ସମ୍ବଲପୁର, ୨୬, ଡିସେମ୍ବର (ହି.ସ.) ଦୀର୍ଘ ୨୪ ବର୍ଷର ସ୍ବଚ୍ଛ ଓ ନିର୍ମଳ ସରକାରର ଅନ୍ତ ଘଟାଇ ଶେଷରେ ଓଡିଶା ଶାସନ କଳକୁ ହାତେଇଲା ବହୁ ପ୍ରତିକ୍ଷିତ ବିଜେପି ସରକାର । ଜିଲ୍ଲା ପ୍ରଶାସନିକ ସେବାରେ ଅତିଷ୍ଠ ହୋଇ ସହରବାସୀ ବହୁ ଆଶା କରିଥିଲେ ସମ୍ବଲପୁର ମହାନଗର ନିଗମର ନିର୍ବାଚନ ହେବ । ନିଜ ଅଞ୍ଚଳର ପ୍ରତିନିଧିଙ୍କୁ କର୍ପୋରେଟର ଭାବେ ପାଇ ଗୁହାରି ଜଣାଇବେ । ଯାହାର ତ୍ୱରିତ୍ ସମାଧାନ ହୋଇପାରିବ । ହେଲେ ନୁଆ ସରକାର ଆସିଲା ସତ, ହେଲେ ବଦଳିଲା ନାହିଁ ସହରର ସମସ୍ଯା । ନଳା ନର୍ଦ୍ଦମାରେ କେଉଁଠି କୁଢକୁଢ ଆବର୍ଜନା ତ କେଉଁଠି ନଳା ନର୍ଦ୍ଦମା ଭାଙ୍ଗିରୁଜି ଆବର୍ଜନାମୟ ବାତାବରଣ ସୃଷ୍ଟି କରୁଛି । ସବୁଠାରୁ ଉଦବେଦର ବିଷୟ ସମ୍ବଲପୁର ଜିଲ୍ଲାରେ ବୃହତ୍ ଜଳ ସଂରକ୍ଷଣ ଭଣ୍ଡାର ହୀରାକୁଦ ରହିଥିଲା ବେଳେ ସହରବାସୀଙ୍କ ପାଇଁ ପାନୀୟ ଜଳ ସଙ୍କଟ ସଂପ୍ରତି ରାଜ୍ୟ ଶାସନ କଳ ପ୍ରତି ଏକ ଶକ୍ତ ଉପହାସ । ଜିଲ୍ଲାରେ ବିଭିନ୍ନ ବିଭାଗର କାର୍ଯ୍ୟାଳୟ ରହିଛି, ଉଚ୍ଚ ଓ ଦକ୍ଷତା ସମ୍ପନ୍ନ ଅଧିକାରୀ ଓ ଯନ୍ତ୍ରୀ ଅବସ୍ଥାପିତ ହୋଇଛନ୍ତି । ମାତ୍ର ଦକ୍ଷତା ପ୍ରଦର୍ଶନରେ ଏତେ ମାତ୍ରାରେ ବିଫଳ ଯେ ଲୋକଲୋଚନରେ ସରକାରଙ୍କୁ କେବଳ ଅପନିନ୍ଦିତ କରିବା ଯେପରି ସେମାନଙ୍କର ମୁଖ୍ୟ କର୍ତ୍ତବ୍ୟ ଭାବେ ପାଳନ କରୁଛନ୍ତି । ନିକଟରେ ବିଶୁଦ୍ଧ ପାନୀୟ ଜଳ ଅଭାବ ନେଇ ଲୋକେ ରାଜରାସ୍ତାକୁ ଓହ୍ଲାଇବାର ଚେତାବନୀ ଦେବାପରେ ପ୍ରଶାସନ କିଛିଟା ଚଳଚଞ୍ଚଳ ହୋଇ ଉଠିଥିଲା । ମାତ୍ର ଏବେ କେଉଁଠି ମାଟିତଳ ପାଇପ୍ ଫାଟି ପାଣି ବାହାରୁଛି ତ କେଉଠି ପାଇପ୍ ଫାଟି ରାସ୍ତାରେ ପାଣି ସୁଅ କାଟୁଛି । ଆଜି ଏହିପରି ଏକ ଦୃଶ୍ୟ ଜିଲ୍ଲା ପାନୀୟ ଜଳ ଯୋଗାଣ ବିଭାଗର ଦକ୍ଷତା ପ୍ରତି ପ୍ରଶ୍ନବାଚୀ ସୃଷ୍ଟି କରାଇଛି । କାଇଁଶୀର ସିଂହପାଲି ରାସ୍ତାରେ ପାଇପ୍ ଫାଟି ଘଣ୍ଟାଘଣ୍ଟା ଧରି ପାନୀୟ ଜଳ ରାସ୍ତାରେ ଭାବୁଥିଲେ ମଧ୍ୟ ଏହାକୁ ତୁରନ୍ତ ବନ୍ଦ୍ କରିବା ଓ ମରାମତି ଦିଗରେ ବିଭାଗର ଅଣଦେଖା ବିଭାଗୀୟ ଅଧିକାରୀଙ୍କ ଦକ୍ଷତା ପ୍ରତି ଅଙ୍ଗୁଳି ନିର୍ଦ୍ଦେଶ କରାଇଛି । ଯେତେବେଳେ ସହରବାସୀଙ୍କ ପାଇଁ କୌଣସି ସମସ୍ୟା ମୁଣ୍ଡ ଟେକୁଛି ଲୋକଙ୍କ ଅଭିଯୋଗ ଉପରେ ଯଦି ସମ୍ପୃକ୍ତ ବିଭାଗ ସାମାନ୍ୟତମ ପଦକ୍ଷେପ ନେଇ ପାରନ୍ତା ତେବେ କୌଣସି ସମସ୍ୟା ଜଟିଳ ରୁ ଜଟିଳ ହୁଅନ୍ତା ନାହିଁ । ମାତ୍ର କାର୍ଯ୍ଯଖିଲାଫୀ ଯନ୍ତ୍ରୀ ଓ ଅଧିକାରୀ ଅଭ୍ୟାସ ଗତ ସଫେଇ ଦେଇ କମିଯାଉଥିବା ଯୋଗୁଁ ଆଜି ସହରରେ ଖାମଖିଆଲି ପ୍ରଶାସନିକ ସେବା ଚାଲିଛି ବୋଲି ବୁଦ୍ଧିଜୀବୀ ମହଲରୁ କଟୁ ସମାଲୋଚନା କରାଯାଇଛି । ଏବେ ଦେଖିବାକୁ ଅପେକ୍ଷା ପାଇପ୍ ଫାଟି ପାନୀୟ ଜଳ ରାସ୍ତାରେ ଭାସିବା ଘଟଣାକୁ ପ୍ରଶାସନ କେଉଁ ନିୟମରେ ତଦନ୍ତ କରି କି କାର୍ଯ୍ୟାନୁଷ୍ଠାନ ଗ୍ରହଣ କରିବ !
---------------
ହିନ୍ଦୁସ୍ଥାନ ସମାଚାର / ଶୈଳେଶ
