ଟୋବର(ହି.ସ.) – ଜିଲ୍ଲାର ହତାକର୍ତା ସୁବର୍ଣ୍ଣପୁର ଜିଲ୍ଲାପାଳ ଜଣେ ଦିବ୍ୟାଙ୍ଗଙ୍କ ଦୁଃଖକୁ ଦୂର କରିଛନ୍ତି। ଗୁହାରି ଶୁଣିବାର ୧୨ଦିନ ପରେ ଅର୍ଥାତ ୧୩ନଂ ଦିନରେ ଜିଲ୍ଲାପାଳ ଡ଼ ନୃପରାଜ ସାହୁ ବିବ୍ୟାଙ୍ଗଙ୍କ ପାଖକୁ ଆସି ପ୍ରଧାନମନ୍ତ୍ରୀ ଆବାସ ଘର ଯୋଜନାର କାର୍ଯ୍ୟାଦେଶ ପ୍ରଦାନ କରିଛନ୍ତି। ସୂଚନା ଯୋଗ୍ୟ ଯେ ଗତ ୨୨ସେପ୍େଟମ୍ବର ଦିନ ଏ ଅଂଚଳର ପ୍ରସିଦ୍ଧ ଶୈବପୀଠ ଚରଦା ସ୍ଥିତ ବାବା କପିଳେଶ୍ୱର ଓ ମା’ ଚରଦେଇ ପୀଠକୁ ଜିଲ୍ଲାପାଳ ଶ୍ରୀ ସାହୁ ଦର୍ଶନ ପାଇଁ ଆସିଥିଲେ। ଠିକ ଏହି ସମୟରେ ମନ୍ଦିର ସମ୍ଭୁଖରେ କଇନ୍ତରା ପଂଚାୟତ କଟାପାଲି ଗ୍ରାମର ଦୃଷ୍ଟିବାଧିଟ ଦିବ୍ୟାଙ୍ଗ ସୁଧୀର ଦୀପ ଗୀତ ମାଧ୍ୟମରେ ଜିଲ୍ଲାପାଳଙ୍କୁ ଦୁଃଖ ଜଣାଇ ଭଙ୍ଗା କୁଡିଆ ଘରେ ରହୁଥିବା କହିଥିଲେ। ଫଳରେ ଜିଲ୍ଲାପାଳ ତାଙ୍କୁ କୁଣ୍ଡାଇ ଧରି ପକାଇଥିଲେ। ତତକ୍ଷଣାତ୍ ଉପସ୍ଥିତ ବିଡ଼ିଓ ଙ୍କୁ ଦିବ୍ୟାଙ୍ଗଙ୍କ ସମସ୍ୟା ଉପରେ ସାବଧାନ ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଥିଲେ। ସତକୁ ସତ ଆଜି ଜିଲ୍ଲାପାଳ ନିଜେ ବିନିକା ଗସ୍ତରେ ଆସି ଦିବ୍ୟାଙ୍ଗ ସୁଧୀର କୁ ଆବାସ ଘରର କାର୍ଯ୍ୟାଦେଶ ପ୍ରଦାନ କରିଛନ୍ତି। କାର୍ଯ୍ୟାଦେଶ ପାଇବା ପରେ ଖୁସିରେ ଆତ୍ମହରା ହୋଇ ଦିବ୍ୟାଙ୍ଗ ସୁଧୀର ମୋର ଗୁହାରି ଶୁଣିଲେ ହଜୁର କଲେକ୍ଟର ସାହେବ ବୋଲି ଗୀତ ଗାନ କରି କୋଟି କୋଟି ଜୁହାର ଜଣାଇଥିଲେ।

ହିନ୍ଦୁସ୍ଥାନ ସମାଚାର/ଗୋପବନ୍ଧୁ/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ଗୋପବନ୍ଧୁ