ବେଙ୍ଗାଲୁରୁ (କର୍ଣ୍ଣାଟକ), ମଇ ୩୧ (ହିସ)- କର୍ଣ୍ଣାଟକର କିଛି ଅଂଶ ବର୍ତମାନ ପ୍ରବଳ ବର୍ଷା ଏବଂ ଭୂସ୍ଖଳନ କବଳରେ ଅଛି। ଏହି ସମୟରେ ଗଛ ମଧ୍ୟ ଉପୁଡି ପଡ଼ିବାରେ ଲାଗିଛି। ଏହି କାରଣରୁ ଯାତାୟାତ ପ୍ରଭାବିତ ହେଉଛି। ଏହି ସମୟରେ, ଶୁକ୍ରବାର ଦିନ ଦକ୍ଷିଣ କନ୍ନଡ ଜିଲ୍ଲାରେ ଭୂସ୍ଖଳନ ଯୋଗୁଁ ଏକ ଘର ଭୁଶୁଡ଼ି ପଡ଼ିବା ଫଳରେ ଦୁଇଜଣଙ୍କ ମୃତ୍ୟୁ ହୋଇଛି।
ଜାତୀୟ ବିପର୍ଯ୍ୟୟ ପ୍ରତିକ୍ରିୟା ବାହିନୀ (ଏନଡିଆରଏଫ୍) ଅଗ୍ନିଶମ ବିଭାଗ, ରାଜ୍ୟ ବିପର୍ଯ୍ୟୟ ପ୍ରତିକ୍ରିୟା ବାହିନୀ (ଏସଡିଆରଏଫ୍) ଏବଂ ଅଧିକାରୀଙ୍କ ସହିତ ଏକ ମିଳିତ ଉଦ୍ଧାର କାର୍ଯ୍ୟ କରିଥିଲା। ଉଦ୍ଧାର କାର୍ଯ୍ୟ ସମୟରେ ଦୁଇ ଜଣଙ୍କୁ ଉଦ୍ଧାର କରାଯାଇଥିଲା।
ଏନଡିଆରଏଫ ଏକ୍ସ ପୋଷ୍ଟରେ କହିଛି ଯେ ଜଣେ ମହିଳା ଏବଂ ଏକ ଛୋଟ ବାଳକକୁ ସଫଳତାର ସହ ଉଦ୍ଧାର କରାଯାଇଛି ଏବଂ ସେମାନଙ୍କୁ ତୁରନ୍ତ ଡାକ୍ତରଖାନାରେ ଭର୍ତି କରାଯାଇଛି। କିନ୍ତୁ, ଭଗ୍ନାବଶେଷରୁ ବାହାର କରାଯାଇଥିବା ଅନ୍ୟ ଦୁଇ ଜଣଙ୍କୁ ଘଟଣାସ୍ଥଳେ ମୃତ ଘୋଷଣା କରାଯାଇଛି। ଏନଡିଆରଏଫ୍ କହିଛି ଯେ ଅଂଚଳରେ ପ୍ରବଳ ବର୍ଷା ପରେ ଏହି ଦୁର୍ଘଟଣା ଘଟିଛି। ଏହି ସମୟରେ, ରାଜ୍ୟର କିଛି ସ୍ଥାନରେ ପ୍ରବଳ ବର୍ଷାକୁ ଦୃଷ୍ଟିରେ ରଖି ସରକାର ଜରୁରୀକାଳୀନ ପ୍ରସ୍ତୁତିର ପରିସର ବୃଦ୍ଧି କରିଛନ୍ତି।
---------------
---------------
ହିନ୍ଦୁସ୍ଥାନ ସମାଚାର / ଗଗନ
