କୋଲକାତା, ୧୭ ନଭେମ୍ବର

(ହି.ସ.)- ଭାରତୀୟ ତଟରକ୍ଷୀ ବାହିନୀ ବଙ୍ଗୋପସାଗରରେ ପାଟ୍ରୋଲିଂ କରୁଥିବା ସମୟରେ ସନ୍ଦେହଜନକ କାର୍ଯ୍ୟକଳାପ

ଚିହ୍ନଟ କରି ୨୯ ଜଣ ମତ୍ସ୍ୟଜୀବୀଙ୍କ ସହିତ ଏକ ବାଂଲାଦେଶୀ ଟ୍ରଲରକୁ ଜବତ କରିଛି। ପରେ

ସେମାନଙ୍କୁ ଦକ୍ଷିଣ ୨୪ ପରଗନା ଜିଲ୍ଲାର ଫ୍ରେଜରଗଞ୍ଜ ତଟରକ୍ଷୀ ପୋଲିସ ଷ୍ଟେସନକୁ ହସ୍ତାନ୍ତର

କରାଯାଇଥିଲା।ଏହା ପରେ ସେମାନଙ୍କୁ ଭାରତୀୟ ଜଳସୀମାରେ ଅନୁପ୍ରବେଶ ଅଭିଯୋଗରେ ଗିରଫ

କରାଯାଇଥିଲା।ତଟରକ୍ଷୀ ବାହିନୀ ଆଜି ସକାଳେ ଜାରି ହୋଇଥିବା ଏକ ବିବୃତ୍ତିରେ ଏହି

ସୂଚନା ଦିଆଯାଇଛି। ତଟରକ୍ଷୀ ବାହିନୀ ଅନୁଯାୟୀ, ରବିବାର ଦିନତଟରକ୍ଷୀ ବାହିନୀ ପାଟ୍ରୋଲିଂ ସମୟରେ ଏକ ସନ୍ଦିଗ୍ଧ ଟ୍ରଲରକୁ

ଦେଖିଥିଲା। ତଦନ୍ତରୁ ଜଣାପଡିଛି ଯେ ଟ୍ରଲରଟି ଆନ୍ତର୍ଜାତୀୟ ସାମୁଦ୍ରିକ ସୀମା ପାର କରି

ବାଂଲାଦେଶରୁ ଭାରତୀୟ ଜଳସୀମାରେ ପ୍ରବେଶ କରିଥିଲା। ତଟରକ୍ଷୀ ବାହିନୀ ଟ୍ରଲରକୁ କୂଳକୁ ଆଣି

ମତ୍ସ୍ୟଜୀବୀଙ୍କୁ ସମ୍ପୃକ୍ତ ପୋଲିସ ଷ୍ଟେସନକୁ ହସ୍ତାନ୍ତର କରିଥିଲା।

---------------

ହିନ୍ଦୁସ୍ଥାନ ସମାଚାର / ରଶ୍ମିତା