ଅରରିଆ, ନଭେମ୍ବର 9 (ହି.ସ.):ବିହାର ବିଧାନସଭା ନିର୍ବାଚନର ଦ୍ୱିତୀୟ ପର୍ଯ୍ୟାୟରେ 11 ନଭେମ୍ବର ହେବାକୁଥିବା ଭୋଟ ପାଇଁ ପ୍ରଚାରର ଶେଷ ଦିନରେ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଅରରିଆ ଜିଲ୍ଲାର ସିକଟି ସ୍ଥିତ ଧର୍ମଗଞ୍ଜ ମେଳା ପଡିଆ ଓ ନରପତଗଞ୍ଜ ହାଇ ସ୍କୁଲ ପଡିଆରେ ଭାରତୀୟ ଜନତା ପାର୍ଟି ପ୍ରାର୍ଥୀଙ୍କ ସମର୍ଥନରେ ନିର୍ବାଚନୀ ସଭା କରିଛନ୍ତି ।

ସଭାରେ ଯୋଗୀ ଆଦିତ୍ୟନାଥ କହିଛନ୍ତି ଯେ ଆସ୍ଥାର ସମ୍ମାନ, ଦେଶର ଉନ୍ନତି ଓ ଗରିବମାନଙ୍କ କଳ୍ୟାଣ କେବଳ ଏନଡିଏ ସରକାର ହିଁ କରିପାରିବ।

ସେ ଆହୁରି କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଯାହା କହିଥିଲେ, ତାହାକୁ କରି ଦେଖାଇଛନ୍ତି । ଅଯୋଧ୍ୟାରେ ରାମ ମନ୍ଦିର ନେଇ ଯେତେବେଳେ ଆନ୍ଦୋଳନ ଚାଲିଥିଲା, ବିହାରର ରାମଭକ୍ତମାନେ “ମନ୍ଦିର ନିର୍ମାଣ ହେବ” ବୋଲି ନାରା ଦେଇ ଅଯୋଧ୍ୟାରେ ପହଞ୍ଚିଥିଲେ। ସେ କହିଛନ୍ତି ଯେ କଂଗ୍ରେସ ପକ୍ଷର ଲୋକମାନେ ସେତେବେଳେ କହୁଥିଲେ ଯେ ରାମ ମନ୍ଦିର ହେବାକୁ ଦିଆଯିବ ନାହିଁ ଏବଂ ସେଥିପାଇଁ ସେମାନେ ସୁପ୍ରିମ୍ କୋର୍ଟରେ ସତ୍ୟପାଠ ମଧ୍ୟ ଦେଇଥିଲେ। ଆରଜେଡି ସରକାର ସେତେବେଳେ ରାମ ମନ୍ଦିର ରଥଯାତ୍ରାକୁ ବିହାରରେ ଅଟକାଇ ଦେଇଥିଲା ଏବଂ ଆରଜେଡି ର ସହଯୋଗୀ ସମାଜବାଦୀ ପାର୍ଟି ଉତ୍ତର ପ୍ରଦେଶରେ ରାମଭକ୍ତମାନଙ୍କ ଉପରେ ଲାଠି ଚାଲାଇ ତାଙ୍କୁ ରକ୍ତାକ୍ତ କରିଦେଇଥିଲା।

---------------

ହିନ୍ଦୁସ୍ଥାନ ସମାଚାର / ସମନ୍ୱୟ