ନୂଆଦିଲ୍ଲୀ, 17 ନଭେମ୍ବର (ହି.ସ.)-ସେନା ପ୍ରମୁଖ ଜେନେରାଲ୍ ଉପେନ୍ଦ୍ର ଦ୍ୱିବେଦୀ
ସୋମବାର ‘ଚାଣକ୍ୟ ଡିଫେନ୍ସ ଡାଏଲଗ୍’ରେ ପୁଣି ଥରେ ଅପରେସନ ‘ସିନ୍ଦୂର’
ବିଷୟରେ କହିଛନ୍ତି
ଯେ, ଫିଲ୍ମ ତ ଏବେ ଆରମ୍ଭ ହୋଇନି, ଏହା ମାତ୍ର 88 ଘଣ୍ଟାର ଟ୍ରେଲର୍ ଥିଲା। ଆମେ ଭବିଷ୍ୟତରେ କୌଣସି ପରିସ୍ଥିତି ପାଇଁ
ପ୍ରସ୍ତୁତ ଅଛୁ। ଯଦି ପାକିସ୍ତାନ ଆମକୁ ଅବସର ଦିଏ,
ଆମେ ସେମାନଙ୍କୁ
ସିଖାଇଦେବୁ ଯେ ପଡ଼ୋଶୀ ସହ ପ୍ରବୃତ୍ତି କେମିତି ହେବା ଉଚିତ।
ଜେନେରାଲ୍ ଦ୍ୱିବେଦୀ
କହିଲେ ଯେ, ଆମେ ଆତଙ୍କବାଦୀ ଏବଂ ସେମାନଙ୍କ
ପ୍ରୋତ୍ସାହକମାନଙ୍କୁ ସମାନ ଭାବରେ ବ୍ୟବହାର କରିବୁ। ଯେଉଁମାନେ ଆତଙ୍କବାଦକୁ ଉତ୍ସାହିତ କରନ୍ତି, ଆମେ ସେମାନଙ୍କୁ ମଧ୍ୟ ଉଚିତ ଜବାବ ଦେବୁ।
ଜେନେରାଲ୍ ଦ୍ୱିବେଦୀ
ଆଜି ମାନକ୍ଶା ସେଣ୍ଟରରେ 'ଚାଣକ୍ୟ ଡିଫେନ୍ସ ଡାଏଲଗ୍'ରେ ସୃଷ୍ଟି ହେଉଥିବା ସୁରକ୍ଷା ଚ୍ୟାଲେଞ୍ଜମାନଙ୍କ ପ୍ରତି ସେନାର ଦୃଷ୍ଟିକୋଣକୁ ବ୍ୟାଖ୍ୟା
କରୁଥିବା ସମୟରେ ପାକିସ୍ତାନକୁ କଡ଼ା ଚେତାବନୀ ଦେଇଛନ୍ତି। ଅପରେସନ ସିନ୍ଦୂର ବିଷୟରେ ସ୍ଥଳ
ସେନାଧ୍ୟକ୍ଷ କହିଛନ୍ତି ଯେ, କେବେ କିଛି ଦେଶ ଯଦି ରାଷ୍ଟ୍ର ପ୍ରାୟୋଜିତ
ଆତଙ୍କବାଦକୁ ପ୍ରୋତ୍ସାହିତ କରେ, ତେବେ ସେଥିରେ ଭାରତ ପାଇଁ ଏକ ଚିନ୍ତାର ବିଷୟ
ହୋଇପଡ଼େ।
ଭାରତ ଉନ୍ନତିର
କଥା କହେ। ଯଦି କୌଣସି ଲୋକ ଆମ ପଥରେ ବାଧା ଦେଇଥାଏ,
ତେବେ ଆମେ
ସେମାନଙ୍କ ବିରୋଧରେ କିଛି କାର୍ଯ୍ୟ କରିବାକୁ ପଡ଼େ। ଆମେ ସ୍ପଷ୍ଟ କହିଛୁ ଯେ, ବାତ୍ଚିତ ଏବଂ ଆତଙ୍କବାଦ ଏକ ସାଥିରେ ଚାଲିପାରିବ ନାହିଁ।
ସେ କହିଛନ୍ତି ଯେ, ଆମେ କେବଳ ଏକ ଶାନ୍ତିପୂର୍ଣ୍ଣ ପ୍ରକ୍ରିୟା ଅନୁସରଣ କରିବାକୁ କହୁଛୁ, ଯେଉଁଥିରେ ଆମେ ସହଯୋଗ କରିବୁ। ସେତେବେଳେ ପର୍ଯ୍ୟନ୍ତ ଆମେ ଆତଙ୍କବାଦୀ ଏବଂ ସେମାନଙ୍କ
ପ୍ରାୟୋଜକମାନଙ୍କୁ ସମାନ ବ୍ୟବହାର କରିବୁ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
17 Nov 2025