ନୂଆଦିଲ୍ଲୀ, 21 ନଭେମ୍ବର (ହି.ସ.)
- ଦେଶର ବୈଜ୍ଞାନିକମାନେ ଏକ ବିଶେଷ ପଦାର୍ଥ ତିଆରି କରିଛନ୍ତି, ଯାହା ଦେହର ସାଧାରଣ ଗତିବିଧି—ଯଥା ହୃଦୟର ସ୍ପନ୍ଦନ, ଶ୍ୱାସପ୍ରଶ୍ୱାସ, ଆଙ୍ଗୁଠିର ହଲଚଲ କିମ୍ବା ଚାଲିବା—ଠାରୁ ନିଜେ ନିଜେ
ବିଦ୍ୟୁତ ଉତ୍ପାଦନ କରିପାରିବ। ଏହି ସଫଳତା ବେଙ୍ଗାଲୁରୁ ସ୍ଥିତ ନାନୋ ଏବଂ ସଫ୍ଟ ମ୍ୟାଟର
ସାଇନ୍ସ କେନ୍ଦ୍ରର ବୈଜ୍ଞାନିକମାନଙ୍କ ଦ୍ୱାରା ହାସଲ ହୋଇଛି, ଯାହା ବିଜ୍ଞାନ ଓ ପ୍ରୌଦ୍ୟୋଗିକୀ ମନ୍ତ୍ରାଳୟର ଏକ ସ୍ୱାୟତ୍ତ ସଂସ୍ଥା।
କେନ୍ଦ୍ରୀୟ ବିଜ୍ଞାନ ଓ ପ୍ରୌଦ୍ୟୋଗିକୀ ମନ୍ତ୍ରାଳୟ ଅନୁସାରେ, ବୈଜ୍ଞାନିକମାନେ ‘ଟଙ୍ଗଷ୍ଟନ୍
ଟ୍ରାଇଅକ୍ସାଇଡ୍’ ନାମକ ବିଶେଷ ନାନୋ
କଣିକାକୁ ‘ପିଭିଡିଏଫ୍’ ନାମର ଏକ ପ୍ଲାଷ୍ଟିକ ପଦାର୍ଥ ସହିତ ମିଶାଇ ଏକ ନୂତନ ସଂଯୁକ୍ତ
ପଦାର୍ଥ ତିଆରି କରିଛନ୍ତି, ଯାହା ଚାପ ଏବଂ ଟାଣ
ଭଳି କାର୍ଯ୍ୟକଳାପକୁ ବିଦ୍ୟୁତରେ ପରିଣତ କରିବାର କ୍ଷମତା ରଖେ।
ଗବେଷଣା ଦଳ ଏହି ନାନୋ କଣିକାମାନଙ୍କୁ ଚାରି ପ୍ରକାରର ଆକାରରେ ତିଆରି କରି ପରୀକ୍ଷା
କରିଥିଲେ, ଯେଉଁଥିରୁ
ଫୁଲ୍-ଆକାର ଥିବା କଣିକାଗୁଡିକ ସବୁଠୁ ଅଧିକ ପ୍ରଭାବଶାଳୀ ବୋଲି ଜଣାପଡିଛି। ଏମାନଙ୍କ ଠାରୁ
ଅଧିକ ବିଦ୍ୟୁତ ଆବେଶ ହୋଇଥାଏ, ଯାହାଫଳରେ ଏମାନେ ପ୍ଲାଷ୍ଟିକରେ ସବୁଠାରୁ ଭଲଭାବେ ମିଶିଯାନ୍ତି ଏବଂ ଅଧିକ ବିଦ୍ୟୁତ
ଉତ୍ପାଦନ କରନ୍ତି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା