ଭୁବନେଶ୍ୱର, 22 ନଭେମ୍ବର (ହି.ସ.)
- ଶ୍ରୀମନ୍ଦିର ରତ୍ନ ଭଣ୍ଡାର ଗଣତି ମଣତି
ପାଇଁ ଖୁବଶୀଘ୍ର ଆସିବ ଏସଓପି | ଏସଓପି ଆଧାରରେ
ଗଣତି ମଣତି ପ୍ରକ୍ରିୟା କରାଯିବ ବୋଲି ଆଇନମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ସୂଚନା ଦେଇଚନ୍ତି | ଶ୍ରୀମନ୍ଦିର ପ୍ରଶାସନ ଖୁବଶୀଘ୍ର ଏସ ଓ ପି ପ୍ରସ୍ତୁତ
କରି ରାଜ୍ୟ ସରକାରଙ୍କ ପାଖକୁ ଅନୁମୋଦନ ପାଇଁ ପଠାଇବ | ଅନୁମୋଦନ ପରେ ଗଣତି
ମଣତି ପ୍ରକ୍ରିୟା ଆରାମ୍ଭ ହେବ | ଗଣତି ମଣତି ସମୟରେ
ରିଜର୍ଭ ବ୍ୟାଙ୍କର ଅଧିକାରୀଙ୍କୁ ସାମିଲ ହେବା ପାଇଁ ଅନୁରୋଧ କରିବୁ | ଗଣତି ମଣତି ପୂର୍ବରୁ ଅଳଙ୍କାରର ସ୍ଥିତିକୁ ଅନୁଧ୍ୟାନ
କରାଯିବ | ସମ୍ପୂର୍ଣ
ପ୍ରକ୍ରିୟା ଅଢେଇରୁ ତିନି ମାସ ସମୟ ଲାଗିବ | ଭିତର ରତ୍ନ
ଭଣ୍ଡାରରେ ଗଣତି ମଣତି କରାଯିବ | ପୂର୍ବ ଗଣତି
କରାଯାଇଥିବା 78 ମସିହାର ଗଣତି
ସହିତ ମେଳ କରାଯିବ | ଅଳଂକାରର ଡିଜିଟାଲ
ଫୋଟଗ୍ରାଫି କରାଯିବ | ଅଳଙ୍କାରର ସଂରକ୍ଷଣ
ଆମ ପାଇଁ ଗୁରୁତ୍ୱପୁର୍ଣ୍ଣ ବୋଲି ମନ୍ତ୍ରୀ କହିଛନ୍ତି |
ଏହାସହିତ ରୁପା ଇଟା ଏମାର ମଠର ସମ୍ପତ୍ତି | ସିଧ ମଠ ଜଜମେଣ୍ଟ ଅନୁଯାଇ ମଠର ସମ୍ପତ୍ତି
ଜଗନ୍ନାଥଙ୍କର | ସେହି ଦୃଷ୍ଟିକୋଣରୁ
ଏମାର ମଠର ସମସ୍ତ ସ୍ବାଧୀକାର ସତ୍ତ୍ୱ ଶ୍ରୀ ଜଗନ୍ନାଥଙ୍କର ହେବା କଥା | ସେ ବାବଦରେ ଆଇନ ଗତ ପ୍ରକ୍ରିୟା ରହିଛି, ତାକୁ ଦୂର କରିବା ପାଇଁ ପଦକ୍ଷେପ ନିଆଯିବ | ସମସ୍ତଙ୍କର ଇଛା ରହିଛି ରତ୍ନ ଭଣ୍ଡାରକୁ ରୁପା ଇଟାକୁ
ଅଣାଯାଉ ବୋଲି ମନ୍ତ୍ରୀ କହିଛନ୍ତି |
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା