ନୂଆଦିଲ୍ଲୀ, 8 ଅକ୍ଟୋବର (ହି.ସ.)- ଭାରତୀୟ ବାୟୁ ସେନା ଦିବସର ୯୩ତମ ସ୍ଥାପନା ଦିବସ ଅବସରରେ ରାଷ୍ଟ୍ରପତି
ଦ୍ରୌପଦୀ ମୁର୍ମୁ, ଗୃହମନ୍ତ୍ରୀ ଅମିତ ଶାହ, କଂଗ୍ରେସ୍ ଅଧ୍ୟକ୍ଷ
ମଲ୍ଲିକାର୍ଜୁନ ଖଡ଼ଗେ ସହିତ ଅନ୍ୟାନ୍ୟ ବିଶିଷ୍ଟ ବ୍ୟକ୍ତିବର୍ଗ ବାୟୁ ସେନାର ଶୂର
ଯୋଧ୍ୟାମାନଙ୍କର ସାହସ, ସମର୍ପଣ ଓ ଦେଶଭକ୍ତିର ପ୍ରଶଂସା କରି
ଶୁଭେଚ୍ଛା ଜଣାଇଛନ୍ତି।
ରାଷ୍ଟ୍ରପତି ଦ୍ରୌପଦୀ ମୁର୍ମୁ ନିଜର ଏକ ସୋସିଆଲ୍ ମିଡିଆ ପୋଷ୍ଟ (ଏକ୍ସ ପ୍ଲାଟଫର୍ମରେ)
ମାଧ୍ୟମରେ କହିଛନ୍ତି ଯେ, ଭାରତୀୟ ବାୟୁ ସେନା ସର୍ବଦା ସାହସ,
ସମର୍ପଣ
ଓ ଉତ୍କୃଷ୍ଟତାର ଉଦାହରଣ ଦେଇଛି। ସେ ବାୟୁ ସେନାର ଯୋଧ୍ୟାମାନଙ୍କୁ ଶୁଭେଚ୍ଛା ଜଣାଇ ଅଭିନନ୍ଦନ
କରିଛନ୍ତି ଓ କହିଛନ୍ତି ଯେ ସେମାନେ କଠିନ ପରିସ୍ଥିତିରେ ମଧ୍ୟ ଦେଶସେବାରେ ନିରନ୍ତର ତତ୍ପର
ରହନ୍ତି ଓ ଜାତିର ଗୌରବ ବଢ଼ାନ୍ତି।
ଗୃହମନ୍ତ୍ରୀ ଅମିତ ଶାହ ବାୟୁସେନା ଦିବସ ଅବସରରେ ଦେଶର ଆକାଶ ରକ୍ଷକମାନଙ୍କୁ ଶୁଭେଚ୍ଛା
ଜଣାଇଛନ୍ତି। ସେ କହିଛନ୍ତି ଯେ, ଭାରତୀୟ ବାୟୁ ସେନା କେବଳ ଜାତୀୟ
ସୁରକ୍ଷାର ଦାୟିତ୍ୱ ନିଭାଇନଥାଏ, ବରଂ ପ୍ରାକୃତିକ ବିପର୍ଯ୍ୟୟ ବେଳେ ମଧ୍ୟ
ଦେଶବାସୀଙ୍କ ସେବାରେ ସବୁବେଳେ ଆଗୁଆ ରହେ। ସେ ଏହି ଅବସରରେ ବଳିଦାନ ଦେଇଥିବା ସହୀଦ ଯୋଧ୍ୟାମାନଙ୍କୁ
ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।
କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ କହିଛନ୍ତି ଯେ,
ଭାରତୀୟ
ବାୟୁ ସେନା ସାହସ, ପେସାଦାର କୌଶଳ ଓ ଦେଶଭକ୍ତିର ପ୍ରତୀକ। ସେ ଦେଶ ସେବାରେ ବାୟୁ
ସେନାଙ୍କ ଅବଦାନକୁ ସ୍ୱୀକାର କରି ତାଙ୍କର ପ୍ରଶଂସା କରିଛନ୍ତି। ଲୋକସଭାରେ ବିପକ୍ଷ ନେତା ରାହୁଲ
ଗାନ୍ଧୀ ବାୟୁସେନାର ବୀର ଯୋଧ୍ୟାମାନଙ୍କୁ ସଲାମ୍ କରିଛନ୍ତି। ସେ କହିଛନ୍ତି ଯେ,
ତାଙ୍କର
ଅଦମ୍ୟ ସାହସ, ବଳିଦାନ ଓ ନିଷ୍ଠା ଦେଶ ପାଇଁ ଏକ ବଡ଼ ପ୍ରେରଣା ସ୍ରୋତ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
08 Oct 2025