ନୂଆଦିଲ୍ଲୀ, ଜୁନ ୦୪ (ହିସ)- ନୀତି ଆୟୋଗର ଗ୍ରାମୀଣ ବିକାଶ ବିଭାଗ ବୁଧବାର ନୂଆଦିଲ୍ଲୀର ନୀତି ଆୟୋଗ ମୁଖ୍ୟାଳୟରେ 'ଗ୍ରାମୀଣ କ୍ଷୁଦ୍ର ଉଦ୍ୟୋଗଗୁଡ଼ିକୁ ସୁଦୃଢ଼ କରିବା' ଉପରେ ଏକ ଜାତୀୟ ସେମିନାର ଆୟୋଜନ କରିଥିଲା। ସେମିନାରରେ ଅନ୍ତର୍ଭୁକ୍ତିମୂଳକ ଅର୍ଥନୈତିକ ବିକାଶକୁ ଆଗକୁ ବଢ଼ାଇବା ଏବଂ ଆଂଚଳିକ ବୈଷମ୍ୟକୁ ଦୂର କରିବାରେ ଗ୍ରାମୀଣ କ୍ଷୁଦ୍ର ଉଦ୍ୟୋଗଗୁଡ଼ିକର ଗୁରୁତ୍ୱପୂର୍ଣ୍ଣ ଭୂମିକା ଉପରେ ଗୁରୁତ୍ୱାରୋପ କରାଯାଇଥିଲା।
ନୀତି ଆୟୋଗର ଅନୁଯାୟୀ, ସେମିନାରରେ ନୀତି ନିର୍ଦ୍ଧାରକ, ଶିଳ୍ପ ନେତା, ଆର୍ôଥକ ପ୍ରତିଷ୍ଠାନ, ଅନ୍ତର୍ଜାତୀୟ ସଂଗଠନ, ପ୍ରଯୁକ୍ତିବିଦ୍ୟା ପ୍ରଦାନକାରୀ ଏବଂ ତୃଣମୂଳ ସ୍ତରର ଉଦ୍ୟୋଗୀମାନେ ମହିଳା ନେତୃତ୍ୱାଧୀନ ପଦକ୍ଷେପ ଉପରେ ବିଶେଷ ଧ୍ୟାନ ଦେଇ ଗ୍ରାମୀଣ କ୍ଷୁଦ୍ର ଉଦ୍ୟୋଗଗୁଡ଼ିକୁ ସଶକ୍ତ କରିବା ପାଇଁ ରଣନୀତି ଉପରେ ଆଲୋଚନା କରିଥିଲେ। ସେମିନାରରେ ଅନ୍ତର୍ଭୁକ୍ତିମୂଳକ ଅର୍ଥନୈତିକ ବିକାଶକୁ ଆଗକୁ ବଢ଼ାଇବା ଏବଂ ଆଂଚଳିକ ବୈଷମ୍ୟକୁ ଦୂର କରିବାରେ ଗ୍ରାମୀଣ କ୍ଷୁଦ୍ର ଉଦ୍ୟୋଗଗୁଡ଼ିକର ଗୁରୁତ୍ୱପୂର୍ଣ୍ଣ ଭୂମିକା ଉପରେ ଗୁରୁତ୍ୱାରୋପ କରାଯାଇଥିଲା। ଓପନ୍ ନେଟୱାର୍କ ଫର୍ ଡିଜିଟାଲ୍ କମର୍ସ (ଓଏନଡିସି) ଭଳି ପଦକ୍ଷେପ ବ୍ୟବହାର କରି ନୀତି ଢାଂଚାକୁ ସକ୍ଷମ କରିବା, ସୁଲଭ ଋଣ ପାଇଁ ଉପଲବ୍ଧତାକୁ ଉନ୍ନତ କରିବା ଏବଂ ଡିଜିଟାଲ୍ ଏବଂ ବଜାର ପ୍ରବେଶ ବୃଦ୍ଧି କରିବା ଉପରେ ଗୁରୁତ୍ୱାରୋପ କରାଯାଇଥିଲା। ଆଲୋଚନାରେ ନିୟାମକ ମାନଦଣ୍ଡକୁ ସରଳ କରିବା ଏବଂ ଡିଜିଟାଲ୍ ଉପକରଣ ଏବଂ ପ୍ଲାଟଫର୍ମ ସହିତ ଶେଷ ମାଇଲ୍ ସଂଯୋଗ ସୁନିଶ୍ଚିତ କରିବାର ଗୁରୁତ୍ୱ ଉପରେ ଆଲୋକପାତ କରାଯାଇଥିଲା।
ଏହି ଅବସରରେ ବିଶେଷଜ୍ଞମାନେ ଗ୍ରାମୀଣ ଉଦ୍ୟୋଗକୁ ସମର୍ଥନ କରିବା ପାଇଁ ମିଶ୍ରିତ ଆର୍ôଥକ ମଡେଲ, ସଂସ୍ଥାଗତ ସଂଯୋଗ ଏବଂ କର୍ପୋରେଟ୍ ସାମାଜିକ ଦାୟିତ୍ୱ (ସିଏସଆର) ପାଣ୍ଠିର ଉପଯୋଗ କରିବାକୁ ପରାମର୍ଶ ଦେଇଥିଲେ। ବଜାର ପହଂଚ ଏବଂ ପ୍ରଭାବକୁ ବିସ୍ତାର କରିବା ପାଇଁ ଇ-କମର୍ସ ପ୍ଲାଟଫର୍ମ ଏବଂ ଘରୋଇ କ୍ଷେତ୍ର ସମ୍ବଳ ଖୋଲିବାର ଆବଶ୍ୟକତା ଉପରେ ମଧ୍ୟ ଆଲୋକପାତ କରାଯାଇଥିଲା।
----------------
---------------
ହିନ୍ଦୁସ୍ଥାନ ସମାଚାର / ଗଗନ
06 Jun 2025
ସ୍କୁଲ ଓ ଉଚ୍ଚଶିକ୍ଷାରେ ଭାରତୀୟ ଭାଷାରେ ଶିକ୍ଷାକୁ ପ୍ରୋତ୍ସାହନ ଆମର ପ୍ରତିବଦ୍ଧତା - ଧର୍ମେନ୍ଦ୍ର ପ୍ରଧାନ
06 Jun 2025