ଗ୍ୟାଙ୍ଗଟକ, 29 ମେ (ହି.ସ.)- ସିକ୍କିମର
ରାଜ୍ୟପାଳ ଓମ୍ ପ୍ରକାଶ ମାଥୁର ଓ ମୁଖ୍ୟମନ୍ତ୍ରୀ ପ୍ରେମ ସିଂହ ତାମାଙ୍ଗ ଗୁରୁବାର ରାଜଧାନୀର
ପାଲ୍ଜୋର ଷ୍ଟାଡିୟମରେ ଆୟୋଜିତ ସମାରୋହରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ପକ୍ଷରୁ ୫୦
ଟଙ୍କାର ଗୋଟିଏ ରୌପ୍ୟ ମୁଦ୍ରା ଓ ଗୋଟିଏ ସ୍ମାରକ ଡାକ ଟିକେଟ୍ ଜାରି କରିଛନ୍ତି । ଏହି ଅବସରରେ
ଲୋକସଭା ସାଂସଦ ଡ଼ା. ଇନ୍ଦ୍ରହାଙ୍ଗ ସୁବ୍ବା ଓ ରାଜ୍ୟସଭା ସାଂସଦ ଡି.ଟି. ଲେପ୍ଚା ମଧ୍ୟ
ଉପସ୍ଥିତ ଥିଲେ।
ସିକ୍କିମ ରାଜ୍ୟ ଗଠନର
ସୁଵର୍ଣ୍ଣ ଜୟନ୍ତୀ ଅବସରରେ ଜାରି ସ୍ମାରକ ଡାକ ଟିକେଟ୍ରେ ସିକ୍କିମର ପ୍ରାକୃତିକ ଭବ୍ୟତା, ସାଂସ୍କୃତିକ ସମୃଦ୍ଧି ଓ ପରିବେଶ ସଚେତନତାର ସାର ଅନ୍ତର୍ଭୁକ୍ତ ଅଛି।
ଏହି ସ୍ମାରକ ଡାକ ଟିକେଟ୍ ଓ ରୌପ୍ୟ ମୁଦ୍ରା ଅନାବରଣ ସିକ୍କିମର ଗଣତାନ୍ତ୍ରିକ ଏକତା, ସାଂସ୍କୃତିକ ଗୌରବ ଓ ସାମାଜିକ-ଆର୍ଥିକ ଉନ୍ନତିର ପାଞ୍ଚ ଦଶନ୍ଧିର
ଯାତ୍ରାକୁ ଦର୍ଶାଇଥାଏ । ଏହି ଟିକେଟ୍ରେ ସିକ୍କିମର ସୁନ୍ଦର ପାହାଡ଼, ପବିତ୍ର ପରିବେଶ ଓ ଏଠାରେ ଥିବା ଲୋକମାନଙ୍କର ବିବିଧତାର
ପ୍ରତୀକାତ୍ମକ ଉପାଦାନ ଅନ୍ତର୍ଭୁକ୍ତ ଅଛି, ଯାହା ଏହି ରାଜ୍ୟର ଭାବନାକୁ ପ୍ରଦର୍ଶିତ କରେ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା