କୋଲକାତା, 30 ଡିସେମ୍ବର (ହି.ସ.)- କେନ୍ଦ୍ରୀୟ ଗୃହ ଓ ସହକାରିତା ମନ୍ତ୍ରୀ ଅମିତ ଶାହ ପଶ୍ଚିମବଙ୍ଗରେ ଅନୁପ୍ରବେଶ ପ୍ରସଙ୍ଗକୁ

ନେଇ ମମତା ସରକାରକୁ ଆକ୍ରମଣ କରିଛନ୍ତି। ସେ

କହିଛନ୍ତି ଯେ ଆଜି ବେଆଇନ ଅନୁପ୍ରବେଶ କେବଳ ପଶ୍ଚିମବଙ୍ଗର ଅସ୍ତିତ୍ୱ ପାଇଁ ହିଁ ନୁହେଁ,

ବରଂ

ଏହା ସମଗ୍ର ଦେଶର ସୁରକ୍ଷା ପାଇଁ ମଧ୍ୟ ଗୁରୁତର ବିପଦ ସୃଷ୍ଟି କରୁଛି। ସେ ଅଭିଯୋଗ କରିଛନ୍ତି

ଯେ ମମତା ବନାର୍ଜୀଙ୍କ ଶାସନକାଳରେ ଅନୁପ୍ରବେଶକୁ ଖୋଲା ମିଳିଛି,

ଯାହାର

ପରିଣାମ ସ୍ୱରୂପ ରାଜ୍ୟର ଜନସଂଖ୍ୟା ଗଠନ ଦ୍ରୁତ ଭାବେ ପରିବର୍ତ୍ତିତ ହେଉଛି।

ମଙ୍ଗଳବାର ଏଠାରେ ଏକ ସାମ୍ବାଦିକ ସମ୍ମିଳନୀରେ ଅମିତ ଶାହ କହିଥିଲେ ଯେ ବାଂଲାଦେଶ ସହ ଲାଗିଥିବା

ଆନ୍ତର୍ଜାତୀୟ ସୀମାରେ ଅନୁପ୍ରବେଶ ଲଗାତର ଚାଲିଛି, କିନ୍ତୁ କେନ୍ଦ୍ର

ସରକାରଙ୍କ ବାରମ୍ବାର ଅନୁରୋଧ ସତ୍ତ୍ୱେ ମଧ୍ୟ ପଶ୍ଚିମବଙ୍ଗ ସରକାର ସୀମାରେ ବାଡ଼ ଲଗାଇବା ପାଇଁ

ଜମି ଯୋଗାଇ ଦେଉନାହାନ୍ତି। ସେ ଅଭିଯୋଗ କରିଛନ୍ତି ଯେ ରାଜ୍ୟ ସରକାର ଜାଣିଶୁଣି ଏହା କରୁଛି,

ଯାହାଦ୍ୱାରା

ଅନୁପ୍ରବେଶ ଜାରି ରହିବ ଏବଂ ତାଙ୍କର ରାଜନୈତିକ ଆଧାର ଅତୁଟ ରହିବ।

ଗୃହମନ୍ତ୍ରୀ କହିଛନ୍ତି ଯେ ଏହି ପରିସ୍ଥିତି କେବଳ ପଶ୍ଚିମବଙ୍ଗ ପାଇଁ ନୁହେଁ,

ସମଗ୍ର

ଦେଶ ପାଇଁ ଗଭୀର ବିପଦରେ ପରିଣତ ହୋଇଛି। ସେ ସ୍ପଷ୍ଟ କରି କହିଛନ୍ତି ଯେ ପଶ୍ଚିମବଙ୍ଗ

ବିଧାନସଭାର ଆଗାମୀ ନିର୍ବାଚନରେ ଅନୁପ୍ରବେଶ ସବୁଠାରୁ ବଡ଼ ପ୍ରସଙ୍ଗ ହେବ। ଅମିତ ଶାହ ଦାବି

କରିଛନ୍ତି ଯେ ଯଦି ପଶ୍ଚିମବଙ୍ଗରେ ଭାରତୀୟ ଜନତା ପାର୍ଟିର ସରକାର ଗଠିତ ହୁଏ,

ତେବେ

ବାଂଲାଦେଶ ସହ ଲାଗିଥିବା ଆନ୍ତର୍ଜାତୀୟ ସୀମାକୁ ସମ୍ପୂର୍ଣ୍ଣ ଭାବେ ସୁରକ୍ଷିତ କରାଯିବ। ଏଠାରେ

ବେଆଇନ ଭାବେ ରହୁଥିବା ଅନୁପ୍ରବେଶମାନଙ୍କୁ ଚିହ୍ନଟ କରି ସେମାନଙ୍କୁ ତାଙ୍କ ଦେଶକୁ ପଠାଇ

ଦିଆଯିବ।

---------------

ହିନ୍ଦୁସ୍ଥାନ ସମାଚାର / ସ୍ୱାଗତିକା