ନୂଆଦିଲ୍ଲୀ, 18 ଜୁଲାଇ (ହି.ସ.)- ପ୍ରଧାନମନ୍ତ୍ରୀ
ନରେନ୍ଦ୍ର ମୋଦି ଶୁକ୍ରବାର ଦିନ ଭିଡିଓ କନ୍ଫରେନ୍ସିଂ ମାଧ୍ୟମରେ ବାପୂଧାମ ମୋତିହାରୀରୁ ଚାରିଟି
ନୂଆ ଅମୃତ ଭାରତ ଏକ୍ସପ୍ରେସ୍ ଟ୍ରେନ୍ର ଶୁଭାରମ୍ଭ କରିଛନ୍ତି। ସେ ରାଜେନ୍ଦ୍ର ନଗର ଟର୍ମିନାଲ–ନୂଆଦିଲ୍ଲୀ ଅମୃତ ଭାରତ ଏକ୍ସପ୍ରେସ୍ ସହିତ ଅନ୍ୟ ତିନିଟି ଟ୍ରେନ୍କୁ ସବୁଜ ପତାକା ଦେଖାଇ
ପ୍ରସ୍ଥାନ କରାଇଥିଲେ।
ଏହି ଅବସରରେ ବିଶେଷ ଟ୍ରେନ୍ରେ
ବସିଥିବା ଛାତ୍ରଛାତ୍ରୀମାନେ ପ୍ରଧାନମନ୍ତ୍ରୀ ମୋଦିଙ୍କୁ ଧନ୍ୟବାଦ ଜଣାଇ କହିଥିଲେ ଯେ, ଏହି ଟ୍ରେନ୍ ବର୍ତ୍ତମାନ ପାଟନା, ଭୋଜପୁର, ବକ୍ସର ସହିତ ବିହାରର ଅନେକ ଜିଲ୍ଲାର ଲୋକଙ୍କୁ ଆଧୁନିକ ଓ ସୁବିଧାଜନକ ରେଲଯାତ୍ରାର
ଅନୁଭୂତି ଦେବ। ସାଧାରଣ ଲୋକମାନେ ଏବେ କମ୍ ଭାଡ଼ାରେ ଆଧୁନିକ ସୁବିଧାଯୁକ୍ତ ଟ୍ରେନ୍ର ଲାଭ
ଉଠାଇପାରିବେ।
ରାଜ୍ୟର ଲୋକମାନେ ରାସ୍ତାରେ ପାଟନାରୁ
ଚାଲିଥିବା ଏହି ଟ୍ରେନ୍ର ସ୍ବାଗତ ଜୋରଦାର ଭାବେ କରିଥିଲେ। ଆରା ଷ୍ଟେସନ୍ରେ ଲୋକମାନେ
ଭାରତ ମାତା କି ଜୟ ଓ ପ୍ରଧାନମନ୍ତ୍ରୀ ମୋଦିଙ୍କ ନାମରେ ଜୟଧ୍ୱନି କରିଥିଲେ।
ଦାନାପୁର ମଣ୍ଡଳ ରେଳ
ପ୍ରବନ୍ଧକଜୟନ୍ତ କୁମାର ଚୌଧୁରୀ କହିଛନ୍ତି ଯେ, ରାଜେନ୍ଦ୍ର ନଗରରୁ ନୂଆଦିଲ୍ଲୀକୁ ଯିବା ଏହି ଟ୍ରେନ୍ର ସାଧାରଣ ଶ୍ରେଣୀ ଭଡ଼ା ୩୫୦ ଟଙ୍କା
ଓ ସ୍ଲିପର୍ କ୍ଲାସ୍ ଭାଡ଼ା ୫୬୦ ଟଙ୍କା ନିର୍ଦ୍ଧାରିତ ହୋଇଛି। ବର୍ତ୍ତମାନ ଯାତ୍ରୀମାନେ ସାଧାରଣ
ଭଡ଼ାରେ ଦିଲ୍ଲୀ ପର୍ଯ୍ୟନ୍ତ ଲମ୍ବା ଯାତ୍ରା କମ୍ କଷ୍ଟରେ କରିପାରିବେ, କାରଣ ଏହାର ସିଟ୍ଗୁଡିକ ବହୁତ ସୁବିଧାଜନକ। ପ୍ରତ୍ୟେକ କୋଚ୍ରେ ସିସିଟିଭିକ୍ୟାମେରା ଲାଗିଥିବାରୁ ସୁରକ୍ଷାର ମଧ୍ୟ ଅନୁଭୂତି ମିଳିବ। ମୋବାଇଲ୍
ଚାର୍ଜିଂ ପାଇଁ ବିଶେଷ ବ୍ୟବସ୍ଥା କରାଯାଇଛି। ଏହି ଟ୍ରେନ୍ ପ୍ରତିଦିନ ପାଟନାରୁ ପୂର୍ବାହ୍ନ
11:45 ବେଳେ ବାହାରିବ ଓ ପରବର୍ତ୍ତୀ ଦିନ ସକାଳ 4 ବେଳେ ନୂଆଦିଲ୍ଲୀରେ ପହଞ୍ଚିବ।
---------------
ହିନ୍ଦୁସ୍ଥାନ ସମାଚାର / ସ୍ୱାଗତିକା
