ବଲାଙ୍ଗିର, ୧୯ ଡିସେମ୍ବର (ହି.ସ.)- ଆଜି ବଲାଙ୍ଗୀରସ୍ଥ କଦମପଡା ଶିଶୁ ବିଦ୍ୟା ଜ୍ଞାନ ମନ୍ଦିରରେ ‘ପ୍ରତିଭା ସମ୍ମାନ’ ସମାରୋହ ପାଳନ କରାଯାଇଛି । ଏଥିରେ ମୁଖ୍ୟବକ୍ତା ରୂପେ ବିଶିଷ୍ଟ ବ୍ୟବସାୟୀ କିଶୋର କୁମାର ରଥ ଓ ମୁଖ୍ୟ ଅତିଥି ରୂପେ ସାମରିକ ବିଭାଗର ଅବସରପ୍ରାପ୍ତ ସୈନିକ ଦିଲୀପ କୁମାର ପୁରୋହିତ ଓ ସମ୍ମାନୀତ ଅତିଥି ରୂପେ ଅବସରପ୍ରାପ୍ତ ଅଧ୍ୟାପକ ଡ. ତରୁଣ କୁମାର ମିଶ୍ର ଯୋଗ ଦେଇଥିଲେ । ସମବେତ ସଙ୍ଗୀତ ଛାତ୍ରୀ ଅନୁଷ୍କା ରାଣୀ ପାତ୍ର, ମୋନିକା ମହାପାତ୍ର, ମେହେକ ମଲ୍ଲିକ ଓ ଶ୍ରୀମୟୀ ପଣ୍ଡା ଗାନ କରିଥିଲେ । ଅତିଥି ପରିଚୟ ଓ ଉଦ୍ଦେଶ୍ୟ ଜ୍ଞାପନ ବିଦ୍ୟାଳୟର ପ୍ରଧାନାଚାର୍ଯ୍ୟ ସନାତନ ମିଶ୍ର କରିଥିବା ବେଳେ ସଂଯୋଜନା ଛାତ୍ରୀ ପ୍ରିୟାଂଶୀ ସାହୁ, ସ୍ମରଣୀକା ଦାଶ ଓ ଗୁରୁମା ମମତା ଭୋଇ କରିଥିଲେ । ମୁଖ୍ୟବକ୍ତା ନିଜ ବକ୍ତବ୍ୟ ଦେଇ କହିଲେ ଯେ, ନିଜର ପ୍ରତିଭାକୁ ନିଜେ ଚିହ୍ନ । ମୁଖଅତିଥି କହିଲେ ଯେ, ଶିଶୁ ନିଜକୁ ଚିହ୍ନି ପାରିଲେ ହିଁ ଦେଶ ଆଗକୁ ବଢିବ । ବିଶିଷ୍ଟ ଅତିଥି ନିଜ ବକ୍ତବ୍ୟରେ କହିଲେ ଯେ, ନିଜ କର୍ମପଥରେ ଠିକ୍ ଥିଲେ ସଫଳତା ଆପେ ଆପେ ଆସିବ । ସମସ୍ତ ପୁରସ୍କାରର ଉଦଘୋଷଣା ଗୁରୁଜୀ କିଶୋର ମଟାରୀ କରିଥିଲେ । ବିଭିନ୍ନ ପୁରସ୍କାର ମଧ୍ୟରେ ବାର୍ଷିକ କ୍ରୀଡା, ବାର୍ଷିକ ଉତ୍ସବର ବିଜେତା ମାନଙ୍କୁ ପୁରସ୍କୃତ କରାଯାଇଥିଲା । ମଞ୍ଚାସୀନ ଅତିଥିଙ୍କ ସହ ମାତୃଭାରତୀର ସଦସ୍ୟାମାନେ ମଧ୍ୟ ପୁରସ୍କାର ପ୍ରଦାନ କରିଥିଲେ ।
ଛାତ୍ରମାନଙ୍କ ମଧ୍ୟରେ ୩୦୦୦ ମିଟର ଦୈ।ଡରେ ସିଦ୍ଧୁ ବାଗ, ସ୍ବପ୍ନିଳ ସାବତ, ରୋହନ୍ ସାହୁ ବିଜେତା ହୋଇଥିଲେ । ବିଦ୍ୟାଳୟର ମାତୃଭାରତୀର ସଦସ୍ୟାମାନଙ୍କ ମଧ୍ୟରେ ଝୋଟି ଚିତା ପ୍ରତିଯୋଗିତାରେ କୁନ୍ତି ଦାଶ, ପଲ୍ଲବୀ ବେହେରା, ସ୍ବର୍ଣ୍ଣସ୍ମିତା ନନ୍ଦ ବିଜେତା ହେବା ଆକର୍ଷଣୀୟ ରହିଥିଲା । ରାଜ୍ୟପାଳଙ୍କ ଦ୍ବାରା ପ୍ରଦତ୍ତ ପୁରସ୍କୃତ ସ୍କାଉଟ ଓ ଗାଇଡର ୬ ଜଣ ଛାତ୍ରୀଙ୍କୁ ସମ୍ମାନୀତ କରାଯାଇଥିଲା । ଏହିପରି ମୋଟରେ ୨୪୩ ଜଣ ଛାତ୍ରଛାତ୍ରୀଙ୍କୁ ପୁରସ୍କାର ପ୍ରଦାନ କରାଯାଇଥିଲା ।
ପରେ ବିଦ୍ୟାଳୟର ସଭାପତି ଆର୍ଶିବଚନ ପ୍ରଦାନ କରିଥିଲେ ତଥା ଶେଷରେ ସମସ୍ତଙ୍କ ଉଦ୍ଦେଶ୍ୟରେ ଧନ୍ୟବାଦ ଅର୍ପଣ ବିଦ୍ୟାଳୟର ସଂପାଦକ ତରଣୀସେନ ପଟେଲ ପ୍ରଦାନ କରିଥିଲେ । ଗୁରୁଜୀ ସାଧୁରାମ ନାଏକ ଓ ଗୁରୁମା କଲ୍ୟାଣୀ ପଣ୍ଡାଙ୍କ ସଞ୍ଚାଳନରେ କାର୍ଯ୍ୟକ୍ରମଟି ସଫଳତାର ସହ ସମ୍ପୁର୍ଣ୍ଣ ହୋଇଥିଲା ।
ହିନ୍ଦୁସ୍ଥାନ ସମାଚାର / ଗୋପବନ୍ଧୁ
