୨୦୩୬ ସୁଦ୍ଧା ସ୍ଥିର ଏବଂ ନାଗରିକ-କୈନ୍ଦ୍ରିକ ସହର ନିର୍ମାଣ ପାଇଁ ବୁଝାମଣାପତ୍ର ସ୍ୱାକ୍ଷରିତ

ଭୁବନେଶ୍ୱର, ୨୮ ମଇ (ହି.ସ.)- ଓଡ଼ିଶାରେ ସହର ବିକାଶର ଭବିଷ୍ୟତକୁ ପୁନଃପରିଭାଷିତ କରିବା ଦିଗରେ ଏକ ଐତିହାସିକ ପଦକ୍ଷେପ ସ୍ୱରୂପ, ଗୃହ ଏବଂ ନଗର ଉନ୍ନୟନ ବିଭାଗ ଆଜି ଅଙ୍କୁର - ଅଟଳ ନେଟୱାର୍କ ଫର ନଲେଜ୍‌, ସହରୀକରଣ ଏବଂ ସଂସ୍କାର ଆରମ୍ଭ କରିଛି। ଏହା ରାଜ୍ୟ ସାରା ଅନ୍ତର୍ଭୁକ୍ତ, ସ୍ଥାୟୀ ଏବଂ ଅଭିନବ ସହର ବିକାଶକୁ ଗଢି ତୋଳିବା ପାଇଁ ଏକ ରଣନୈତିକ ପଦକ୍ଷେପ।

ଗୃହ ଓ ନଗର ଉନ୍ନୟନ ବିଭାଗ ବିଭାଗ ଏବଂ ସହର ବିକାଶ ଇକୋସିଷ୍ଟମରେ କାର୍ଯ୍ୟ କରୁଥିବା ଛଅଟି ପ୍ରମୁଖ ଅନୁଷ୍ଠାନ ଏବଂ ସଂଗଠନ ମଧ୍ୟରେ ବୁଝାମଣାପତ୍ର ସ୍ୱାକ୍ଷରିତ ହୋଇଥିଲା।

ଗୃହ ଏବଂ ନଗର ଉନ୍ନୟନ ମନ୍ତ୍ରୀ ଡକ୍ଟର କୃଷ୍ଣ ଚନ୍ଦ୍ର ମହାପାତ୍ର ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ। ଏହି ଅବସରରେ ଡକ୍ଟର ମହାପାତ୍ର କହିଥିଲେ ଯେ “ଅଙ୍କୁର” ଏକ ସାମୂହିକ ପ୍ରତିଶ୍ରୁତିକୁ ପ୍ରତିନିଧିତ୍ୱ କରେ - ଦକ୍ଷ, ସ୍ମାର୍ଟ ଏବଂ ସର୍ବୋପରି ନାଗରିକ-କୈନ୍ଦ୍ରିକ ସହର ନିର୍ମାଣ କରିବା। ଏହା ବିକଶିତ ଓଡ଼ିଶା ଆଡ଼କୁ ଏକ ଆନ୍ଦୋଳନ, ଯାହା ସମ୍ପ୍ରଦାୟ, ଅନୁଷ୍ଠାନ ଏବଂ ସରକାରଙ୍କ ଦ୍ୱାରା ସହଭାଗୀ ।”

ଗୃହ ଓ ନଗର ଉନ୍ନୟନ ବିଭାଗ ପ୍ରମୁଖ ସଚିବ ଶ୍ରୀମତୀ ଉଷା ପାଢୀ ସ୍ୱାଗତ ଭାଷଣରେ ଆଜି ଆରମ୍ଭ ହେବାକୁ ଥିବା କାର୍ଯ୍ୟକ୍ରମ ଉପରେ ଆଲୋକପାତ କରିଥିଲେ। ସେ କହିଥିଲେ ଯେ ଅଙ୍କୁରର ଉତ୍ପତ୍ତି ଗୋଟିଏ ମୁହୂର୍ତ ନୁହେଁ, ବରଂ ପ୍ରତିଫଳନ, ଆଲୋଚନା ଏବଂ ସହଯୋଗର ଏକ ଶୃଙ୍ଖଳା ଥିଲା। ଏହା ଆମ ବିଭାଗ ମଧ୍ୟରେ ଏକ ବର୍ଦ୍ଧିତ ଅନୁଭବରୁ ଜନ୍ମ ନେଇଛି - ଯେ ଓଡ଼ିଶାରେ ସହରୀକରଣର ଗତି ଏବଂ ଜଟିଳତା ପାଇଁ ନୂତନ ଚିନ୍ତାଧାରା, ନୂତନ ସହଭାଗୀତା ଏବଂ ନୂତନ ପ୍ଲାଟଫର୍ମ ଆବଶ୍ୟକ। ଗତ ବର୍ଷ ଧରି, ଦେଶ ଏବଂ ବାହାରର ବିଶେଷଜ୍ଞ, ଅଭ୍ୟାସକାରୀ ଏବଂ ସଂସ୍ଥା ସହିତ ଆଭ୍ୟନ୍ତରୀଣ ପରାମର୍ଶ ଏବଂ ସମ୍ପର୍କ ମାଧ୍ୟମରେ, ଏକ ଦୃଷ୍ଟିକୋଣ ରୂପ ନେବା ଆରମ୍ଭ କରିଛି। ଅଙ୍କୁର ସେହି ପ୍ରଶ୍ନଗୁଡ଼ିକର ଉତର ଭାବରେ ଉଭା ହୋଇଛି - ସମାଧାନ ସହ-ସୃଷ୍ଟି କରିବା, ନବସୃଜନକୁ ପ୍ରତିଷ୍ଠା କରିବା ଏବଂ ଆଗାମୀ ଦଶନ୍ଧିର ସହରାଞ୍ଚଳ ବିକାଶରେ ଆମକୁ ନେଇପାରିବା ସହଭାଗୀତାକୁ ବଜାୟ ରଖିବା ପାଇଁ ଏକ ପ୍ଲାଟଫର୍ମ।

ଯେହେତୁ ୨୦୩୬ ସୁଦ୍ଧା ଓଡ଼ିଶାର ସହରାଂଚଳ ଜନସଂଖ୍ୟା ତିନିଗୁଣ ବୃଦ୍ଧି ପାଇବାର ଆକଳନ କରାଯାଇଛି, ଇଘକଟଜ କୁ ସ୍ଥିର, ବାସଯୋଗ୍ୟ ଏବଂ ଭବିଷ୍ୟତ ପାଇଁ ପ୍ରସ୍ତୁତ ସହରଗୁଡ଼ିକୁ ସହ-ସୃଷ୍ଟି କରିବା ପାଇଁ ଏକ ପରିବର୍ତନକାରୀ ପ୍ଲାଟଫର୍ମ ଭାବରେ କଳ୍ପନା କରାଯାଇଛି। ସହଯୋଗୀ ଶାସନର ମୂଲ୍ୟବୋଧରେ ଆବଦ୍ଧ, ଇଘକଟଜ ବିକଶିତ ଭାରତର ଜାତୀୟ ଆକାଂକ୍ଷା ସହିତ ସମନ୍ୱିତ। ଓଡ଼ିଶାର ଅନନ୍ୟ ସାମାଜିକ-ଆର୍ôଥକ ଏବଂ ସହରାଞ୍ଚଳ ପରିପ୍ରେକ୍ଷୀରେ ପ୍ରତିକ୍ରିୟା ଦେଇ.,ଏହା ସହରାଞ୍ଚଳ ବିକାଶର ଚାରୋଟି ରଣନୈତିକ ସ୍ତମ୍ଭକୁ ମଜବୁତ କରିବ - କ୍ଷମତା ନିର୍ମାଣ, ଜ୍ଞାନ ଏବଂ ଗବେଷଣା, କାର୍ଯ୍ୟାନ୍ୱୟନ ସମର୍ଥନ ଏବଂ ନବସୃଜନ।

ଏହା ସହିତ, ସରକାର ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଅର୍ବାନ୍ ଆଫେୟାର୍ସ, ଟାଟା ଷ୍ଟିଲ୍ ଫାଉଣ୍ଡେସନ୍‌, ୱାର୍ଲ୍ଡ ରିସୋର୍ସସ୍ ଇନଷ୍ଟିଚ୍ୟୁଟ୍ ଏବଂ ଓଡ଼ିଶାର ସହରାଂଚଳ ବିକାଶରେ ଗୁରୁତ୍ୱପୂର୍ଣ୍ଣ ଅବଦାନ ରଖିଥିବା ଅନ୍ୟାନ୍ୟ ସଂଗଠନଗୁଡ଼ିକର ଦୀର୍ଘକାଳୀନ ସମର୍ଥନକୁ ସ୍ୱୀକାର କରିଛନ୍ତି।

ଇଘକଟଜ ଓଡ଼ିଶାର ସହରାଞ୍ଚଳ ସଂସ୍କାର ଏଜେଣ୍ଡାର ସ୍ନାୟୁ କେନ୍ଦ୍ର ହେବାକୁ ପ୍ରସ୍ତୁତ। ବିକେନ୍ଦ୍ରୀକରଣ, ଅନ୍ତର୍ଭୁକ୍ତି ଏବଂ ଜ୍ଞାନ-ନେତୃତ୍ୱାଧୀନ କାର୍ଯ୍ୟ ପ୍ରତି ପ୍ରତିବଦ୍ଧତା ସହିତ, ଏହି ପଦକ୍ଷେପ ସହରାଞ୍ଚଳ ସହଭାଗୀତାର ଏକ ନୂତନ ଯୁଗକୁ ପ୍ରୋତ୍ସାହିତ କରିବ - ଏହା ନିଶ୍ଚିତ କରିବ ଯେ କୌଣସି ସହର ଏବଂ କୌଣସି ନାଗରିକ ପଛରେ ରହିବେ ନାହିଁ।

ବିଭାଗର ବରିଷ୍ଠ ଅଧିକାରୀ ଏବଂ ପ୍ରମୁଖ ଜାତୀୟ ଏବଂ ଆନ୍ତର୍ଜାତୀୟ ଅଂଶୀଦାରମାନେ ଖାରବେଳଭବନ ୮ମ ମହଲା ସମ୍ମିଳନୀ କକ୍ଷରେ ଅନୁଷ୍ଠିତ ଏମଓୟୁ ସ୍ୱାକ୍ଷର ସମାରୋହରେ ଉପସ୍ଥିତ ଥିଲେ।

---------------

ହିନ୍ଦୁସ୍ଥାନ ସମାଚାର / ବନ୍ଦନା