ରିଆଦ (ସାଉଦି ଆରବ)/ନୂଆଦିଲ୍ଲୀ (ଭାରତ), ୧୭ ନଭେମ୍ବର (ହି.ସ)- ମକ୍କାରୁ ମଦିନା ଯାଉଥିବା ଭାରତୀୟ ଉମରାହ

ତୀର୍ଥଯାତ୍ରୀଙ୍କ ବସ୍ ଭାରତୀୟ ସମୟାନୁସାରେ

ରବିବାର ରାତି ପ୍ରାୟ ଦେଢଟା ସମୟରେ ଏକ ଡିଜେଲ ଟ୍ୟାଙ୍କର ସହିତ ଧକ୍କା ଦେଇଥିଲା। ଧକ୍କା ପରେ

ବସ୍‌ଟି ନିଆଁ ଲାଗିଯାଇଥିଲା।ଏହି ଦୁର୍ଘଟଣାରେ ଅନ୍ୟୂନ

୪୨ ଜଣଙ୍କ ମୃତ୍ୟୁ ଆଶଙ୍କା କରାଯାଉଛି। ଏଥିରେ ୧୧ ଜଣ ମହିଳା ଏବଂ ୧୦ ଜଣ ଶିଶୁ ସାମିଲ ହେବା

କଥା କୁହାଯାଉଛି। ବର୍ତ୍ତମାନ ସ୍ଥାନୀୟ ଅଧିକାରୀ ସଂଖ୍ୟା ନିଶ୍ଚିତ କରିଛନ୍ତି।ଗଲ୍ଫ ନ୍ୟୁଜ୍

ଅନୁଯାୟୀଏହି ଦୁର୍ଘଟଣା ମଦିନାରୁ ପ୍ରାୟ ୧୬୦ କିଲୋମିଟର ଦୂରରେ

ମୁହରାସ-ମୁଫ୍ରିହାଟ ନିକଟରେ ଏହି ଦୁର୍ଘଟଣା ଘଟିଛି। ସାଉଦି ଆରବ ଉଦ୍ଧାରକାରୀ ଦଳ ନିଶ୍ଚିତ

କରିଛନ୍ତି ଯେ ବସ୍‌ଟି ସମ୍ପୂର୍ଣ୍ଣ ଜଳିଯାଇଛି। କୌଣସି ପୀଡିତଙ୍କୁ ଚିହ୍ନଟ କରିବା କଷ୍ଟକର।

ଗୁରୁତର ପୋଡ଼ିଯାଇଥିବା ଜଣେ ବ୍ୟକ୍ତିଙ୍କୁ ଉଦ୍ଧାର କରାଯାଇଛି।ସାଉଦି ନାଗରିକ ସୁରକ୍ଷା ଏବଂ

ପୋଲିସ ଦଳ ସୁଚନା ମିଳିବା ମାତ୍ରେ ସୂଚନା ଘଟଣାସ୍ଥଳରେ ପହଞ୍ଚିଛନ୍ତି। ଭାରତୀୟ ଅଧିକାରୀ ଏବଂ

ଉମରାହ ଏଜେନ୍ସି ପ୍ରତିନିଧିମାନେ ପୀଡିତଙ୍କ ପରିବାର ସହିତ ସମନ୍ୱୟ ସ୍ଥାପନ କରିବାକୁ ଚେଷ୍ଟା

କରୁଛନ୍ତି। ଭାରତର ହାଇଦ୍ରାବାଦ ସହରରେ ତୀର୍ଥଯାତ୍ରୀଙ୍କ ସମ୍ପର୍କୀୟମାନେ ଚିନ୍ତିତ ଏବଂ

ଟ୍ରାଭେଲ୍ ଅପରେଟର ଏବଂ ଅଧିକାରୀଙ୍କ ସହିତ ଯୋଗାଯୋଗ କରୁଛନ୍ତି। ତେଲେଙ୍ଗାନା ମୁଖ୍ୟମନ୍ତ୍ରୀ

ଏ. ରେୱନ୍ତ ରେଡ୍ଡୀ ଦୁର୍ଘଟଣା ପାଇଁ ଗଭୀର ଦୁଃଖ ପ୍ରକାଶ କରିଛନ୍ତି। ସେ କହିଛନ୍ତି ଯେ କିଛି

ପୀଡିତ ହାଇଦ୍ରାବାଦର ହୋଇପାରନ୍ତି। ହାଇଦ୍ରାବାଦର ସାଂସଦ ଅସଦୁଦ୍ଦିନ ଓୱେସି ମଧ୍ୟ ଦୁର୍ଘଟଣା

ଉପରେ ଦୁଃଖ ପ୍ରକାଶ କରିଛନ୍ତି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା