ଶିମଲା, ୧୩ ଜୁଲାଇ (ହି.ସ.)-

ହିମାଚଳ ପ୍ରଦେଶର ଅଧିକାଂଶ ଅଞ୍ଚଳରେ ରବିବାର ସକାଳୁ ପାଗ ମେଘୁଆ ରହିଛି। ଗତ ୨୪ ଘଣ୍ଟାରେ ମୌସୁମୀ

ପ୍ରବାହ ହ୍ରାସ ଯୋଗୁଁ ପ୍ରବଳ ବର୍ଷାର ମାତ୍ରା କମିଛି। ତଥାପି, କିଛି ସ୍ଥାନରେ ହାଲୁକା ବର୍ଷା ହୋଇଛି। ଜୋତରେ

ସର୍ବାଧିକ ୨୭ ମିମି, କୁଫରୀ ୨୪ ମିମି, ଶିମଳାରେ ୧୫ ମିମି, ଚୌପାଲରେ ୧୩ ମିମି

ଏବଂ କଣ୍ଡାଘାଟରେ ୧୧ ମିମି ବର୍ଷା ରେକର୍ଡ କରାଯାଇଛି। ପାଣିପାଗ ବିଜ୍ଞାନ କେନ୍ଦ୍ର ଶିମଳା ଆଜି

ରାଜ୍ୟର କିଛି ଅଞ୍ଚଳରେ ହାଲୁକାରୁ ମଧ୍ୟମ ବର୍ଷା ହେବାର ପୂର୍ବାନୁମାନ କରିଛି, କିନ୍ତୁ ବର୍ତ୍ତମାନ

କୌଣସି ପ୍ରକାରର ଚେତାବନୀ କିମ୍ବା ସତର୍କତା ଜାରି କରାଯାଇ ନାହିଁ। ବିଭାଗ ଅନୁଯାୟୀ, ୧୪ ରୁ ୧୭ ଜୁଲାଇ

ପର୍ଯ୍ୟନ୍ତ ରାଜ୍ୟରେ ପୁଣି ଥରେ ମୌସୁମୀ ସକ୍ରିୟ ହେବାର ସମ୍ଭାବନା ଅଛି ଏବଂ ଏହି ସମୟ ମଧ୍ୟରେ

କିଛି ଅଞ୍ଚଳରେ ପ୍ରବଳ ବର୍ଷାକୁ ନେଇ ୟେଲୋ ଆର୍ଲଟ ମଧ୍ୟ ଜାରି କରାଯାଇଛି।

---------------

ହିନ୍ଦୁସ୍ଥାନ ସମାଚାର / ରଶ୍ମିତା