ନୂଆଦିଲ୍ଲୀ, 19 ଡିସେମ୍ବର (ହି.ସ.)- ଘନ କୁହୁଡ଼ି ଯୋଗୁ ନୂଆଦିଲ୍ଲୀର ଇନ୍ଦିରା ଗାନ୍ଧୀ
ଆନ୍ତର୍ଜାତୀୟ ବିମାନବନ୍ଦର (ଆଇଜିଆଇଏ)ରେ ବିମାନ ଚଳାଚଳ ପ୍ରଭାବିତ ହୋଇଛି, ଯାହାର ପରିଣାମରେ
ଶୁକ୍ରବାର ଅତି କମରେ ୭୯ଟି ବିମାନ ସେବା ବାତିଲ ହୋଇଛି। ଇଣ୍ଡିଗୋ ବିମାନ ସେବା ପକ୍ଷରୁ
ଟ୍ରାଭେଲ ଆଡଭାଇଜରୀ ଜାରି କରି ବିମାନ ତାଲିକାରେ ପରିବର୍ତ୍ତନ ଓ ବାତିଲ ହେବାର ସ୍ଥିତିକୁ ଦେଖି
ଯାତ୍ରୀମାନଙ୍କୁ ବିମାନବନ୍ଦରକୁ ଆସିବା ପାଇଁ ପରାମର୍ଶ ଦିଆଯାଇଛି। ବାତିଲ ହୋଇଥିବା
ସେବାମାନଙ୍କ ମଧ୍ୟରେ ଅନେକ ଆନ୍ତର୍ଜାତୀୟ ବିମାନ ସେବା ମଧ୍ୟ ସାମିଲ ରହିଛି ।
ଦିଲ୍ଲୀ ଇଣ୍ଟରନ୍ୟାସନାଲ୍ ଏୟାରପୋର୍ଟ ଲିମିଟେଡ୍ (ଡାଏଲ୍) କହିଛି ଯେ
ଖରାପ ଦୃଶ୍ୟମାନତା ହେତୁ ବିମାନ ଚଳାଚଳ କ୍ୟାଟ୍–୩ ପରିସ୍ଥିତିରେ କରାଯାଉଥିଲା। ଯଦିଓ କିଛି
ବିମାନ ସେବାରେ ବିଳମ୍ବ କିମ୍ବା ବାଧା ସୃଷ୍ଟି ହୋଇପାରେ, ତଥାପି ବିମାନବନ୍ଦର ପ୍ରାଧିକରଣ କହିଛି ଯେ ତାଙ୍କର
ଗ୍ରାଉଣ୍ଡ ଷ୍ଟାଫ୍ ଯାତ୍ରୀମାନଙ୍କୁ ସହାୟତା କରିବା ଏବଂ ସମସ୍ତ ଟର୍ମିନାଲରେ ଅସୁବିଧା କମାଇବା
ପାଇଁ ବିମାନ ସେବାଦାତା ଓ ଅନ୍ୟାନ୍ୟ ଷ୍ଟେକହୋଲ୍ଡର୍ମାନଙ୍କ ସହ ମିଶି କାମ କରୁଛନ୍ତି।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
19 Dec 2025