ଅଯୋଧ୍ୟା, 31 ଡିସେମ୍ବର (ହି.ସ.)- ଦିବ୍ୟ ଏବଂ ଭବ୍ୟ ଶ୍ରୀରାମ ଜନ୍ମଭୂମି ମନ୍ଦିରରେ ପ୍ରତିଷ୍ଠା ଦ୍ୱାଦଶୀ ଅବସରରେ
ଆଜି ଶ୍ରୀରାମ ଲଲାଙ୍କ ଅଭିଷେକ କରାଯିବ। ଏହି ବିଶେଷ ଧାର୍ମିକ ଅନୁଷ୍ଠାନରେ ରକ୍ଷାମନ୍ତ୍ରୀ
ରାଜନାଥ ସିଂହ ଓ ଉତ୍ତର ପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଯୋଗଦେବେ। ରକ୍ଷାମନ୍ତ୍ରୀ
ପୂର୍ବାହ୍ନ ୧୧ଟାରେ ଏଠାରେ ପହଞ୍ଚିବେ ଏବଂ ମନ୍ଦିର ପରିସରରେ ପ୍ରାୟ ଚାରି ଘଣ୍ଟା ଧରି
ଅନୁଷ୍ଠାନରେ ଅଂଶଗ୍ରହଣ କରିବେ।
ପ୍ରତିରକ୍ଷାମନ୍ତ୍ରୀ ପରକୋଟାରେ ନିର୍ମିତ ଅନ୍ନପୂର୍ଣ୍ଣା ମନ୍ଦିରର ଶିଖରରେ ଧ୍ୱଜାରୋହଣ
ମଧ୍ୟ କରିବେ। ଭବ୍ୟ ମନ୍ଦିରରେ ଶ୍ରୀରାମ ଲଲାଙ୍କ ପ୍ରାଣ ପ୍ରତିଷ୍ଠାର ଦ୍ୱିତୀୟ ବାର୍ଷିକୀ
ଧୁମଧାମରେ ପାଳନ କରାଯାଉଛି। ଆଜି ଯଜ୍ଞ, ହୋମ ଓ ପୂଜାର ପାରମ୍ପରିକ ବିଧିବିଧାନ
ସମ୍ପନ୍ନ ହେବ।
ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ଓ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ସହ ସନ୍ଥ-ମହାତ୍ମା,
ଧର୍ମାଚାର୍ଯ୍ୟ
ଓ ବହୁ ସଂଖ୍ୟାରେ ଶ୍ରଦ୍ଧାଳୁମାନେ ଏହି ଐତିହାସିକ କ୍ଷଣର ସାକ୍ଷୀ ହେବେ। ଅନୁଷ୍ଠାନରେ
ଅଂଶଗ୍ରହଣ କରିବା ପରେ ସିଂହ ଅଙ୍ଗଦ ଟିଲା ପରିସରରେ ଆୟୋଜିତ ସମାରୋହକୁ ସମ୍ବୋଧନ କରିବେ। ସେ ଦ୍ୱିପହର
୩ଟା ୨୦ ମିନିଟରେ ଅୟୋଧ୍ୟାରୁ ପ୍ରତ୍ୟାବର୍ତ୍ତନ କରିବେ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
31 Dec 2025
