ନୂଆଦିଲ୍ଲୀ, 25 ନଭେମ୍ବର (ହି.ସ.)- କେନ୍ଦ୍ରୀୟ

ଗୃହ ଏବଂ ସହକାରିତା ମନ୍ତ୍ରୀ ଅମିତ ଶାହ ଶିଖ ଧର୍ମର ନବମ ଗୁରୁ, ‘ହିନ୍ଦ କି ଚାଦର’ ଗୁରୁ ତେଗ ବହାଦୁର ଜୀଙ୍କ ୩୫୦ତମ ଶହୀଦ ଦିବସରେ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସେ

କହିଛନ୍ତି ଯେ ଗୁରୁ ତେଗ ବହାଦୁର ଜୀଙ୍କ ଜୀବନ ଗଭୀର ଆଧ୍ୟାତ୍ମିକ ସାଧନା, ପବିତ୍ର ଉପଦେଶ ଏବଂ ସଂସ୍କୃତି ଓ ଆସ୍ଥାର ସୁରକ୍ଷା ପାଇଁ କରାଯାଇଥିବା ଅଦମ୍ୟ ସଂଘର୍ଷର

ପ୍ରତୀକ।

ଅମିତ ଶାହ ସୋସିଆଲ ମିଡିଆ

ପ୍ଲାଟଫର୍ମ ‘ଏକ୍ସ’ରେ ଲେଖିଛନ୍ତି—“ଶିଖ ଧର୍ମର ନବମ ଗୁରୁ, ‘ହିନ୍ଦ କି ଚାଦର’ ଗୁରୁ ତେଗ ବହାଦୁର ଜୀଙ୍କ ୩୫୦ତମ ଶହୀଦ ଦିବସରେ ମୁଁ ତାଙ୍କୁ ନମନ କରୁଛି ଓ ଶ୍ରଦ୍ଧାଞ୍ଜଳି

ଅର୍ପଣ କରୁଛି। ଗୁରୁ ତେଗ ବହାଦୁର ଜୀ ଗଭୀର ଆଧ୍ୟାତ୍ମିକ ସାଧନା କରିଥିଲେ, ପବିତ୍ର ପ୍ରବଚନମାନଙ୍କ ମାଧ୍ୟମରେ ସମାଜକୁ ପଥପ୍ରଦର୍ଶନ କରିଥିଲେ ଏବଂ ବର୍ବର

ଆକ୍ରମଣକାରୀମାନଙ୍କୁ ପ୍ରତିରୋଧ କରି ଆମ ସଂସ୍କୃତି ଓ ଆସ୍ଥାକୁ ସୁରକ୍ଷା କରିଥିଲେ।”

ଗୃହମନ୍ତ୍ରୀ କହିଛନ୍ତି

ଯେ ଗୁରୁ ସାହିବ କଶ୍ମୀରୀ ପଣ୍ଡିତମାନଙ୍କ ପାଇଁ ସଂଘର୍ଷ କରିଥିଲେ, ଅତ୍ୟାଚାରୀ ମୁଗଲମାନଙ୍କୁ

ଚ୍ୟାଲେଞ୍ଜ କରିଥିଲେ ଓ ଧର୍ମର ସୁରକ୍ଷା ପାଇଁ ନିଜ ସର୍ବସ୍ୱ ବଲିଦାନ କରିଦେଇଥିଲେ। ଗୁରୁ ସାହିବଙ୍କ

ଏହି ତ୍ୟାଗର ଗାଥା—ଯେଉଁଥିରେ ବୀରତା, ସଂଯମ, ନିସ୍ୱାର୍ଥ ଭାବ ଓ ଭକ୍ତିର ସମାହାର ରହିଛି—ଆଜି ମଧ୍ୟ ହୃଦୟକୁ ଗର୍ବ

ଓ ରାଷ୍ଟ୍ରରକ୍ଷା ପାଇଁ ନୂତନ ସଂକଳ୍ପରେ ଭରିଥାଏ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା