ବଦ୍ରିନାଥ ବର୍ମା
ନୂଆଦିଲ୍ଲୀ, 27 ମେ (ହି.ସ.)- ହିନ୍ଦୁ ସ୍ତ୍ରୀମାନେ ଯେଉଁ ସିନ୍ଦୂରକୁ ସଧବାର ପ୍ରତୀକ ଭାବେ ପିନ୍ଧନ୍ତି,
ସେହି
ସିନ୍ଦୂର ଯେତେବେଳେ ବାରୁଦ ବନିଯାଏ, ସେତେବେଳେ ଶତ୍ରୁଙ୍କୁ ଆଣ୍ଠେଇବାକୁ
ବାଧ୍ୟ କରିଦିଏ। ଏହା ପୂରା ବିଶ୍ୱ ଦେଖିଛି । ପହେଲଗାମରେ 26 ଜଣ ସ୍ତ୍ରୀଙ୍କର ସିନ୍ଦୂର ପୋଛି
ନେଇଥିବା ଦୁଷ୍ଟମାନେ ଏଭଳି ଶିକ୍ଷା ପାଇଛନ୍ତି ଯାହା ତାଙ୍କର ଆଗାମୀ ପିଢିମାନେ ମଧ୍ୟ ଥରିବେ। 'ଅପରେସନ୍ ସିନ୍ଦୂର'
ମାଧ୍ୟମରେ
ପାକିସ୍ତାନ୍ର ପ୍ରତ୍ୟେକ ଅଣୁକୁ ଦେଶର ସଧବାମାନେ ପିନ୍ଧୁଥିବା ସିନ୍ଦୂରର ବାସ୍ତବ ମୂଲ୍ୟ
ବୁଝାଇଦେବା ପରେ, ପ୍ରଥମ ଥର ପାଇଁ ଗୁଜରାଟର ଭୁଜ୍ ଅଞ୍ଚଳରେ ପହଞ୍ଚିଥିବା
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ 1971 ମସିହାର ବୀରଙ୍ଗନାମାନେ ଉତ୍ସାହପୂର୍ଣ୍ଣ ସ୍ବାଗତ
କରିଥିଲେ। ଏହି ବୀରଙ୍ଗନାମାନେ ସେହି ସ୍ତ୍ରୀମାନେ ଥିଲେ, ଯେଉଁମାନେ
ଭାରତ-ପାକିସ୍ତାନ ଯୁଦ୍ଧ ସମୟରେ ଭୁଜରେ ଥିବା ଭାରତୀୟ ବାୟୁସେନାର କ୍ଷତିଗ୍ରସ୍ତ ରନୱେକୁ ମାତ୍ର
72 ଘଣ୍ଟା ମଧ୍ୟରେ ପୁନଃନିର୍ମାଣ କରି ସେନାକୁ ସହଯୋଗ କରିଥିଲେ।
ଭୁଜର ମାଧାପରାରେ ରହୁଥିବା ବୀରାଙ୍ଗନାମାନେ କେବଳ ପ୍ରଧାନମନ୍ତ୍ରୀଙ୍କୁ ସ୍ୱାଗତ କରିନାହାନ୍ତି
, ସେଠାରେ ତାଙ୍କୁ ହୃଦୟପୂର୍ଣ୍ଣ ଆଶୀର୍ବାଦ ମଧ୍ୟ ଦେଇଛନ୍ତି । ‘ଅପରେସନ୍ ସିନ୍ଦୂର’ର ସଫଳତାରେ ଆନନ୍ଦିତ
ମାଧାପାରାର ଏହି ବୀରାଙ୍ଗନାମାନେ ପ୍ରଧାନମନ୍ତ୍ରୀ ମୋଦୀଙ୍କୁ ସିନ୍ଦୂର ଗଛର ଏକ ଚାରା ମଧ୍ୟ
ଉପହାର ଭାବରେ ଦେଇଛନ୍ତି । ପ୍ରଧାନମନ୍ତ୍ରୀ ଏହି ଉପହାରକୁ ସ୍ୱୀକାର କରି ବୀରାଙ୍ଗନାମାନଙ୍କୁ
କହିଛନ୍ତି ଯେ ସେ ଏହି ଗଛଟିକୁ ପ୍ରଧାନମନ୍ତ୍ରୀ ଆବାସରେ ଲାଗାଇବେ। ଏହି ଗଛ ବର ଗଛ ପରି ସର୍ବଦା
ପ୍ରଧାନମନ୍ତ୍ରୀ ଆବାସରେ ରହିବ ।
ସିନ୍ଦୂର ଗଛ ଉପହାର ଦେଇଥିବା ବୀରାଙ୍ଗନାମାନଙ୍କ ମଧ୍ୟରେ କାନବାଇ ହିରାଣୀ (80),
ଶ୍ୟାମବାଇ
ଖୋଖଣୀ (83), ଲାଲବାଇ ଭୂରିଆ (82) ଓ ସାମୁ ଭଣ୍ଡେରୀ (75) ସାମିଲ ଥିଲେ। ସେମାନେ
ମାଧାପାରାର 300 ଜଣ ସ୍ୱୟଂସେବୀ ମହିଳାଙ୍କ ସହ ମିଶି 1971 ମସିହାରେ ପାକିସ୍ତାନୀ ବୋମା
ବର୍ଷଣରେ କ୍ଷତିଗ୍ରସ୍ତ ଭୁଜ୍ ଏୟାରବେସ୍ର ରନୱେକୁ 72 ଘଣ୍ଟା ଠାରୁ କମ୍ ସମୟ ମଧ୍ୟରେ ପୁନଃ
ନିର୍ମାଣ କରିଥିଲେ। ଏହାପରେ ସେହି ରନୱେରୁ ଭାରତୀୟ ବାୟୁସେନାର ଯୁଦ୍ଧବିମାନଗୁଡିକ ଉଡ଼ାଣ ଭରି
ପାକିସ୍ତାନକୁ ଧୂଳି ଚଟାଇଥିଲେ।
ହିନ୍ଦୁ ଧର୍ମରେ ପ୍ରତ୍ୟେକ ସଧବା ମହିଳା ପାଇଁ ସିନ୍ଦୂର ଏକ ଗୁରୁତ୍ୱପୂର୍ଣ୍ଣ ଶୃଙ୍ଗାର। ମଥାରେ
ଲାଗିବା ପୂର୍ବରୁ ସିନ୍ଦୂର ଏକ ଦୀର୍ଘ ଯାତ୍ରା କଟାଇଥାଏ । ସଧବାମାନେ ପିନ୍ଧୁଥିବା ଏହି
ଶୃଙ୍ଗାର ଏକ ବିଶେଷ ପ୍ରକାରର ଗଛର ବୀଜରୁ ତିଆରି ହୋଇଥାଏ । ସିନ୍ଦୂରର ଏହି ଯାତ୍ରାର କାହାଣୀ
ବହୁତ ଆକର୍ଷଣୀୟ। ସିନ୍ଦୂର ଗଛକୁ ଇଂରାଜୀରେ କୁମକୁମ ଟ୍ରି କିମ୍ବା କମିଲା
ଟ୍ରି ବୋଲି କୁହାଯାଏ। ଏହା ମେଲୋଟସ୍ ଫିଲିପେନ୍ସିସ୍ ନାମକ ସ୍ପର୍ଜ ପରିବାରର ଏକ ଗଛ।
ଏହି ଗଛରେ ଚଟକା ଲାଲ ରଙ୍ଗର ଫଳ ହୁଏ, ଯେଉଁଥିରୁ ପାଉଡ଼ର ଏବଂ ତରଳ ଆକାରରେ
ସିନ୍ଦୂର କିମ୍ବା ଲିପଷ୍ଟିକ ତିଆରି ହୁଏ । ସିନ୍ଦୂରର ଏହି ଗଛ ସାଧାରଣ ନୁହେଁ,
ବହୁତ
ବିଶେଷ। ଏହି ଗଛ ସବୁ ସ୍ଥାନରେ ନଥାଏ, କେବଳ କିଛି ବିଶେଷ ଅଞ୍ଚଳରେ ଏହା
ଦେଖାଯାଏ। ମହାରାଷ୍ଟ୍ର, ଗୁଜରାଟ ଏବଂ ହିମାଚଳର କିଛି ବଛାବଛା
ଅଞ୍ଚଳରେ ଏହି ଗଛ ଦେଖାଯାଏ । ଏହା ଯଥେଷ୍ଟ ପରିମାଣରେ ଦକ୍ଷିଣ ଆମେରିକାରେ ମଧ୍ୟ ମିଳିଥାଏ।
ଅନ୍ୟ ଉଦ୍ଭିଦମାନଙ୍କ ପରି, ସିନ୍ଦୂର ଗଛ ମଧ୍ୟ ଏକ ଏପରି ପ୍ରକାରର ଗଛ
ଯାହାର ଫଳରୁ ସିନ୍ଦୂର ହୋଇଥାଏ । ଏହାକୁ ଲିକ୍ୱିଡ୍ ଲିପଷ୍ଟିକ୍ ଟ୍ରି ବୋଲି
ମଧ୍ୟ କୁହାଯାଏ। ସିନ୍ଦୂର ଗଛ ସାଧାରଣତଃ 20 ଠାରୁ 25 ଫୁଟ୍ ଉଚ୍ଚତାର ହୋଇଥାଏ । ଏହି ଗଛର
ଫଳରୁ ବାହାରୁଥିବା ଚଟକା ଲାଲ ରଙ୍ଗର ବୀଜଗୁଡିକୁ ବାଟିକରି ଏକ ପ୍ରାକୃତିକ ସିନ୍ଦୂର ତିଆରି
କରାଯାଏ। ଏହାକୁ ତିଆରି କରୁଥିବା ବ୍ୟକ୍ତିଙ୍କୁ କିଛି କ୍ଷତି ହୁଏ ନାହିଁ ଓ ଏହି ସିନ୍ଦୂର ମଥାରେ
ଲଗାଉଥିବା ମହିଳାମାନଙ୍କ ପାଇଁ ମଧ୍ୟ କୌଣସି ଅପ୍ରତିକୂଳ ପ୍ରଭାବ ହୁଏ ନାହିଁ। କମିଲା ଗଛରେ ଫଳ
ଗୋଛାରେ ଫଳିଥାଏ , ଯେଉଁଗୁଡିକ ପ୍ରଥମେ ସବୁଜ ରଙ୍ଗର ହୋଇଥାଏ,
କିନ୍ତୁ
ପରେ ଲାଲ ରଙ୍ଗରେ ପରିଣତ ହୋଇଥାଏ। ଏହି ଫଳଗୁଡିକର ଭିତରେ ଥିବା ସିନ୍ଦୂର ଛୋଟ-ଛୋଟ ଦାନାର
ଆକାରରେ ଥାଏ, ଯାହାକୁ ବାଟି ଏବଂ କୌଣସି ଅନ୍ୟ ଦ୍ରବ୍ୟ ମିଶାଇ ସିଧାସଳଖ ଭାବେ
ବ୍ୟବହାର କରାଯାଇପାରେ। ଏହି ସିନ୍ଦୂର ଶୁଦ୍ଧ ଓ ସ୍ୱାସ୍ଥ୍ୟ ପାଇଁ ବହୁତ ଉପକାରୀ। ଏହାର କୌଣସି
ପାର୍ଶ୍ୱ ପ୍ରଭାବନାହିଁ। ସିନ୍ଦୂରର ବ୍ୟବହାର କେବଳ ମଥା
ଭରିବା ପାଇଁ ନୁହେଁ, ବରଂ ଖାଦ୍ୟ ପଦାର୍ଥଗୁଡ଼ିକୁ ଲାଲ ରଙ୍ଗ କରିବା ପାଇଁ ମଧ୍ୟ ବ୍ୟବହାର
କରାଯାଏ।
ଏତିକି ନୁହେଁ, ବହୁତ ଔଷଧରେ ମଧ୍ୟ ଏହାର ବ୍ୟବହାର କରାଯାଏ। ଏହାକୁ ଲିପଷ୍ଟିକ୍,
ହେୟାର
ଡାଇ, ନେଲ ପଲିଶ ଇତ୍ୟାଦି ଧାରଣା ସାମଗ୍ରୀରେ ବ୍ୟବହାର କରାଯାଏ।
ବାଣିଜ୍ୟିକ କ୍ଷେତ୍ରରେ ଏହି ଗଛର ବ୍ୟବହାର ରେଡ୍ ଇଙ୍କ୍ , ପେଣ୍ଟ ଓ ସାବୁନ ତିଆରି
ପାଇଁ କରାଯାଏ। ଯେଉଁଠାରେ ଲାଲ ରଙ୍ଗ ଦ୍ରବ୍ୟ ଦରକାର, ସେଠାରେ ଏହି ଗଛ ଉପଯୋଗୀ
ହୁଏ।
ଆଫ୍ରିକାନ୍ ଜର୍ଣ୍ଣାଲ ଅଫ୍ ବାୟୋମେଡିକାଲ ରିସର୍ଚ୍ଚରେ ପ୍ରକାଶିତ ଏକ ଗବେଷଣା ଅନୁଯାୟୀ,
ଏହି
ଗଛରେ ଏଣ୍ଟି-ବ୍ୟାକ୍ଟିରିଆଲ ଓ ଏଣ୍ଟି-ଫଙ୍ଗଲ ଗୁଣ ଥାଏ। ଏହାର ଚିକିତ୍ସାଗତ ଉପଯୋଗ ସମ୍ବନ୍ଧୀୟ
ଏକ ସମୀକ୍ଷା ପ୍ରତିବେଦନରେ ଜଣାପଡ଼ିଛି ଯେ ଏହି ଗଛର ବୀଜରୁ ପ୍ରାକୃତିକ ରଙ୍ଗ ବିକ୍ସିନ୍ ମିଳେ,
ଯାହା
ଖାଦ୍ୟ, ଔଷଧ, କସମେଟିକ୍ ଏବଂ ପୋଷାକ ଶିଳ୍ପରେ ବ୍ୟାପକ
ଭାବରେ ବ୍ୟବହୃତ ହୁଏ।
ଏହି ଗଛର ବିଭିନ୍ନ ଅଂଶ, ଯଥା ପତ୍ର,
ଫଳ ଝାଡା, ଜ୍ୱର,
ଚର୍ମ
ରୋଗ ଓ ଅନ୍ୟାନ୍ୟ ସ୍ୱାସ୍ଥ୍ୟ ସମସ୍ୟାରେ ଉପଚାର ହିସାବରେ ବ୍ୟବହୃତ ହୁଏ। ଯଦିଓ କୃତ୍ରିମ
ସିନ୍ଦୂର ହଳଦୀ, ଚୂନା ଓ ପାରଦକୁ ନିର୍ଦ୍ଧିଷ୍ଟ ଅନୁପାତରେ ମିଶାଇ ପ୍ରସ୍ତୁତ କରାଯାଏ,
କିନ୍ତୁ
ପ୍ରାକୃତିକ ସିନ୍ଦୂର ପ୍ରକୃତି ଦ୍ୱାରା ପ୍ରଦତ୍ତ ଏକ ଅମୂଲ୍ୟ ଉପହାର ଅଟେ ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
