ସମ୍ବଲପୁର, ୨୪, ନଭେମ୍ବର (ହି.ସ.) ରାଜ୍ୟ ଗ୍ରାମ୍ୟ ଉନ୍ନୟନ, ପଞ୍ଚାୟତି ରାଜ, ଓ ପାନୀୟଜଳ ଯୋଗାଣ ବିଭାଗ, ଓଡିଶା ସରକାର ମନ୍ତ୍ରୀ ରବି ନାରାୟଣ ନାୟକଙ୍କ ଉପସ୍ଥିତିରେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସମ୍ବଲପୁର ଚିଡିଆଖାନାରେ ପାରଦର୍ଶୀ କାଚ ନିର୍ମିତ ବାଘ ଖୁଆଡ, ମଗର ଖୁଆଡ ଏବଂ ଘଡିଆଳ ଖୁଆଡର ଶୁଭ ଭିତ୍ତିପ୍ରସ୍ତର ସ୍ଥାପନ କରିଛନ୍ତି ।

ଏହି ଅବସରରେ କେନ୍ଦ୍ର ଶିକ୍ଷାମନ୍ତ୍ରୀ ଶ୍ରୀ ପ୍ରଧାନ ଆଜି ବାଘ, ମଗର ଓ ଘଡିଆଳ କୁମ୍ଭୀର ପାଇଁ ପାରଦର୍ଶୀ କାଚ ନିର୍ମିତ ଖୁଆଡର ଭିତିପ୍ରସ୍ତର ର ଶୁଭ ଉଦଘାଟନ ହୋଇଛି ବୋଲି ଆନୁଷ୍ଠାନିକ ଭାବେ ସୂଚନା ଦେଇଛନ୍ତି। ଏହି ପ୍ରକଳ୍ପ ପ୍ରାୟ ୫ କୋଟି ଟଙ୍କା ବ୍ୟୟ ବରାଦ କରାଯାଇଛି । ସମ୍ବଲପୁର ଚିଡିଆଖାନାକୁ ଆଗାମୀ ଦିନରେ କେନ୍ଦ୍ର ଏବଂ ରାଜ୍ୟ ସରକାରଙ୍କ ମିଳିତ ସହଯୋଗରେ ମାଧ୍ଯମିକ ସ୍ତରୀୟ ଚିଡିଆଖାନାରେ ପରିଣତ କରିବାକୁ ପ୍ରଚେଷ୍ଟା କରୁଛନ୍ତି।ଏହା ସହିତ ଆଗାମୀ ଦିନରେ ପକ୍ଷୀ ରହିବାର ବ୍ୟବସ୍ତା ମଧ୍ୟ କରାଯିବ।ପଶ୍ଚିମ ଓଡିଶା ର ସମ୍ବଲପୁର ଚିଡିଆଖାନା କୁ ପର୍ଯ୍ୟଟନ ସ୍ଥଳୀ ର ଆକର୍ଷଣୀୟ କେନ୍ଦ୍ର ଭାବେ ପରିଣତ କରିବା ପାଇଁ ଆମେ ପ୍ରତିଶ୍ରୁତିବଦ୍ଧ ବୋଲି କହିଛନ୍ତି।

ସୂଚନା ଅନୁଯାୟୀ ପାରଦର୍ଶୀ କାଚ ନିର୍ମିତ ବାଘ ଖୁଆଡ ୧୪୦୦ ବର୍ଗ ମିଟର ବିଶିଷ୍ଟ (ଓଡ଼ିଶାର ପ୍ରଥମ ଗ୍ଲାସ୍ ଭ୍ୟୁ ଟାଇଗର୍ ଏନକ୍ଲୋଜର୍)। ଯେଉଁଥିରେ ୪ଟି ରୟାଲ୍ ବେଙ୍ଗଲ୍ ବାଘ (୨ ପୁରୁଷ ଓ ୨ ମହିଳା) କୁ ରଖାଯିବ। ଖୁଆଡ ମଧ୍ୟରେ ୧୫୫ ବର୍ଗ ମିଟର ପ୍ରାକୃତିକ ଗୁମ୍ଫା ଆକୃତି ର ନାଇଟ୍ ହାଉସ୍ (ପ୍ରାକୃତିକ ଗୁମ୍ଫା ଆକୃତି), ୧୦୦ ବର୍ଗ ମିଟର କ୍ରାଲ୍, ପ୍ରାକୃତିକ ଶିଳା ଉପରେ ଝରଣା ସହ ୫୦ ବର୍ଗ ମିଟର ଜଳାଶୟ, ଛୋଟ ଗିରି, କାଠର ଲଠଠି ଓ ପଶୁମାନଙ୍କ ପାଇଁ ଗୁମ୍ଫା ଇତ୍ୟାଦି ର ବ୍ୟବସ୍ଥା କରାଯାଇଛି। ପ୍ରଦର୍ଶିତ ବସ୍ତୁମାନଙ୍କୁ ପ୍ରାକୃତିକ ବାସସ୍ଥାନ ଭଳି ରୂପାୟିତ କରାଯାଇଛି, ଯାହାଫଳରେ ପଶୁମାନେ ସ୍ୱାଭାବିକ ଭାବେ ସୁବିଧା ଅନୁଭବ କରିପାରିବେ।ଖୁଆଡ ର ଚଟାଣ ଇଟାର ହେବା ସହିତ ଉପର ଭାଗରେ ଚେନ୍ ଲିଙ୍କ୍ ତାର ମେଶ୍ ୟା ପାୱର୍ ଫେନ୍ସ ରହିବ, ଯାହା ଦ୍ୱାରା ପଶୁମାନେ ବାହାରକୁ ବାହାରିବାକୁ ପାରିବେ ନାହିଁ। ଚଟାଣ ୦.୫ ମିଟର ଇଟା ର କାନ୍ଥ ହେବା ସହ, ତାପରେ ୫ ମିଟର (୧୬.୫ ଫୁଟ୍) ଉଚ୍ଚ ଚେନ୍ ଲିଙ୍କ୍ ତାର ମେଶ୍ ଫେନ୍ସ ଏବଂ ସେଥିରୁ ୧.୫ ମିଟର ଧାରେ ଝୁଲା ଶୀଟ୍ ରହିବ। ୧୦୦ ବର୍ଗ ମିଟର କ୍ରାଲ୍ ନାଇଟ୍ ହାଉସ୍‌ସହ ସଯୁକ୍ତ ହେଇ ରହିବ, ଯାହା ଦ୍ୱାରା ବାଘକୁ ଆବଶ୍ୟକତା ବେଳେ ଚିକିତ୍ସା ସୁବିଧା ଯୋଗାଇ ଦେବା ପାଇଁ ଅଲଗା କରାଯାଇପାରିବ। ନାଇଟ୍ ହାଉସ୍‌ରେ ୪ଟି ରାତିର ଶେଲ୍/ଖାଦ୍ୟ ଶେଲ୍, ଗୋଟିଏ ସ୍କୁଇଜ୍ କେଜ୍ ଓ କୀପର୍ ଗ୍ୟାଲେରି ରହିବ। ପରିଦର୍ଶନ ଅଞ୍ଚଳ: ୩୫ ବର୍ଗ ମିଟର (୧୬.୮ ମିଟର ଲମ୍ବ ଓ ୨.୧ ମିଟର ଉଚ୍ଚତା) ପାରଦର୍ଶୀ କାଚ ନିର୍ମିତ ବାଘ ଖୁଆଡ ଅଞ୍ଚଳରହିବ, ଯେଉଁଠାରୁ ପର୍ଯ୍ୟଟକମାନେ ବାଘକୁ ଦେଖିପାରିବେ। ପରିଦଦର୍ଶନ ଅଞ୍ଚଳରେ ୩ ଟି ସ୍ତର ବିଶିଷ୍ଟ ଟଫେନ୍ଡ ଗ୍ଲାସ୍ ସହ ଇଣ୍ଟରମିଡିଏରି ଲାମିନେସନ୍ ବ୍ୟବସ୍ଥା କରାଯିବ।ଦର୍ଶକମାନେ ନିକଟରୁ ଖୋଲା ଭାବରେ ବିନା କୌଣସି ସମସ୍ୟା ରେ ବାଘକୁ ଦେଖିପାରିବେ କାରଣ ବଡ଼ ଗ୍ଲାସ୍ ର କାନ୍ଥ ମାଧ୍ୟମରେ ସ୍ପଷ୍ଟ ଭ୍ୟୁ ମିଳିବ। ବାଘମାନେ ବାହାରର ଶବ୍ଦ ଶୁଣି ପାରିବେ ନାହିଁ କାରଣ ଗ୍ଲାସ୍ ଶବ୍ଦବାରିକା ଭାବେ କାମ କରିବ ଓ ପଶୁମାନଙ୍କୁ ସ୍କୁନ୍ଧିତ ରଖିବ। ଗ୍ଲାସ୍ ମାଧ୍ୟମରେ ବାଘକୁ ଦେଖିବା ଅନୁଭବ ପ୍ରତ୍ୟେକ ପର୍ଯ୍ୟଟକଙ୍କ ହୃଦୟରେ ଦୀର୍ଘସ୍ଥାୟୀ ସ୍ମରଣୀୟ ହେବ। ପର୍ଯ୍ୟଟକମାନେ ବାଘର ଅନେକ ରୋଚକ ଆଚରଣ ଓ ଅଭ୍ୟାସକୁ ଏଥିରେ ଦେଖିପାରିବେ। ଲାମିନେଟେଡ୍ ଟଫେନ୍ଡ ଗ୍ଲାସ୍ ସ୍ଥର ଦର୍ଶକ ଓ ପଶୁ ଉଭୟଙ୍କ ସୁରକ୍ଷା ସୁନିଶ୍ଚିତ କରିବ।

୨. ମଗର ଓ ଘଡିଆଳ ପାଇଁ ଜଳାନ୍ତରୀ ପାରଦର୍ଶୀ ଖୁଆଡ ଭିତ୍ତିପ୍ରସ୍ତର ରୋପଣ

୧୦୦୦ ବର୍ଗ ମିଟର ଖୁଆଡ ରେ ୪ଟି ମଗର କୁମ୍ଭୀର (୨ ପୁରୁଷ, ୨ ମହିଳା) ଓ ୧୦୦୦ ବର୍ଗ ମିଟର ଅଞ୍ଚଳରେ ୪ଟି ଘଡିଆଳ (୨ ପୁରୁଷ, ୨ ମହିଳା) ପାଇଁ ବ୍ୟବସ୍ଥା ହେବ। ପ୍ରତ୍ୟେକ ଖୁଆଡ ର ଗୋଟିଏ ଭାଗରେ ଜଳ ଓ ଉପରେ ମାଟି ର ଗଦା ଆରାମ କରିବା ପାଇଁ ପ୍ରାକୃତିକ ବାସସ୍ଥାନ ସୃଷ୍ଟି କରାଯିବ, ଯେଉଁଠାରେ କାଠର ଲଠଠି, ପ୍ରାକୃତିକ ଶିଳା, ବାଲୁକା ଚର୍, ଛୋଟ ଝୁପ୍‌ ଓ ଗଛପଲା ରହିବ।ଏନକ୍ଲୋଜର୍ ଫଳକର ୧/୪ ଭାଗରେ ଜଳାନ୍ତରୀ ଭ୍ୟୁଯିଂ ପାଇଁ ୧୮ ମିଟର ଲମ୍ବ ଓ ୨.୧ ମିଟର ଉଚ୍ଚତାର ଗ୍ଲାସ୍ କାନ୍ଥ ରହିବ, ଯାହା ମଗର ଓ ଘରିଆଲ ଦୁଇ ପଶୁପ୍ରଜାତି ପାଇଁ ଅଲଗା ଭାବରେ ରହିବ। ଏହା ଦ୍ୱାରା ପର୍ଯ୍ୟଟକମାନେ ପଶୁମାନଙ୍କର ପାଣି ମଧ୍ୟରେ ପ୍ରାକୃତିକ ପରିବେଶରେ ଆଚରଣ ଓ ଦୃଶ୍ୟ ଦେଖିପାରିବେ। ପର୍ଯ୍ୟଟକମାନେ ମାଟି ଓ ପାଣି ଉଭୟରେ ଏହି ପଶୁମାନେ କିପରି ବସବାସ କରୁଛନ୍ତି, ତାହା ନିକଟରୁ ଅନୁଭବ କରିପାରିବେ।

ଟୀକା : ସତକୋଷିଆ ଗର୍ଜ୍ (ଓଡ଼ିଶା) ଭାରତରେ ଘଡିଆଳ ପାଇଁ ସବୁଠାରୁ ଦକ୍ଷିଣତମ ସୀମା । ପୂର୍ବରୁ ଘଡିଆଳର ଉପସ୍ଥିତି ମହାନଦୀ ନଦୀ ଦ୍ୱାରା ସମ୍ବଲପୁର ପର୍ଯ୍ୟନ୍ତ ମିଳିଥିଲା ବୋଲି ଚିହ୍ନିତ ହୋଇଛି। ଘଡିଆଳ ଓ ମଗର ଉଭୟେ ମିଠା ପାଣିର କୁମ୍ଭୀର ପ୍ରଜାତି।

---------------

ହିନ୍ଦୁସ୍ଥାନ ସମାଚାର / ଶୈଳେଶ