ନୂଆଦିଲ୍ଲୀ, ଜୁନ୍ ୨୬ (ଜୁନ) ସଂଘାଇ ସହଯୋଗ ସଂଗଠନ (ଏସସିଓ)ର ମିଳିତ ଘୋଷଣାପତ୍ରରେ ସ୍ୱାକ୍ଷର କରିବାକୁ ଭାରତର ମନାକରିବା ନେଇ ବୈଦେଶିକ ବ୍ୟାପାର ମନ୍ତ୍ରଣାଳୟର ମୁଖପାତ୍ର କହିଛନ୍ତି ଯେ ଭାରତ ନୀତିଗତ ଆଧାରରେ ଏହି ନିଷ୍ପତି ନେଇଛି କାରଣ ଘୋଷଣାପତ୍ରର କିଛି ଗୁରୁତ୍ୱପୂର୍ଣ୍ଣ ବିନ୍ଦୁ ଉପରେ ସଦସ୍ୟ ଦେଶମାନଙ୍କ ମଧ୍ୟରେ ସହମତି ହୋଇପାରିଲା ନାହିଁ।
ଚୀନର କ୍ୱିଙ୍ଗଦାଓ ପ୍ରାନ୍ତରେ ଅନୁଷ୍ଠିତ ସଂଘାଇ ସହଯୋଗ ସଂଗଠନର ପ୍ରତିରକ୍ଷା ମନ୍ତ୍ରୀମାନଙ୍କ ସମ୍ମିଳନୀରେ, ଭାରତ ଏକ ଗୁରୁତ୍ୱପୂର୍ଣ୍ଣ କୂଟନୈତିକ ଦୃଷ୍ଟିକୋଣ ଗ୍ରହଣ କରି ମିଳିତ ଘୋଷଣାପତ୍ରରେ ସ୍ୱାକ୍ଷର କରିବାକୁ ମନା କରିଦେଇଛି। ସମ୍ମିଳନୀରେ ଅଂଶଗ୍ରହଣ କରିବାକୁ ଆସିଥିବା ଭାରତର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ କିଛି ଗୁରୁତ୍ୱପୂର୍ଣ୍ଣ ବିନ୍ଦୁ ଉପରେ ସହମତି ଅଭାବରୁ ଏହି ଘୋଷଣାପତ୍ରକୁ ଗ୍ରହଣ କରିନାହାଁନ୍ତି।
ଏହା ସମ୍ପର୍କରେ ରାଜଧାନୀ ଦିଲ୍ଲୀରେ ଏକ ସାମ୍ବାଦିକ ସମ୍ମିଳନୀରେ ପଚରାଯାଇଥିବା ଏକ ପ୍ରଶ୍ନର ଉତରରେ ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଣଧୀର ଜୟସୱାଲ କହିଛନ୍ତି ଯେ ଭାରତ ଚାହୁଁଛି ଯେ ଆତଙ୍କବାଦ, ବିଶେଷକରି ସୀମାପାର ଆତଙ୍କବାଦ ଏବଂ ସମ୍ପର୍କିତ ଚିନ୍ତାଧାରା ଡକ୍ୟୁମେଂଟରେ ସ୍ପଷ୍ଟ ଭାବରେ ପ୍ରତିଫଳିତ ହେଉ। ଏହା କିଛି ସଦସ୍ୟ ଦେଶ ପାଇଁ ଗ୍ରହଣୀୟ ନୁହେଁ, ଯାହା କାରଣରୁ ଘୋଷଣାପତ୍ର ଚୂଡ଼ାନ୍ତ ହୋଇପାରିଲା ନାହିଁ। ଜୟସ୍ୱାଲ କହିଛନ୍ତି ଯେ ଭାରତ ବିଶ୍ୱାସ କରେ ଯେ ଆତଙ୍କବାଦ ବିଶ୍ୱ ସୁରକ୍ଷା ପାଇଁ ଏକ ବଡ଼ ବିପଦ ଏବଂ ଏହି ବିଷୟରେ କୌଣସି ସାଲିସ କରାଯାଇପାରିବ ନାହିଁ।
ଜୟସ୍ୱାଲ କହିଛନ୍ତି ଯେ ତାଙ୍କ ଅଭିଭାଷଣରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଏସସିଓର ସମସ୍ତ ୧୧ ସଦସ୍ୟ ଦେଶକୁ ଆତଙ୍କବାଦର ସମସ୍ତ ରୂପ ଏବଂ ପ୍ରକାଶନ ବିରୁଦ୍ଧରେ ଏକତ୍ରିତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଆହ୍ୱାନ କରିଛନ୍ତି। ସେ ଏହା ମଧ୍ୟ ଗୁରୁତ୍ୱାରୋପ କରିଛନ୍ତି ଯେ ଯେଉଁମାନେ ଆତଙ୍କବାଦକୁ ସମର୍ଥନ କରନ୍ତି, ଆର୍ôଥକ ସହାୟତା ଦିଅନ୍ତି ଏବଂ ଆଶ୍ରୟ ଦିଅନ୍ତି ସେମାନଙ୍କୁ ଦାୟୀ କରିବା ଆବଶ୍ୟକ ଏବଂ ସେମାନଙ୍କୁ ନ୍ୟାୟ ପ୍ରଦାନ କରାଯିବା ଉଚିତ। ମୁଖପାତ୍ର ପୁନର୍ବାର କହିଛନ୍ତି ଯେ ଭାରତ ଏସସିଓ ପ୍ଲାଟଫର୍ମରେ ଏକ ଗଠନମୂଳକ ଭୂମିକା ଗ୍ରହଣ କରିବାକୁ ପ୍ରତିବଦ୍ଧ, କିନ୍ତୁ ଏହାର ସୁରକ୍ଷା ଏବଂ ମୌଳିକ ନୀତି ସହିତ ସାଲିସ କରିବ ନାହିଁ।
------------
---------------
ହିନ୍ଦୁସ୍ଥାନ ସମାଚାର / ଗଗନ
26 Jun 2025