ସମ୍ଭଲ, ୨୩ ନଭେମ୍ବର (ହି.ସ.)- ସମ୍ଭଲ ସମାଜବାଦୀ ପାର୍ଟି ବିଧାୟକ ଇକବାଲ ମହମୁଦ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଟାର୍ଗେଟ କରିଛନ୍ତି । ସେ କହିଛନ୍ତି ଯେ, ପଶ୍ଚିମବଙ୍ଗରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ପରାସ୍ତ କରିବା କଷ୍ଟକର ଏବଂ ବିହାରରେ ଜଙ୍ଗଲ ରାଜ ବିଷୟରେ ତାଙ୍କ ବୟାନ ଉପରେ ମଧ୍ୟ ପ୍ରଶ୍ନ ଉଠାଇଛନ୍ତି । ସମ୍ଭଲର ରାଇସତି ଥାନା ଅଂଚଳରେ ଥିବା ତାଙ୍କ ବାସଭବନରେ ଗଣମାଧ୍ୟମ ସହିତ କଥାବାର୍ତା ବେଳେ ବିଧାୟକ ମହମୁଦ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦି ଗତ ଥର ପଶ୍ଚିମବଙ୍ଗରେ ମମତା ବାନାର୍ଜୀଙ୍କୁ ପରାସ୍ତ କରିବା ପାଇଁ ଯଥେଷ୍ଟ ପ୍ରୟାସ କରିଥିଲେ । ସେ କହିଛନ୍ତି ଯେ, ଦିଦି ତୃଣମୂଳ ସହିତ ଜଡ଼ିତ ଥିବା ଜଣେ ମହିଳା ନେତ୍ରୀ ଏବଂ ତାଙ୍କୁ ପରାସ୍ତ କରିବା ସହଜ ନୁହେଁ । ସେ ବହୁତ ପରିଶ୍ରମୀ ଏବଂ ଜନସାଧାରଣ ଏବେ ବି ତାଙ୍କ ପ୍ରତି ଭଲ ଭାବନା ରଖିଛନ୍ତି ।

ସେ ଆହୁରି କହିଛନ୍ତି ଯେ, ମମତା ବାନାର୍ଜୀଙ୍କ ସରକାରଙ୍କୁ ବଦନାମ୍ କରିବା ପାଇଁ ରାଜ୍ୟପାଳ, ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀ ସମସ୍ତେ ତାଙ୍କ ପଛରେ ପଡିଛନ୍ତି, କିନ୍ତୁ ସେ କାହାରି ଆଗରେ ମୁଣ୍ଡ ନୁଆଁଇବେ ନାହିଁ । ବିଧାୟକ ମହମୁଦ କହିଛନ୍ତି ଯେ, ପଣ୍ଡିତ ଜବାହରଲାଲ ନେହେରୁ ଏବଂ ଇନ୍ଦିରା ଗାନ୍ଧୀ ହିନ୍ଦୁସ୍ଥାନକୁ ତିଆରି କରିଛନ୍ତି, ଯେତେବେଳେକି ବର୍ତମାନର ସରକାର କେବଳ ନିଜର ନାମ ନେଉଛି ।

ହିନ୍ଦୁସ୍ଥାନ ସମାଚାର / ପ୍ରଦୀପ୍ତ