ନୂଆଦିଲ୍ଲୀ, 28 ଡିସେମ୍ବର (ହି.ସ.)- ରବିବାର ଭାରତୀୟ ଜାତୀୟ କଂଗ୍ରେସର ୧୪୧ତମ ସ୍ଥାପନା

ଦିବସ ଅବସରରେ କଂଗ୍ରେସର ଶୀର୍ଷ ନେତାମାନେ କାର୍ଯ୍ୟକର୍ତ୍ତା ଓ ଦେଶବାସୀଙ୍କୁ ଶୁଭେଚ୍ଛା

ଜଣାଇଛନ୍ତି। ଏହି ଅବସରରେ ଦିଲ୍ଲୀସ୍ଥିତ କଂଗ୍ରେସ ମୁଖ୍ୟାଳୟ ‘ଇନ୍ଦିରା ଭବନ’ରେ ବରିଷ୍ଠ

କଂଗ୍ରେସ ନେତ୍ରୀ ସୋନିଆ ଗାନ୍ଧୀ, ରାହୁଲ ଗାନ୍ଧୀ, ଅଜୟ ମାକନ, ଲାଲଜୀ ଦେସାଇ,ଦିଗ୍ୱିଜୟ ସିଂହ, ସଲମାନ ଖୁର୍ଶିଦ ଓ

ଜୟରାମ ରମେଶ ସହିତ ଅନେକ ବରିଷ୍ଠ ନେତା ଉପସ୍ଥିତ ଥିଲେ।

କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେ ‘ଏକ୍ସ’ରେ କହିଛନ୍ତି ଯେ

କଂଗ୍ରେସ ଦଳ ସର୍ବଦେ ଭାରତର ଜନତାଙ୍କ କଲ୍ୟାଣ, ସଶକ୍ତିକରଣ ଓ ସମାବେଶୀ ବିକାଶ ପାଇଁ କାମ କରିଆସିଛି। ଭାରତୀୟ ଜାତୀୟ

କଂଗ୍ରେସର ୧୪୦ ବର୍ଷର ଗୌରବମୟ ଇତିହାସ ସତ୍ୟ, ଅହିଂସା, ତ୍ୟାଗ, ସଂଘର୍ଷ ଓ ଦେଶଭକ୍ତିର ଏକ ମହାନ ଗାଥାକୁ ଉପସ୍ଥାପନ କରେ।

କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ଭଦ୍ରା ‘ଏକ୍ସ’ରେ କହିଛନ୍ତି, “ଭାରତୀୟ ଜାତୀୟ

କଂଗ୍ରେସର ସ୍ଥାପନା ଦିବସ ଅବସରରେ ସମସ୍ତ ନେତା, କାର୍ଯ୍ୟକର୍ତ୍ତା ଓ କୋଟି କୋଟି ସମର୍ଥକଙ୍କୁ ଅଭିନନ୍ଦନ ଓ

ଶୁଭେଚ୍ଛା।”

କଂଗ୍ରେସ ନେତା ସଚିନ ପାଇଲଟ କହିଛନ୍ତି ଯେ କଂଗ୍ରେସ ଦଳ ସମ୍ବିଧାନିକ

ମୂଲ୍ୟବୋଧର ସୁରକ୍ଷା ଓ ଗଣତନ୍ତ୍ରକୁ ସୁଦୃଢ଼ କରିବା ପାଇଁ ସଂକଳ୍ପବଦ୍ଧ।

କଂଗ୍ରେସର ମହାସଚିବ କେ. ସି. ବେଣୁଗୋପାଳ କହିଛନ୍ତି ଯେ କଂଗ୍ରେସ

ଘୃଣା ଓ ବିଭାଜନର ଶକ୍ତିଗୁଡ଼ିକ ବିରୋଧରେ ଦୃଢ଼ଭାବେ ଠିଆ ହୋଇ ରହିଛି।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା