ସମ୍ବଲପୁର, ୨୧, ନଭେମ୍ବର (ହି.ସ.)ସମ୍ବଲପୁର ଜିଲ୍ଲା ନାକଟିଦେଉଳ ବ୍ଲକର ନାକଟିଦେଉଳ କଲେଜ ଠାରେ ରେଢ଼ାଖୋଲ ଉପଖଣ୍ଡ ସ୍ତରୀୟ ବିଶ୍ଵ ଐତିହ ସପ୍ତାହ ଅନୁଷ୍ଠିତ ହୋଇଥିଲା। ଏହାକୁ ରେଢ଼ାଖୋଲ ର ଉପଜିଲାପାଳ ରଶ୍ମି ରଂଜନ ମହନ୍ତ ଉଦଘାଟନ କରିଥିଲେ । ଏହି ଅବସରରେ ଆୟୋଜିତ ସମାବେଶ ରେ ରେଢ଼ାଖୋଲ ଉପଖଣ୍ଡ ରେ ଥିବା ୨୨ଟି ଉଚ୍ଚ ଶିକ୍ଷାନୁଷ୍ଠାନ ର ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ । କଲେଜ ର ଅଧ୍ୟକ୍ଷ ସୁଧୀର କୁମାର ସାହୁ ଙ୍କ ସଭାପତିତ୍ୱ ରେ ଅନୁଷ୍ଠିତ ଐତିହ ସପ୍ତାହ ର ଉଦଘାଟନୀ ସଭାରେ ମୁଖ୍ୟବକ୍ତା ଭାବରେ ପୁରୀ ସ୍ଥିତ ପତ୍ନତାତ୍ତ୍ଵିକ କେନ୍ଦ୍ର ର ଅଧୀକ୍ଷକ ତଥା ଗବେଷକ ଡ଼. ପ୍ରଜ୍ଞା ପ୍ରିତମ୍ ପ୍ରଧାନ ଯୋଗ ଦେଇ ବିଶ୍ଵ ଐତିହ ସପ୍ତାହ ର ଆଭିମୁଖ୍ୟ, ଦେଶ ତଥା ପଶ୍ଚିମ ଓଡିଶା ରେ ଥିବା ବିଭିନ୍ ମନ୍ଦିର, ସୌଧ ଓ ଶୀଳାଲେଖ ସମ୍ପର୍କରେ ଆଲୋକପାତ କରିଥିଲେ । ସମ୍ମାନୀତ ଅତିଥି ଭାବେ ନାକଟିଦେଉଳ ତହସିଲଦାର ଅମର ଜେ.ଡୁଙ୍ଗଡୁଙ୍ଗ, ଥାନା ଅଧିକାରୀ ଗଙ୍ଗାଧର ପ୍ରଧାନ, ଶିକ୍ଷାନୁଷ୍ଠାନ ର +୨ ସ୍ରୋତ ଅଧ୍ୟକ୍ଷ ହେମାନନ୍ଦ ପ୍ରଧାନ ପ୍ରମୁଖ ଯୋଗ ଦେଇ ଐତିହ ସମ୍ପର୍କରେ ଛାତ୍ରଛାତ୍ରୀ ମାନେ ଜାଣିବା ଆବଶ୍ୟକ ବୋଲି ମତ ଦେଇଥିଲେ । ଅଧ୍ୟାପିକା ଡ଼. ପୁଷ୍ପାଞ୍ଜଳି ରବନା ଅତିଥି ପରିଚୟ ପ୍ରଦାନ କରିଥିବା ବେଳେ ଅଧ୍ୟାପକ ଦେବେଶ କୁମାର ବିଶ୍ୱାଳ ପ୍ରାରମ୍ଭିକ ସୂଚନା ପ୍ରଦାନ କରିଥିଲେ ଓ ଅଧ୍ୟାପକ କବି ଶେଷଦେବ ବିଶ୍ୱାଳ ଧନ୍ୟବାଦ କରିଥିଲେ । ଏହି ଅବସର ରେ ଐତିହ ଆଧାରିତ ପ୍ରଦର୍ଶନୀ ଏବଂ ସମ୍ବଲପୁର ର ଐତିହ ଆଧାରିତ ନୃତ୍ୟ ପ୍ରଦର୍ଶନ କରାଯାଇଥିଲା।
---------------
ହିନ୍ଦୁସ୍ଥାନ ସମାଚାର / ଶୈଳେଶ