ଚେନ୍ନାଇ, 15 ନଭେମ୍ବର (ହି.ସ.)- ତମିଲନାଡୁର
ମୁଖ୍ୟମନ୍ତ୍ରୀ ଏମ.କେ. ଷ୍ଟାଲିନ ଜେଡିୟୁର ଜାତୀୟ ଅଧ୍ୟକ୍ଷ ଏବଂ ମୁଖ୍ୟମନ୍ତ୍ରୀ ନୀତିଶ
କୁମାରଙ୍କୁ ବିହାର ବିଧାନସଭା ନିର୍ବାଚନରେ ନିର୍ଣ୍ଣାୟକ ବିଜୟ ପାଇଁ ଅଭିନନ୍ଦନ ଜଣାଇଛନ୍ତି।
ଷ୍ଟାଲିନ ରାଷ୍ଟ୍ରୀୟ ଜନତା ଦଳ (ଆରଜେଡି) ନେତା ତେଜସ୍ୱୀ ଯାଦବଙ୍କ
ଚେଷ୍ଟାକୁ ପ୍ରଶଂସା କରିଥିବାବେଳେ ଭାରତର ନିର୍ବାଚନ ଆୟୋଗର ଆଲୋଚନା କରିଛନ୍ତି।
ମୁଖ୍ୟମନ୍ତ୍ରୀ ଷ୍ଟାଲିନ ‘ଏକ୍ସ’ରେ ଏକ ପୋଷ୍ଟରେ କହିଛନ୍ତି
ଯେ, “ବିହାର ନିର୍ବାଚନର
ଏହି ପରିଣାମ ସମସ୍ତଙ୍କ ପାଇଁ ଏକ ପାଠ। ନିର୍ବାଚନ ପରିଣାମଗୁଡିକ କଲ୍ୟାଣମୂଖୀ ଯୋଜନାକୁ
ହିତାଧିକାରୀଙ୍କ ପର୍ଯ୍ୟନ୍ତ ପହଁଚାଇବା, ସାମାଜିକ ଓ ବୈଚାରିକ ମେଂଟ, ସ୍ପଷ୍ଟ ରାଜନୈତିକ ବାର୍ତ୍ତାଏବଂ
ଅନ୍ତିମ ଭୋଟ ପଡ଼ିବା ପର୍ଯ୍ୟନ୍ତ ନିଷ୍ଠାପୂର୍ଣ୍ଣ ପ୍ରବନ୍ଧନକୁ ପ୍ରତିଫଳିତ କରେ।”
ମୁଖ୍ୟମନ୍ତ୍ରୀ ଷ୍ଟାଲିନ କହିଛନ୍ତି
ଯେ, “ଇଣ୍ଡିଆ ମେଂଟର
ନେତାମାନେ ମଧ୍ୟ ଅଭିଜ୍ଞ, ସେମାନେ ଏହି ବାର୍ତ୍ତାକୁ ବୁଝିବା ଏବଂ ନୂଆ ଆସୁଥିବା
ଚ୍ୟାଲେଞ୍ଜଗୁଡିକୁ ମୁକାବିଲା କରିବା ପାଇଁ କୌଶଳମୂଳକ ଯୋଜନା ତିଆରି କରିବାର କ୍ଷମତା ରଖନ୍ତି।”
ନିର୍ବାଚନ ଆୟୋଗର ଆଲୋଚନା
କରି ସେ କହିଛନ୍ତି ଯେ, “ଏହି ନିର୍ବାଚନର ପରିଣାମ ନିର୍ବାଚନ ଆୟୋଗର ଅବହେଳାପୂର୍ଣ୍ଣ
କାର୍ଯ୍ୟକଳାପକୁ ଲୁଚାଇପାରିବ ନାହିଁ। ନିର୍ବାଚନ ଆୟୋଗର ସମ୍ମାନ ଆଜି ଏହାର ସବୁଠାରୁ ନିମ୍ନ
ସ୍ତରରେ ପହଂଚିଛି। ଦେଶର ନାଗରିକମାନେ ଏକ ଶକ୍ତିଶାଳୀ ଏବଂ ଅଧିକ ନିରପେକ୍ଷ ନିର୍ବାଚନ ଆୟୋଗର ହକଦାର, ଯାହାର ନିର୍ବାଚନ ପରିଚାଳନାରେ
ସେମାନଙ୍କରେ ମଧ୍ୟ ବିଶ୍ୱାସ ହେବ, ଯେଉଁମାନେ ବିଜୟୀ ହୋଇନଥିଲେ।”
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
15 Nov 2025