ସମ୍ବଲପୁର, ୩୦ ଜୁନ୍ (ହି.ସ.)
ବାଙ୍ଗାଲୁରୁର ହୀରା ନନ୍ଦାନୀ ହାଉସିଙ୍ଗ୍ ସୋସାଇଟିରେ ପ୍ରବାସୀ ପଶ୍ଚିମ ଓଡ଼ିଶାର ଓଡିଆ ମାନଙ୍କ ଉଦ୍ୟମରେ ରବିବାର ଦିନ ରଥଯାତ୍ରା ଅନୁଷ୍ଠିତ ହୋଇଯାଇଛି । ହୀରା ନନ୍ଦାନୀ ଅଞ୍ଚଳରେ ରହୁଥିବା ସମ୍ବଲପୁର, ବରଗଡ଼, ଝାରସୁଗୁଡ଼ା, ବଲାଙ୍ଗୀର, ସୁନ୍ଦରଗଡ଼ ଓ ବଲାଙ୍ଗୀର ଅଞ୍ଚଳର ଶହଶହ ମହିଳା ଓ ପୁରୁଷମାନେ ଏହି ଆଧ୍ୟାତ୍ମିକ ସମାରୋହରେ ସାମିଲ ହୋଇ ଅଗ୍ରଣୀ ଭୂମିକା ଗ୍ରହଣ କରିଥିଲେ। ଏହି ଅବସର ରେ ୫୦ ଟି ବିଭିନ୍ନ ଷ୍ଟଲ୍ ଖୋଲିଛି । ରଥଯାତ୍ରା ଅବସରରେ ଓଡ଼ିଶୀ ନୃତ୍ୟ, ସମ୍ବଲପୁରୀ ନୃତ୍ୟ ଓ ଆଧ୍ଯାତ୍ମିକ ଭଜନ ପରିବେଷଣ କାର୍ଯ୍ୟକ୍ରମ ମଧ୍ୟ ଆୟୋଜିତ ହୋଇଥିଲା । କମିଟିର ଆବାହକ ସମ୍ରାଟ୍ ରାୟ ପମୁଖ ଙ୍କ ଦ୍ୱାରା ସମ୍ବଲପୁରର ଉଦୟୀମାନ କେନ୍ଡିଡ୍ ଫଟୋଗ୍ରାଫର ମୌସୁମ ପଟ୍ଟନାୟକ ରଥଯାତ୍ରାର ଫଟୋ ଓ ଭିଡିଓ ଉତ୍ତୋଳନ କରିଥିଲେ । ଏକ ନିଆରା ଢଙ୍ଗ ତଥା ଶୈଳୀରେ ଚଳିତ ବର୍ଷ ରଥ ନିର୍ମିତ ଓ ସଜ୍ଜିତ ହୋଇଥିଲା । ଏହି ସମାବେଶରେ ବିଭିନ୍ନ ଅଞ୍ଚଳରେ ରହୁଥିବା ଶତାଧିକ ଓଡିଆ ପରିବାର ସାମିଲ୍ ହୋଇଥିବା ଦେଖିବାକୁ ମିଳିଥିଲା ।
---------------
ହିନ୍ଦୁସ୍ଥାନ ସମାଚାର / ଶୈଳେଶ
