ନୂଆଦିଲ୍ଲୀ, 30 ଡିସେମ୍ବର (ହି.ସ.)- ଦେଶର ରାଜଧାନୀ ଇନ୍ଦିରା ଗାନ୍ଧୀ ଇଣ୍ଟରନ୍ୟାସନାଲ (ଆଇଜିଆଇ) ବିମାନବନ୍ଦରରେ
କୁହୁଡ଼ି କାରଣରୁ ସୃଷ୍ଟି ହୋଇଥିବା ସମସ୍ୟା ପରେ, ଭିଜିବିଲିଟି ଭଲ ହେବା ସହ
ଆଜି ଫ୍ଲାଇଟ୍ ଚଳାଚଳ ସୁଚାରୁ ଭାବେ ଚାଲୁଛି।
ଇନ୍ଦିରା ଗାନ୍ଧୀ ଇଣ୍ଟରନ୍ୟାସନାଲ ବିମାନବନ୍ଦରର ପରିଚାଳକ ଦିଲ୍ଲୀ ଇଣ୍ଟରନ୍ୟାସନାଲ
ଏୟାରପୋର୍ଟ ଲିମିଟେଡ୍ (ଡାଏଲ) ଏକ ବିବୃତିରେ କହିଛି ଯେ ଭିଜିବିଲିଟି ଉନ୍ନତ ହେବା ପରେ ଆଇଜିଆଇ
ବିମାନବନ୍ଦରରେ ଫ୍ଲାଇଟ୍ ଅପରେସନ ସାଧାରଣ ଭାବେ ଚାଲୁଛି।
ଡାଏଲ ଯାତ୍ରୀମାନଙ୍କ ପାଇଁ ଜାରି କରିଥିବା ଆଡଭାଇଜରିରେ ଆଶ୍ୱସ୍ତି ଦେଇଛି ଯେ
ଯାତ୍ରୀମାନଙ୍କୁ ସହଯୋଗ କରିବା ଓ ଆବଶ୍ୟକ ସାହାଯ୍ୟ ଯୋଗାଇବା ପାଇଁ ବିମାନବନ୍ଦରର ସମସ୍ତ
ଟର୍ମିନାଲରେ ଗ୍ରାଉଣ୍ଡ ଷ୍ଟାଫ୍ ଉପସ୍ଥିତ ଅଛନ୍ତି।
ଡାଏଲ କହିଛି ଯେ ସହରରେ ପୂର୍ବରୁ ଥିବା ଘନ କୁହୁଡ଼ି ପରେ ଭିଜିବିଲିଟି ଭଲ ହେବାରୁ
ଫ୍ଲାଇଟ୍ ଅପରେସନ ସୁଚାରୁ ଭାବେ ଚାଲୁଛି। ଯାତ୍ରୀମାନଙ୍କୁ ଜାରି କରାଯାଇଥିବା ଏଡଭାଇଜରିରେ
ପରାମର୍ଶ ଦିଆଯାଇଛି ଯେ ସେମାନେ ସବୁଠାରୁ ନୂଆ ଫ୍ଲାଇଟ୍ ସ୍କେଜୁଲ୍ ପାଇଁ ନିଜ-ନିଜ
ଏୟାରଲାଇନ୍ସ ସହିତ ସମ୍ପର୍କ କରନ୍ତୁ।
ଏହା ପୂର୍ବରୁ ଦିଲ୍ଲୀରେ ଘନ କୁହୁଡ଼ି କାରଣରୁ ଇନ୍ଦିରା ଗାନ୍ଧୀ ଇଣ୍ଟରନ୍ୟାସନାଲ
ବିମାନବନ୍ଦରରେ ଗୁରୁତର ସମସ୍ୟା ସୃଷ୍ଟି ହୋଇଥିଲା, ଯାହା ଫଳରେ ଅନେକ ଫ୍ଲାଇଟ୍
ବିଳମ୍ବରେ ଚାଲିଥିଲା ଏବଂ କେତେକ ଫ୍ଲାଇଟ୍ ବାତିଲ ହୋଇଯାଇଥିଲା।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
