ନୂଆଦିଲ୍ଲୀ, ଜୁନ ୧୮ (ହି.ସ.)- ୨୦୨୩ ମସିହାରେ ହିମାଚଳ ପ୍ରଦେଶରେ ଘଟିଥିବା ଗମ୍ଭୀର ପ୍ରାକୃତିକ ବିପର୍ଯ୍ୟୟ ଯୋଗୁଁ ପୁନରୁଦ୍ଧାର ଏବଂ ପୁନଃନିର୍ମାଣ ଯୋଜନା ଅଧୀନରେ ୨୦୦୬.୪୦ କୋଟି ଟଙ୍କା ମଞ୍ଜୁର କରିବା ପାଇଁ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଏବଂ କେନ୍ଦ୍ର ମନ୍ତ୍ରୀ ଜଗତ ପ୍ରକାଶ ନଡ୍ଡା ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ଗୃହମନ୍ତ୍ରୀ ଅମିତ ଶାହଙ୍କୁ ଧନ୍ୟବାଦ ଜଣାଇଛନ୍ତି।
ବୁଧବାର ଦିନ ସେୟାର କରାଯାଇଥିବା ତାଙ୍କ ବାର୍ତାରେ, ଜେପି ନଡ୍ଡା କହିଛନ୍ତି ଯେ ଦେବଭୂମିର ସଙ୍କଟ ମୁକାବିଲା ଏବଂ ବିପର୍ଯ୍ୟୟ ପୀଡିତଙ୍କୁ ସହାୟତା ପ୍ରଦାନ କରିବାରେ ମୋଦି ସରକାର ପ୍ରଦାନ କରିଥିବା ଆର୍ôଥକ ସହାୟତା ବିପର୍ଯ୍ୟୟ ପ୍ରଭାବିତ ନାଗରିକଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ସମର୍ଥନ। ସେ କହିଛନ୍ତି ଯେ ପ୍ରତ୍ୟେକ ସଙ୍କଟରେ ମୋଦୀ ସରକାର ଦେବଭୂମିର ଲୋକଙ୍କ ସହିତ ଠିଆ ହୋଇଛି ଏବଂ ହିମାଚଳକୁ ପ୍ରତ୍ୟେକ ପ୍ରକାରେ ସାହାଯ୍ୟ କରିବାକୁ ସର୍ବଦା ପ୍ରତିବଦ୍ଧ।
ଏହା ଉଲ୍ଲେଖନୀୟ ଯେ ବୁଧବାର ଦିନ, କେନ୍ଦ୍ର ଗୃହମନ୍ତ୍ରୀ ଅମିତ ଶାହଙ୍କ ଅଧ୍ୟକ୍ଷତାରେ ଏକ ଉଚ୍ଚସ୍ତରୀୟ କମିଟି ୨୦୨୩ ବନ୍ୟା, ଭୂସ୍ଖଳନ, ମେଘଫଟା ଘଟଣା ପରେ ହିମାଚଳ ପ୍ରଦେଶର ପୁନରୁଦ୍ଧାର ଏବଂ ପୁନଃନିର୍ମାଣ ଯୋଜନାକୁ ଅନୁମୋଦନ କରିଛି ଯାହାର ମୋଟ ବ୍ୟୟ ୨୦୦୬.୪୦ କୋଟି ଟଙ୍କା।
----------------
ହିନ୍ଦୁସ୍ଥାନ ସମାଚାର / ଗଗନ
19 Jun 2025