ସିଲିଗୁଡ଼ି, ୬ ଅକ୍ଟୋବର (ହି.ସ.)- ବିପର୍ଯ୍ୟୟ ପ୍ରଭାବିତ ଉତର ବଙ୍ଗ ପରିଦର୍ଶନ କରିଥିବା ବିଜେପି ରାଜ୍ୟ ସଭାପତି ଶମୀକ ଭଟ୍ଟାଚାର୍ଯ୍ୟ ସୋମବାର ରାଜ୍ୟ ସରକାରଙ୍କୁ ଟାର୍ଗେଟ୍ କରିଛନ୍ତି ।

କୋଲକାତାରୁ ବାଗଡୋଗ୍ରା ବିମାନବନ୍ଦରରେ ଅବତରଣ କରିବା ପରେ ସାମ୍ବାଦିକମାନଙ୍କ ସହ କଥାବାର୍ତା କରି ଶମୀକ ଭଟ୍ଟାଚାର୍ଯ୍ୟ କହିଛନ୍ତି, ରାଜ୍ୟ ସରକାର କେବଳ ଉତର ବଙ୍ଗକୁ ଶୋଷଣ କରିଛନ୍ତି । ଶାସକ ଦଳର କିଛି ସଦସ୍ୟ ଏବଂ କିଛି ରାଜନେତା ଉତର ବଙ୍ଗକୁ ଲୁଟ୍ କରିବାକୁ ଆସନ୍ତି । ଉତର ବଙ୍ଗର ଡୁଆର୍ସ ଅଂଚଳରେ କେତେ ରାଜନେତା ଏବଂ ଅମଲା ଜମି ମାଲିକଙ୍କ ନାମରେ ପଞ୍ଜୀକୃତ କରିଛନ୍ତି ତାହା ଜାଣନ୍ତୁ । ଆଜିର ଏହି ପ୍ରାକୃତିକ ବିପର୍ଯ୍ୟୟ ପଥର ମାଫିଆଙ୍କ ଯୋଗୁଁ ହୋଇଛି । ନଦୀରୁ ପଥର ଏବଂ ବାଲିର ବେଆଇନ ଖଣି ଏବଂ ଜଙ୍ଗଲ କଟା ଯୋଗୁଁ ଏହି ପରିସ୍ଥିତି ସୃଷ୍ଟି ହୋଇଛି । ଉତର ବଙ୍ଗରେ ଗତ ୧୪ ବର୍ଷ ଧରି ଲୁଟପାଟ୍‌ ଚାଲିଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ