କୋରାଇ, ୨୫ ନଭେମ୍ବର(ହି.ସ.) –ପାଣିକୋଇଲି ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥର ଟକର ବ୍ରିଜ ନିକଟରେ ଆଜି ସନ୍ଧ୍ୟାରେ ଏକ ଅମ୍ବୁଲାନ୍ସ ସମ୍ମୁଖକୁ ଏକ ଷଣ୍ଢ ମାଡି ଆସିବାରୁ ଅମ୍ବୁଲାନ୍ସଟି ଦୁର୍ଘଟଣାର ଶିକାର ହେବା ସହ ଘଟଣାସ୍ଥଳେ ଷଣ୍ଢର ମୃତ୍ୟୁ ଘଟିଛି । ପ୍ରକାଶଯେ କଟକ ବଡ ମେଡିକାଲରୁ ରୋଗୀ ନେଇ ଏକ ଆମ୍ବୁଲାନ୍ସ ପଶ୍ଚିମବଂଗ ମେଦିନାପୁର ଯାଉଥିଲା । ଟିକର ବ୍ରିଜ ନିକଟରେ ଷଣ୍ଢ ସହ ତାର ଧକ୍କା ହୋଇଥିଲା । ପଶ୍ଚିମବଙ୍ଗର ନନ୍ଦୀଗ୍ରାମ ଅଭିମୂଖେ ଫେରୁଥିବା ଏକ ଆମ୍ବୁଲାନ୍ସ(ଡ଼ବ୍ଲ୍ୟୁ ବି୨୯ଇ୮୫୪୧) ଟିକର ପୋଲ ଉପରେ ଏକ ଷଣ୍ଢ ସହିତ ମୁହାମୁହିଁ ଧକ୍କା ହୋଇଥିଲା। ଫଳରେ ଆମ୍ବୁଲାନ୍ସରେ ଥିବା ଜୟନ୍ତୀ ସି ଓ ତାଙ୍କ ପୁଅ ବିରେଶ ସି ଗୁରୁତର ଭାବେ ଆହତ ହୋଇଛନ୍ତି। ଖବର ପାଇ ପାଣିକୋଇଲି ପୁଲିସ ଓ ଆମେ ଆପଣଙ୍କ ପାଇଁ ହେଲପିଙ୍ଗ ଗ୍ରୁପର ସଦସ୍ୟ ମାନେ ଘଟଣାସ୍ଥଳରେ ପହଂଚି ଆହତ ଦ୍ୱୟଙ୍କୁ ଜାତୀୟ ରାଜପଥ ଆମ୍ବୁଲାନ୍ସ ଯୋଗେଁ ଯାଜପୁର ମୂଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରିଛନ୍ତି। ପୁଲିସ ଆମ୍ବୁଲାନ୍ସଟିକୁ ଜବତ କରିଛି।

ହିନ୍ଦୁସ୍ଥାନ ସମାଚାର/ଭାସ୍କର/ବୀଣାପାଣି

.......................................

ହିନ୍ଦୁସ୍ଥାନ ସମାଚାର / ବୀଣାପାଣି