ନୂଆଦିଲ୍ଲୀ, 5 ଜୁନ୍ (ହି.ସ.)- ଉତ୍ତର ରେଲୱେ
ଶ୍ରୀନଗର ଏବଂ ଶ୍ରୀ ମାତା ବୈଷ୍ଣୋ ଦେବୀ କଟରା ମଧ୍ୟରେ ବନ୍ଦେ ଭାରତ୍ ଏକ୍ସପ୍ରେସ୍ ଟ୍ରେନର
ନିୟମିତ ସେବା 7 ଜୁନ୍ ଠାରୁ ଆରମ୍ଭ କରିବାକୁ ଘୋଷଣା କରିଛି। ଏହି ଦୁଇ ଟ୍ରେନ ପାଇଁ ଟିକେଟ୍
ବୁକିଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଦ୍ୱାରା ଶୁକ୍ରବାର କଟରାରୁ ଟ୍ରେନକୁ ସବୁଜ ପତାକା ଦେଖାଇବା ପରେ ଆରମ୍ଭ ହେବ।
ଉତ୍ତର ରେଲୱେ ଗୁରୁବାର ଏକ
ବୟାନରେ କହିଛି ଯେ ଏହି ଟ୍ରେନ ସେବା ସପ୍ତାହରେ ଛଅ ଦିନ ଚାଲିବ। ଏହା ଫଳରେ କଶ୍ମୀର ଘାଟୀ ଓ
ପ୍ରମୁଖ ତୀର୍ଥସ୍ଥଳ ମଧ୍ୟରେ ଯାତାୟାତ ସୁବିଧାରେ ଉନ୍ନତି ହେବ।
ରେଳ ବିଭାଗର ଅଧିକାରୀମାନେ କହିଛନ୍ତି
ଯେ କଟରାରୁ ଶ୍ରୀନଗର ପର୍ଯ୍ୟନ୍ତ ବନ୍ଦେ ଭାରତ୍ ଟ୍ରେନରେ ଯାତ୍ରା ସମୟ କେବଳ ତିନି ଘଣ୍ଟା ହେବ।
ବର୍ତ୍ତମାନ ସଡ଼କ ମାର୍ଗରେ ଏହି ଯାତ୍ରା ପୂରଣ କରିବାକୁ କମରେ କମ ଛଅରୁ ସାତ ଘଣ୍ଟା ଲାଗେ।
ବନ୍ଦେ ଭାରତ୍ ଟ୍ରେନକୁ ବିଶେଷଭାବରେ ଏହି ଅଞ୍ଚଳରେ ପଡ଼ୁଥିବା କଠିନ ଶୀତ ଋତୁ ମଧ୍ୟରେ
ନିର୍ବିଘ୍ନ ଭାବେ ଚଳାଚଳ କରିପାରିବା ପାଇଁ ଡିଜାଇନ୍ କରାଯାଇଛି।
ଏହି ଟ୍ରେନ ସେବାରେ
ଯାତ୍ରୀମାନଙ୍କୁ ଶ୍ରୀନଗର ଓ କଟରା ମଧ୍ୟରେ ଯାତ୍ରା କରିବାରେ ଅଧିକ ସୁବିଧା ହେବ। ଏହା ଅଞ୍ଚଳର
ପର୍ଯ୍ୟଟନ ଏବଂ ଆର୍ଥିକ ଉନ୍ନତିକୁ ମଧ୍ୟ ବଢ଼ାଇବ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
06 Jun 2025
ସ୍କୁଲ ଓ ଉଚ୍ଚଶିକ୍ଷାରେ ଭାରତୀୟ ଭାଷାରେ ଶିକ୍ଷାକୁ ପ୍ରୋତ୍ସାହନ ଆମର ପ୍ରତିବଦ୍ଧତା - ଧର୍ମେନ୍ଦ୍ର ପ୍ରଧାନ
06 Jun 2025