ନୂଆଦିଲ୍ଲୀ, ୧୦ ଡିସେମ୍ବର (ହି.ସ.) - କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବୁଧବାର ରାଜ୍ୟସଭାରେ କହିଛନ୍ତି ଯେ ସରକାର ଆଗାମୀ ପାଂଚ ବର୍ଷ ମଧ୍ୟରେ ଦେଶର ସରକାରୀ ସ୍କୁଲରେ ୫୦,୦୦୦ ନୂତନ ଅଟଳ ଟିଙ୍କରିଂ ଲ୍ୟାବ୍ (ଏଟିଏଲ୍) ସ୍ଥାପନ କରିବେ ଯାହା ଦ୍ୱାରା ନବସୃଜନର ଭାବନା ବୃଦ୍ଧି ପାଇବ।
ଡିଜିଟାଲ ଶ୍ରେଣୀଗୃହ, ଦକ୍ଷତା-ଆଧାରିତ ଶିକ୍ଷା ଏବଂ ଶିକ୍ଷକ କ୍ଷମତା ନିର୍ମାଣ ସମ୍ପର୍କରେ ଉତର ପ୍ରଦେଶର ବିଜେପି ସଦସ୍ୟ ତେଜବୀର ସିଂହଙ୍କ ପ୍ରଶ୍ନର ଉତରରେ ପ୍ରଧାନ କହିଛନ୍ତି ଯେ ସ୍କୁଲ ଶିକ୍ଷା ମୁଖ୍ୟତଃ ଏକ ରାଜ୍ୟ ବିଷୟ, କିନ୍ତୁ କେନ୍ଦ୍ର ସରକାର ସମଗ୍ର ଶିକ୍ଷା ଯୋଜନା ଅଧୀନରେ ରାଜ୍ୟଗୁଡ଼ିକୁ ଆର୍ôଥକ ସହାୟତା ପ୍ରଦାନ କରୁଛନ୍ତି।
ସେ କହିଛନ୍ତି ଯେ ସ୍କୁଲ ଶିକ୍ଷାର ଆଧୁନିକୀକରଣକୁ ତ୍ୱରାନ୍ୱିତ କରିବା ପାଇଁ ଚଳିତ ବର୍ଷର ବଜେଟରେ ଅନେକ ମହତ୍ୱାକାଂକ୍ଷୀ ପଦକ୍ଷେପ ଘୋଷଣା କରାଯାଇଛି। ଆଗାମୀ ଗୋଟିଏରୁ ଦୁଇ ବର୍ଷ ମଧ୍ୟରେ ଦେଶର ସମସ୍ତ ମାଧ୍ୟମିକ (ଗ୍ରେଡ୍ ୯ମରୁ ଦ୍ୱାଦଶ) ସରକାରୀ ସ୍କୁଲଗୁଡ଼ିକୁ ବ୍ରଡବ୍ୟାଣ୍ଡ ଏବଂ ଭାରତନେଟ୍ ମାଧ୍ୟମରେ ଇଂଟରନେଟ୍ ସଂଯୋଗ ଯୋଗାଇ ଦିଆଯିବ। ସ୍କୁଲଗୁଡ଼ିକୁ ବିଶ୍ୱ ଡିଜିଟାଲ ନେଟୱାର୍କ ସହିତ ସଂଯୋଗ କରିବା ପାଇଁ ଆବଶ୍ୟକୀୟ ଆର୍ôଥକ ବ୍ୟବସ୍ଥା କରାଯାଇଛି।
ଶିକ୍ଷା ମନ୍ତ୍ରୀ କହିଛନ୍ତି ଯେ ବର୍ତମାନ ପ୍ରାୟ ୧୦,୦୦୦ ଅଟଳ ଟିଙ୍କରିଂ ଲ୍ୟାବ କାର୍ଯ୍ୟକ୍ଷମ ଅଛି, ଏବଂ ଆଗାମୀ ପାଂଚ ବର୍ଷ ମଧ୍ୟରେ ଏହାକୁ ୫୦,୦୦୦ କୁ ବିସ୍ତାର କରାଯିବ। ସେ କହିଛନ୍ତି ଯେ ଭବିଷ୍ୟତରେ ଭାରତର ଶିକ୍ଷା ବ୍ୟବସ୍ଥା ଅଧିକରୁ ଅଧିକ ପ୍ରଯୁକ୍ତିବିଦ୍ୟା-ଆଧାରିତ ହେବ।
ପ୍ରଧାନ କହିଛନ୍ତି ଯେ ଶିକ୍ଷକ କ୍ଷମତା ବୃଦ୍ଧି ପାଇଁ ଜିଲ୍ଲାସ୍ତରୀୟ ପ୍ରତିଷ୍ଠାନଗୁଡ଼ିକୁ ସୁଦୃଢ଼ କରାଯାଉଛି, ଏବଂ ଶିକ୍ଷକ ଶିକ୍ଷା ପାଇଁ ଏକ ନୂତନ ପାଠ୍ୟକ୍ରମ ଏବଂ ପଦ୍ଧତି ବିକଶିତ କରାଯାଉଛି, ଯାହା କ୍ଷମତା ନିର୍ମାଣରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ।
-------------
---------------
ହିନ୍ଦୁସ୍ଥାନ ସମାଚାର / ଗଗନ
10 Dec 2025