ନୂଆଦିଲ୍ଲୀ, ଜୁନ୍ ୨୮ (ହି.ସ.)- ଦକ୍ଷିଣ-ପଶ୍ଚିମ ମୌସୁମୀ ବାୟୁ ସମଗ୍ର ଦେଶରେ ପୂର୍ଣ୍ଣ ଗତିରେ ପହଂଚିିଛି ଏବଂ ଏହାର ପ୍ରଭାବ ଦିଲ୍ଲୀ-ଏନସିଆର ସମେତ ଉତର ଭାରତର ବହୁ ସ୍ଥାନରେ ଦୃଶ୍ୟମାନ ହେଉଛି। ଶନିବାର ରାଜଧାନୀ ଦିଲ୍ଲୀ ଏବଂ ଆଖପାଖ ଅଂଚଳରେ ପ୍ରବଳ ବର୍ଷା ହୋଇଥିଲା, ଯାହା ପାଗକୁ ସୁଖଦ କରିଥିଲା ଏବଂ ଗରମରୁ ଆଶ୍ୱସ୍ତି ଦେଇଥିଲା। ଆରକେ ପୁରମ, ମୟୂର ବିହାର, ବୈଶାଳୀ, ଆଇଜିଆଇ ବିମାନବନ୍ଦର ଏବଂ ଦିଲ୍ଲୀର ଅନେକ ସ୍ଥାନରେ ପ୍ରବଳ ବର୍ଷା ହୋଇଥିଲା।
ପାଣିପାଗ ବିଭାଗ କହିଛି ଯେ ଦକ୍ଷିଣ ଦିଲ୍ଲୀ ଉପରେ ଗଠିତ ଏକ ବିଶାଳ ପାଗ ପ୍ରଣାଳୀ ଏବେ ଦିଲ୍ଲୀର କେନ୍ଦ୍ରୀୟ ଏବଂ ପୂର୍ବ ଅଂଶ ଆଡକୁ ମୁହାଁଇଛି। ଏହାର ପ୍ରଭାବରେ, ଆଗାମୀ କିଛି ଘଣ୍ଟା ମଧ୍ୟରେ ରାଜଧାନୀର ବାକି ସ୍ଥାନରେ ମଧ୍ୟମରୁ ପ୍ରବଳ ବର୍ଷା ହୋଇପାରେ, ଯେତେବେଳେ ଦକ୍ଷିଣ ଏନସିଆରରେ ବର୍ଷାର ତୀବ୍ରତାରେ କିଛି ହ୍ରାସ ଦେଖାଯାଇପାରେ। ପାଣିପାଗ ବିଭାଗ ଏକ ସତର୍କ ସୂଚନା ଜାରି କରି କହିଛି ଯେ ଦିଲ୍ଲୀର ବିଭିନ୍ନ ଅଂଚଳ ଯେପରିକି ନରେଲା, ବାୱାନା, ଅଲିପୁର, ବୁରାରୀ, ମଡେଲ ଟାଉନ୍, କରାୱାଲ ନଗର, ଆଜାଦପୁର, ଦିଲ୍ଲୀ ବିଶ୍ୱବିଦ୍ୟାଳୟ, ସିଭିଲ୍ ଲାଇନ୍ସ, ଦିଲଶାଦ ଗାର୍ଡେନ, ବିବେକ ବିହାର, ପଟେଲ ନଗର, ଇଣ୍ଡିଆ ଗେଟ୍, ଅକ୍ଷରଧାମ ଏବଂ ରାଷ୍ଟ୍ରପତି ଭବନ ଆଖପାଖ ଅଂଚଳରେ ଆଗାମୀ କିଛି ଘଂଟା ମଧ୍ୟରେ ପ୍ରବଳ ପବନ ସହିତ ହାଲୁକାରୁ ମଧ୍ୟମ ବର୍ଷା ହେବାର ସମ୍ଭାବନା ରହିଛି। ପବନର ବେଗ ଘଂଟା ପ୍ରତି ୩୦ ରୁ ୫୦ କିଲୋମିଟର ରହିବ ବୋଲି ଆଶା କରାଯାଉଛି। କିଛି ସ୍ଥାନରେ ବଜ୍ରପାତ ସତର୍କତା ମଧ୍ୟ ଜାରି କରାଯାଇଛି। ସଫଦରଜଙ୍ଗ, ଲୋଦି ରୋଡ୍, ନେହେରୁ ଷ୍ଟାଡିୟମ୍, ଜାଫରପୁର, ନଜଫଗଡ଼, ଦ୍ୱାରକା, ବସନ୍ତ କୁଞ୍ଜ, ବସନ୍ତ ବିହାର ଏବଂ ଦିଲ୍ଲୀ କ୍ୟାଂଟ ଭଳି ଅଂଚଳରେ ସମାନ ପରିସ୍ଥିତି ଲାଗି ରହିପାରେ। ଏହା ବ୍ୟତୀତ, ହରିୟାଣାର ଗୁରୁଗ୍ରାମ, ବାହାଦୁରଗଡ଼, ମାନେସର, ଫତେହାବାଦ, ଝଜ୍ଜର, ହିସାର, ପାନିପତ, ଭିୱାନୀ, ଚରଖି ଦାଦ୍ରି, ମହେନ୍ଦ୍ରଗଡ଼ ଭଳି ଅଂଚଳରେ ହାଲୁକା ଝଡ଼ବର୍ଷା ଏବଂ ବର୍ଷା ହେବାର ସମ୍ଭାବନା ରହିଛି। ବର୍ଷାର ପ୍ରଭାବ ଉତର ପ୍ରଦେଶର ମେରଠ, ମଥୁରା, ବୁଲନ୍ଦସହର, ହାଥରସ, କାସଗଞ୍ଜ, ଆମରୋହା ଏବଂ ବଦାୟୁଁ ଭଳି ଜିଲ୍ଲାରେ ମଧ୍ୟ ଦେଖାଯିବ।
-------------
---------------
ହିନ୍ଦୁସ୍ଥାନ ସମାଚାର / ଗଗନ
29 Jun 2025