Bhubaneswar, 24 ନଭେମ୍ବର (ହି.ସ.)

ଜାପାନରେ ଚାଲିଥିବା ଡେଫ ଅଲମ୍ପିକ ଗେମ୍ସ ରେ ଆଜି ଓଡିଶାର ଆନ୍ତର୍ଜାତୀୟ କରାଟେ କା ଲୋମା ସ୍ଵାଇଁ କରାଟେ କ୍ରିଡାରେ କାଂସ୍ୟ ପଦକ ହାସଲ କରିଛନ୍ତି । ୫୦ କେଜି ରୁ କମ ମହିଳା ବିଭାଗ ଫାଇଟ ରେ ଲୋମା ଦୁତୀୟ ରାଉଣ୍ଡ ରେ ପରାସ୍ତ ହୋଇ ରେପାଚେଜ ତୃତୀୟ ରାଉଣ୍ଡ ରେ ବ୍ରାଜିଲ ପ୍ରତିଦ୍ବୋନ୍ଦି ଙ୍କୁ ହରାଇ କାଂସ୍ୟ ପଦକ ନିଶ୍ଚିତ କରିଥିଲେ ।

ଲୋମା କରାଟେ ଇଣ୍ଡିଆ ଅର୍ଗାନାଇଜେସନ ର ସାଧାରଣ ବର୍ଗ ର ବରିଷ୍ଟ ଫାଇଟ ବିଭାଗରେ ରୋପ୍ୟ ପଦକ ପାଇ ସାରିଥିବା ସ୍ଥଳେ ୩ ଗୋଟି ଆନ୍ତର୍ଜାତୀୟ ପ୍ରତିଯୋଗିତାରେ ପଦକ ହାସଲ କରିଛନ୍ତି । କରାଟେ ବ୍ୟତିତ ଲୋମା ଜୁ ଜିତଷୁ କ୍ରିଡା ରେ ଜାତୀୟ ଚମ୍ପିୟାନ ହୋଇଛନ୍ତି ।

ଜଗତସିଙ୍ଗପୁର ଭୂତମୁଣ୍ଡାଇ ର ଶ୍ରୀ ସଞ୍ଜୟ କୁମାର ସ୍ଵାଇଁ ଓ ଜୋତିର୍ମୟୀ ସ୍ଵାଇଁ ଙ୍କର କନିଷ୍ଟ କନ୍ୟା ଲୋମା ଭୁବନେଶ୍ବର ସ୍ଥିତ ଉତ୍କଳ କରାଟେ ସ୍କୁଲ ରେ ଡ. ହରି ପ୍ରସାଦ ପଟ୍ଟନାୟକ ଙ୍କ ତତ୍ୱାବବଧାନରେ କରାଟେ ପ୍ରଶିକ୍ଷଣ ନେଉଛନ୍ତି । ଏହି ପ୍ରତିଯୋଗିତାରେ ଲୋମା ଙ୍କ ସହ ସେନସେଇ ସୁନୀଲ ରାଠି , SAI କୋଚ ଭାବେ ଗସ୍ତ କରିଥିଲେ । ଅନେକ ରାଜ୍ୟ , ଜାତୀୟ ଓ ଆନ୍ତର୍ଜାତୀୟ କରାଟେ ପ୍ରତିଯୋଗିତାରେ ଅନେକ ପଦକ ବିଜେତା ଲୋମା ସ୍ଵାଇଁ ଙ୍କୁ ଓଡିଶା ସରକାରଙ୍କ କ୍ରିଡା ବିଭାଗ ଦ୍ଵାରା ତାଙ୍କର କ୍ରିଡା ଉପଲବ୍ଧି ନିମନ୍ତେ ଜଗତସିଂପୁର କଲେକ୍ଟରେଟ ରେ ଗୃପ “C” ରେ ନିଯୁକ୍ତି ଦେଇଛନ୍ତି ।

ଲୋମାଙ୍କର ଏହି ସଫଳତା ନିମନ୍ତେ ଜାତୀୟ କରାଟେ ସଂଘ ର ସଭାପତି ହାନସି ଭରତ ଶର୍ମା , ଓଡିଶା ରାଜ୍ୟ କରାଟେ ଡୋ ସଂଘର ସମ୍ପାଦକ ଡ. ଗୌରି ମହାନ୍ତି ଓ ସମସ୍ତ କର୍ମକର୍ତ୍ତା ଏବଂ ଉତ୍କଳ କରାଟେ ସ୍କୁଲ ର କ୍ରୀଡାବିତ ମାନେ ତାଙ୍କୁ ଅନେକ ଅଭିନନ୍ଦନ ଜ୍ଞାଂପନ କରିଛନ୍ତି ,

---------------

ହିନ୍ଦୁସ୍ଥାନ ସମାଚାର / ରଶ୍ମିତା