ଗୁନା, ୨୦ ନଭେମ୍ବର (ହି.ସ.)- ମଧ୍ୟପ୍ରଦେଶର ଗୁନା ଜିଲ୍ଲାର ବଜରଙ୍ଗଗଡ଼ ଥାନା ଅନ୍ତର୍ଗତ ଆରୋନ୍ ରାସ୍ତାରେ ଭିଲେରା ଗ୍ରାମ ନିକଟରେ ବୁଧବାର ବିଳମ୍ବିତ ରାତିରେ ଏକ ଦ୍ରୁତଗାମୀ ଟ୍ରକ୍ ଧକ୍କା ଦେବାରୁ ଏକ କାର୍ ରେ ଯାତ୍ରା କରୁଥିବା ତିନି ଜଣ ଯୁବକଙ୍କ ମୃତ୍ୟୁ ଘଟିଛି । ଦୁର୍ଘଟଣାରେ ୪ ଜଣ ଆହତ ହୋଇଛନ୍ତି । ସୂଚନା ପାଇ ପୋଲିସ ଘଟଣାସ୍ଥଳରେ ପହଂଚି ଆହତମାନଙ୍କୁ ଡାକ୍ତରଖାନାକୁ ପଠାଇଛି । ଆହତମାନଙ୍କ ମଧ୍ୟରୁ ଦୁଇ ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ ଭୋପାଳ ରେଫର୍ କରାଯାଇଛି, ଯେତେବେଳେ ଅନ୍ୟ ଦୁଇ ଜଣ ଜିଲ୍ଲା ହସ୍ପିଟାଲରେ ଚିକିତ୍ସାଧୀନ ଅଛନ୍ତି । ପୋଲିସ ଘଟଣାର ତଦନ୍ତ କରୁଛି ।
ପୋଲିସର ସୂଚନା ଅନୁଯାୟୀ, ବୁଧବାର ରାତି ପ୍ରାୟ ୨ଟା ସମୟରେ ଏହି ଦୁର୍ଘଟଣା ଘଟିଥିଲା । ଗୁନାରୁ ଆସୁଥିବା ଏକ ୧୨ ଚକିଆ ଟ୍ରକ୍ ସହିତ କାର୍ ଟି ଧକ୍କା ହୋଇଥିଲା । ଧକ୍କା ଏତେ ଜୋରଦାର୍ ଥିଲା ଯେ କାର୍ଟି ସମ୍ପୂର୍ଣ୍ଣ ନଷ୍ଟ ହୋଇଯାଇଥିଲା । ଟ୍ରକ୍ ମଧ୍ୟ ନିୟନ୍ତ୍ରଣ ହରାଇ ରାସ୍ତାରୁ ଓଲଟି ପଡିଥିଲା । ଦୁର୍ଘଟଣାରେ ଭିଣ୍ଡ ର ଆକାଶ ଚୌରାସିଆ, ଶେଓପୁରର ନମୋନାରାୟଣ ମୀନା ଏବଂ ଗୁନା ଚାଚୌଡାର ମନୀଷ କୁମାର ଜାଟଭଙ୍କ ମୃତ୍ୟୁ ଘଟିଛି ।
ହିନ୍ଦୁସ୍ଥାନ ସମାଚାର / ପ୍ରଦୀପ୍ତ