ବଲାଙ୍ଗିର, ୨୮ ଜୁନ୍ (ହି.ସ.)- ବଲାଙ୍ଗୀରରେ ରଥଯାତ୍ରାର ପରଂପରା ବହୁ ପ୍ରାଚୀନ। ଚଳିତ ବର୍ଷ ପବିତ୍ର ଘୋଷଯାତ୍ରା ଅବସରରେ ବଲାଙ୍ଗିର ଜିଲ୍ଲା ସୂଚନା ଓ ଲୋକସମ୍ପର୍କ ବିଭାଗର ଆୟୋଜନରେ ଏହି ଘୋଷଯାତ୍ରାର ଧାରା ବିବରଣୀ ସୂଚନା କେନ୍ଦ୍ର ଠାରେ ପ୍ରଦାନ କରାଯାଇଥିଲା। ସହରର ମୁଖ୍ୟରାସ୍ତାରେ ଥିବା ଆଶିଷ ପ୍ଲାଜା ଠାରେ ଜିଲ୍ଲା ସୂଚନା ଓ ଲୋକସମ୍ପର୍କ ଅଧିକାରୀ ସରୋଜ କୁମାର ସାହୁଙ୍କ ପରିଚାଳନାରେ ସୂଚନା କେନ୍ଦ୍ରରେ ଧାରା ବିବରଣୀ ଦିଆଯାଇଥିଲା।

ନାଟ୍ୟଭୂଷଣ ଜଗଦାନନ୍ଦ ଛୁରିଆ, ଶିକ୍ଷାବିତ୍ ସନାତନ ଠାକୁର, କବି ମଧୁସୂଦନ ନାୟକ, ସାମ୍ବାଦିକ ସନ୍ଦୀପ କୁମାର କୁଅଁର, ଅଧ୍ୟାପିକା ପ୍ରବଚିକା ଏଲୋରା ମିଶ୍ର, ପ୍ରବଚିକା କଲୋଳିନୀ ମିଶ୍ର, ପ୍ରବଚକ ବିଭୁତି ଭୂଷଣ ମିଶ୍ର, ପ୍ରବଚକ ବିଜୟ ତ୍ରିପାଠୀ ପ୍ରମୁଖ ବଲାଙ୍ଗୀରର ରଥଯାତ୍ରା ପରଂପରା, ଜଗନ୍ନାଥ ତତ୍ତ୍ଵ, ଜଗନ୍ନାଥ ସଂସ୍କୃତି ସହ ବଲାଙ୍ଗିରର ରଥଯାତ୍ରା ସହ ସଂପର୍କରେ ଧାରାବିବରଣୀ ପ୍ରଦାନ କରିଥିଲେ। ଏହି କେନ୍ଦ୍ରରେ ଜିଲ୍ଲା ସୂଚନା ଓ ଲୋକସମ୍ପର୍କ କାର୍ଯ୍ୟାଳୟର କେଶବ ବାଗ, ସୁରେଶ ପଟେଲ ପ୍ରମୁଖ ସହଯୋଗ କରିଥିଲେ |

ହିନ୍ଦୁସ୍ଥାନ ସମାଚାର / ଗୋପବନ୍ଧୁ